ގަރޑެންވިއު ރެސިޑެންސީ އަކީ އިންޑިއާގެ ކޮޗިންގައި ހުންނަ އަމްރިތާ ހޮސްޕިޓަލް އަދި ރާޖަގިރި ހޮސްޕިޓަލް ކައިރިން ސަރވިސް އެޕާޓްމަންޓްތަކުގެ ޚިދުމަތް ފޯރުކޮށްދޭ ބައެކެވެ.

އަމްރިތާ ހޮސްޕިޓަލް ކައިރިން ލިބެންހުރި އެޕާޓްމެންޓްތައް

ގަރޑެންވިއު ރެސިޑެންސީގެ މެނޭޖިންގ ޑައިރެކްޓަރ ސަނަފް މައުލޫމާތުދެއްވި ގޮތުގައި އަމްރިތާ ހޮސްޕިޓަލް ކައިރީގައި ހުންނަ އިމާރާތުގައި ދެކޮޓަރީގެ 6 ސަރވިސް އެޕާޓްމެންޓް ހުރެއެވެ. އެއީ ފަރުނީޗަރާއެކީގައި ކައްކާ ކެވޭގޮތަށް ބަދިގެއާއެކު ހުންނަ އެޕާޓްމެންޓްތަކެކެވެ.

Advertisement

" އޭސީ، ފްރިޖް، ދޮންނަމެޝިން، ޓީވީ، ވައިފައިގެ ޚިދުމަތުގެ އިތުރަށް ބަދިގޭގައި ކެއްކޭނެ ހުރިހާ އިންތިޒާމެއް ހަމަޖެހިފައިވާނެ".

ރާޖަގިރި ހޮސްޕިޓަލް ކައިރިން ލިބެންހުރި އެޕާޓްމެންޓްތައް

ރާޖަގިރި ހޮސްޕިޓަލް ކައިރީގައި ދެކޮޓަރި އަދި 3 ކޮޓަރީގެ އެޕާޓްމެންޓްތައް ލިބެންހުރިއިރު އެ އެޕާޓްމެންޓްތައް ހުންނަނީ ބޮޑު ހުސްތަނާއެކު ހުންނަ ވަކި ގެތަކެއްގައެވެ. ކައްކާ ކެވޭގޮތަށްހުރި މި އެޕާޓްމެންޓްތަކުގައި އޭސީގެ އިތުރަށް ޓީވީ އާއި ދޮންނަމެޝިން އަދި ވައިފައިގެ ޚިދުމަތް ލިބެންހުރެއެވެ.

ދުވަހު ކުއްޔަށް ކިހާވަރަކަށް ދެނީ؟

" އެއްކޮޓަރީގެ އެޕާޓްމެންޓް ކުއްޔަށްދެނީ ދުވާލަކަށް 1900 އިންޑިއަން ރުޕީސް އަށް. ދެކޮޓަރީގެ އެޕާޓްމެންޓް 2500 އިންޑިއަން ރުޕީސް އަށް އަދި 3 ކޮޓަރީގެ އެޕާޓްމެންޓް ކުއްޔަށް ދެނީ 3000 އިންޑިއަން ރުޕީސް އަށް" ސަނަފް ވިދާޅުވިއެވެ.

10 ދުވަހަށް ކުއްޔަށް ހިފާނަމަ ނުވަތަ 8 ދުވަހަށް ރުފިޔާ ދައްކާނަމަ ޚާއްސަ ޑިސްކައުންޓެއް ދިނުމަށްވަނީ ހަމަޖެހިފައެވެ.

ގަރޑެންވިއު ރެސިޑެންސީ ޚިޔާރުކުރަންވީ ކީއްވެ؟

މި ސަރވިސް އެޕާޓްމެންޓްތައް ޚިޔާރުކުރަންވީ ދޭ ޚިދުމަތުގެ ފެންވަރު ރަނގަޅުވުމުގެ އިތުރަށް، ޚިދުމަތް ހޯދާފައިވާ ކަސްޓަމަރުންގެ 99 އިންސައްތަ މީހުން ބޭނުންވާ ފެންވަރުގެ ޚިދުމަތްތައް ފޯރުކޮށްދީފައިވާތީ ކަމަށް ސަނަފް ވިދާޅުވިއެވެ.

" އެއްވެސް މީހަކަށް މައްސަލައެއް ދިމާވެއްޖެނަމަ އެމައްސަލައެއް ހައްލުކޮށްދިނުމަށް އަޅުގަނޑުމެން އެހީތެރިވެދެން. އަދި އަޅުގަނޑުމެންނަށް އެހީތެރިކަން ފޯރުކޮށްނުދެވޭވަރު ކަމެއް ކަމުގައިވާނަމަ އެހީތެރިކަން ލިބޭނެގޮތަކީ ކޮބައިތޯ ބަލައި ހަމަޖައްސައިދެން. ގިނަ ދުވަހަށް ޚިދުމަތް ހޯދާ ދިވެހިން އުޅޭ"

މި އެޕާޓްމަންޓްތައް ހުންނަނީ ވަރަށް ހިތްފަސޭހަ ސަރަހައްދުތަކެއްގައެވެ.

" އަމްރިތާ ހޮސްޕިޓަލަށް ހިނގާފަދެވޭހާ ކައިރިވުމުގެ އިތުރަށް 5 މިނިޓުން އޮޓޯގައި ލޫލޫމޯލް އަށް ދެވޭނެ. އެންމެބޮޑު ހިތްހަމަޖެހުމަކީ ރީތި ބަގީޗާއެއް ހުރުން. މިއީ ކުޑަކުދިންނާއި ބޮޑެތި މީހުންނަށް އަމިއްލަ ގެއެއް ފަދަ ތަނެއް. އަދި ވަރަށް ކައިރީގައި ދިވެހި ރަހަތައް ހިމެނޭ ކެއުންތައް ލިބެންވެސް ހުރޭ"

ފޯރުކޮށްދޭ ޚިދުމަތްތައް

• އެއާޕޯޓަށް ބަލާދިއުމާއި ގެންގޮސްދިނުން
• ޑޮލަރު މާރުކޮށްދިނުން
• އެޕާޓްމެންޓާއި ހަމައަށް ކާއެއްޗެހި ޑެލިވަރީކޮށްދޭ ރެސްޓޯރެންޓްތައް ވަނީ ހަމަޖެހިފައި
• އެތެރޭގެ ދަތުރުފަތުރުތައް ހަމަޖައްސައިދިނުން
• އަންނައުނު ދޮވެދިނުން
• ބޭނުންވެއްޖެނަމަ ބަސްދޭހަކޮށްދޭނެ މީހަކު ހަމަޖައްސައިދިނުން
• ވިޔަފާރިކުރުމަށް ދާން ރަނގަޅުތަންތަނުގެ މައުލޫމާތު ފޯރުކޮށްދިނުން
• ފަތުރުވެރިންނަށް ޚާއްސަ ޗުއްޓީ ޕެކޭޖްތައް

ދިވެހިން ދެކޭގޮތް

ގާރޑެންވިއު ރެސިޑެންސީގެ ފޭސްބުކް ޕޭޖަށް 40 ވަރަކަށް ދިވެހިން 'ރިވިއު' ދީފައިވާއިރު ދިވެހިންގެ އެންމެބޮޑު ހިތްހަމަޖެހުމަކީ، އަމްރިތާ ހޮސްޕިޓަލާއި ކައިރިވުމެވެ.

އަދި ދޭ ޚިދުމަތްތަކުގެ ފެންވަރު ރަނގަޅުވުމުގެ އިތުރަށް، ޖާގައިގެ ތަނަވަސް އެޕާޓްމެންޓްގެ ގޮތުގައި ބައެއް މީހުން ފާހަގަކޮށްފައިވެއެވެ. އަދި އެޕާޓްމެންޓް ހުރި ސަރަހައްދަކީ ރައްކާތެރި ސަރަހައްދެއްގެ ގޮތުގައި ފާހަގަކޮށްފައިވެއެވެ.

މި ޕޭޖްގެ އެންމެ ޚާއްސަ ކަމަކީ އެތަނުން ޚިދުމަތް ހޯދައިފައިވާ ގިނަ އަދަދެއްގެ ދިވެހިންގެ ފޮޓޯތަކެއް ޕޭޖުގައި ހުރުމެވެ. ބަގީޗާގައި ކުޑަކުދިން ކުޅޭ ވީޑިއޯ، ޖޯލިފަތީގައި ހިތްހަމަޖައްސާލުމަށް ތިބޭ މަންޒަރުގެ އިތުރުން ދިވެހިން ގޮސް ބާބަކިއު ހަދާ މަންޒަރުފަދަ ތަފާތު ފޮޓޯއާއި ވީޑިއޯ އެޕޭޖުން ފެންނަން އެބަހުއްޓެވެ.

ނިންމުން

ކޮޗިންއަށް އާންމުކޮށް ޒިޔާރަތްކުރަނީ  އޮމާން، ދިވެހިރާއްޖެ އަދި ސައުދިއަރަބިއާގެ ފަތުރުވެރިންނެވެ. އަމްރިތާ ހޮސްޕިޓަލުގެ އިތުރުން އެސްޓަރ މެޑިސިޓީ އަދި އައި ފައުންޑޭޝަން އަކީ ގަރޑެންވިއު ރެސިޑެންސީ ކައިރީގައި ހުންނަ މަޝްހޫރު ތަންތަނެވެ. އަދި ލޯކަލް މާރުކޭޓް ހުންނަނީ، ޓެކްސީއެއްގައި 15 މިނިޓުން ދެވޭހާ ކައިރީގައެވެ.

އަމްރިތާ ހޮސްޕިޓަލް ކައިރީގައި ޚިދުމަތް ފޯރުކޮށްދޭތާ 4 ވަނަ އަހަރުކަން ފާހަގަކުރަމުން ސަނަފް ވިދާޅުވީ ރާޖަގިރި ހޮސްޕިޓަލް ކައިރިން އެޕާޓްމެންޓް ކުއްޔަށްދިނުމުގެ ޚިދުމަތް ފެށީ ވަރަށް ފަހުން ކަމަށެވެ.

ގުޅޭނެ ނަންބަރު: 8289933660 0091