ބޭނުންވާތަކެތި
260ގ ބަނބުކެޔޮ (އާވިން ކައްކާފައި)
250 އެމް.އެލް ބޯކިރު (1ޖޯޑް ބޯކިރު)
50ގ ހިކިމަސް (ކޮށާފައި)
60ގ ފިޔާ (ބޮޑު ފިޔާ) (30ގ. ފިޔާ މަސްމޮޑެން 30ގ. ފިޔާ މީރުކުރުމަށް)
ބައި އިންޗި އިނގުރު
3 ރޯމިރުސް
1 ފަޅި ލުބޯ
1 ސައިސަމުސާ ގިތެޔޮ (ފިޔާ މީރުކުރަން)
ރަހަލާވަރަށް ލޮނު
ތައްޔާރުކުރާނެ ގޮތް
ފުރަތަމަ ބަނބުކެޔޮ މަޑުކުރާނީއެވެ. އެއަށްފަހު ބަނބުކެޔޮތައް ދައިމަތީގައި ފުނޑާލާނީއެވެ. ނުވަތަ އަތުން ނޫނީ ސަމުސަލަކުން ޗިސްކުރާނީއެވެ. އެއަށްފަހު ކޮށާފައިހުރި މަސްތައް މޮޑެލާނީއެވެ. ފިޔާ، މިރުސް ކޮށާލުމަށްފަހު އަދި އިނގުރުކޮޅު ގާނާލާނީއެވެ. ދެން ކޮށާފައިވާ ފިޔާގެ ދެބައިކުޅަ އެއްބައި ފިޔާ އަޅާނީއެވެ. އިނގުރާއި ލުބޯހުތް އަދި ލޮނު އަޅައިގެން މަސްގަނޑު ރަނގަޅަށް މޮޑެލާނީއެވެ. އެއަށްފަހު ފުނޑާފައި ހުރި ބަނބުކެޔޮ އަދި ބޯކިރު އަޅައިގެން ލޮނު ހެޔޮވަރުވާ ވަރަށް މޮޑެލާނީއެވެ. ތެއްޔެއް ނުވަތަ ތާހެއްގައި ބާކީހުރި ފިޔާކޮޅު އަދި ގިތެޔޮ އަޅައިގެން ފިޔާކޮޅު މީރުކޮށްލުމަށްފަހު ވަކިން ބަހައްޓާނީއެވެ. އެއަށްފަހު ތައްޔާރު ކުރެވުނު ބަނބުކެޔޮކޮޅު އަޅައިގެން މަޑުގިނީގައި ދޭފަތަކުން ހަލަމުން ގެންދާށެވެ. ދެން ތާހުގެ ކައިރިފަށުން ކުޑަކޮށް ނެއްޓެން ފެށީމަ މީރު ކުރެވުނު ފިޔާކޮޅު އަޅާ އެއްކޮށްލުމަށްފަހު އުނދުންމަތިން ބާލާނީއެވެ.
