ރާނބާ ފަތް އެއްދުވަހަކު ހަވީރު ނަލަ ހެދިލައިގެން ހިނގާލަން ދިޔައެވެ.
ރާނބާ ހިނގަމުން ދަނިކޮށް ގެއެއްގެ ފާރުކައިރީގައި އިން ހުވަނދުމާ ގަހަކަށް ރާނބާ ފެނިގެން ރާނބާ އަށް ގޮވާލިއެވެ.
ހުވަނދުމާ ގަސް: ރާނބާ ތިޔަދަނީ ކޮންތާކަށް މާނަލަހެދިލައިގެން.
ރާނބާ: މިދަނީ ފިނި ބުރެއް ޖަހާލަން.
ހުވަނދުމާ: ރާނބާ އަށް ވަރަށް ވަގުތު ލިބޭދޯ ރާނބާ ބޭނުންކުރާ މީހުން މަދުވީމަ.
ރާނބާ: ނޫނޭ އަހަރެން ބޭނުން ކުރާ މީހުން މާގިނަވާނެ ހުވަނދުމަލަށްވުރެ.
މަގޭ ފަތުން ސިރަޕް ވެސް ތައްޔާރުކުރޭ. މަގޭ ކޭކަކީ ވެސް މާ ހިނގާ އެއްޗެއް.
ހުވަނދުމާ: ހިތްހަމަނުޖެހިފައި ބަލަ ރާނބާ މަށަކީ އެވޭލާ ޒަމާނުއްސުރެން ވެސް އެންމެ ގިނަ މީހުން ފޮނި ބާވަތް ތައްޔާރު ކުރަން ބޭނުންކުރާ މަލެކޭ. ވަސް ވެސް އަދި ރަހަވެސް އެހާ ގިނަ މީހުންނަށް ކަމުދާނެ.
ރާނބާ: ކުރީޒަމާނުގައި މީހުންނަށް އެކަނި ތިމާ ކަމުދާނީ.
މަށަކީ މިޒަމާނަށް ފެތޭ އެންމެ ހިނގާ ރަހައޭ. ހުވަނދު މަލުގެ ރަހަ ތިހުރީ މިހާރު މުސްކުޅި ވެފައެއްނުން.
ހުވަނދުމާ: ބަލަ ރާނބާ މަގޭރަހަ ދެގޮތެއް ނުވާނެ ފިނިފެން ތައްޔާރުކުރާ ގޮތަށް މަގޭ ރަހަ ފުޅި ފުޅީގައި ބަންދުވެގެން ދުވަސް ކޮޅަކުން ދުނިޔޭގެ ބާޒާރަށް ނެރޭނެ. މިހާރުވެސް ރާއްޖޭގައި ހުރޭ.
ރާނބާ: މިހާރުވެސް މަގޭރަހަ ދުނިޔޭގެ ބާޒާރުން ވެސް ލިބެއޭ.
ރާނބާ އެހެން ބުނިތަނާ އެވާހަކަ އަޑު އަހަން އެގޭޖޯލީގައި ތިބި 2 މީހުންގެ ތެރެއިން އެކަކު ބުންޏެވެ.
ތީ ދެބަސްވާންވީކަމެއް ނޫނޭ ތި ދެރަހަޔަކީ ވެސް ގިނަބަޔަކު ބޭނުން ކުރާ 2 ރަހައޭ.
އެމީހަކު އަމިއްލައަށް އެމީހަކީ އެންމެ މޮޅު މީހާ ކަމަށް ނުވަތަ އެންމެ ރަހަ މީރުވާނީ ރާނބާއޭ ނޫނީ ހުވަނދުމަލޭ ނުބުނާނެ.
އެކަންތައް އިންސާފު ކުރާނީ އެހެން މީހުން.
އެކި މީހުންނަށް މީރުވާނީ އެކި ރަހަ. އެކި މީހުންނަށް ރީތިވާނީ އެކިކުލަ.
އެމީހާ އެހެންބުނުމުން ރާނބާ އާއި ހުވަނދުމާ ރަކިވެފައި އެދެމީހުންނަށް ބަލާލިއެވެ.
