ހަރުބަހެއްގައިވެއެވެ. ރަޙްމަތްތެރީން އެނގޭނީ މުޞީބާތުގެ ވަގުތުގައެވެ. މީހަކާ މުޞީބާތެއް ނުވަތަ ކާރިޘާއެއް ނުވަތަ ދަތިކަމެއް ކުރިމަތިވުމުން، އޭނާގެ ގާތުގައި އެކުވެރިންކަމުގައި ހެދިގެން އުޅުނު ގިނަ ބަޔަކު، އޭނާ ދޫކޮށް ދުރަށް ދާތަން ފެނެއެވެ.
" ﷲ ގެ ނަބިއްޔާ އައްޔޫބުގެފާނަށް އާލާސްކަންފުޅެއް ޖެހިވަޑައިގެންނެވި ހިނދު، އެކަލޭގެފާނުގެ މުއްސަނދިކަމާއި، ތަނަވަސްކަން ގެއްލިގެންދިޔަ ވަގުތު، އަދި އެކަލޭގެފާނުގެ ބޭފުޅުން އަވަހާރަވުމުން، އެކަލޭގެފާނަށް ޒިޔާރަތްކުރަމުން ދިޔަ މީހުންނާއި، އެކަލޭގެފާނުގެ މަޖިލީހަށް ހާޒިރުވަމުން ދިޔަ މީހުންގެ ތެރެއިން ގިނަބަޔަކު، އެކަލޭގެފާނު ދޫކޮށް، ދުރަށް ދިޔަ. އިބްނު ޙިއްބާން ރިވާކުރެއްވިގޮތުގައި އައްޔޫބުގެފާނު މި އާލާސްކަންފުޅުގައި އަށާރަ އަހަރު ހޭދަކުރެއްވި. އެކަލޭގެފާނު ދޫކޮށްނުލައި އަރިހަށް ޒިޔާރަތްކުރަމުން ދިޔައީ ހަމަ އެންމެ ދެމީހުން".
ރަޙްމަތްތެރިންނަކީ ޖަމާއަތެއްގެ ކުރިއެރުމާއި، ފަހަތަށް ޖެހުމުގައި ވަރަށްބޮޑު ދައުރެއް އަދާކުރާ ބައެކެވެ. ހިތްހަމަޖެހުމާއި، ނުތަނަވަސްކަން ގެނެސްދިނުމުގައި، އެމީހުންގެ އަސަރު ވަރަށް ބޮޑެވެ. މީހުންގެ ހަޔާތާއި ވިސްނުމާއި، ފިކުރަށް ވެސް ރަޙްމަތްތެރިންގެ އަސަރު ވަރަށްވެސް ބޮޑެވެ.
ރަޙްމަތްތެރިން އިޙްތިޔާރު ކުރުމުގައި، އިސްލާމް ދީން ވަނީ މަތިވެރި އިރްޝާދުތަކެއް ދެއްވައިފައެވެ.
" ރަހްމަތްތެރިކަމުގެ ގުޅުން އުފެދި ބޮޑުވެފައިވަނީ، އިޚްލާސްތެރިކަމާއި، މަތިވެރި މަޤްސަދެއްގައި ކަމުގައިވާނަމަ އެއީ މާތް ﷲ އެކަމުގައި ބަރަކާތް ލައްވަވާނެ ގުޅުމެއް. އެއީ ދޯދިޔާ ނުބައި ގުޅުމެއް ކަމުގައި ވާނަމަ، އޭގެ ނުބައިކަން މާތް ﷲ އެފަރާތަކަށް ރައްދު ކުރައްވާނެ. ރަޙްމަތްތެރިކަން އޮންނަންވާނީ އީމާންކަމާއި އިޙްސާންތެރިކަމުގެ މަގުގަ"
ތެދުވެރި ސާފު ރަޙްމަތްތެރިކަމަކީ އިސްލާމް ދީން އެކަމަށް ގޮވައިލާ އެކަމަށް ބާރުއަޅާ ކަމެކެވެ. މިފަދަ އެކުވެރިން ޤާއިމުކޮށް މާތް ﷲ އަށްޓަކައި އެކަން ދެމެހެއްޓުމަށް އިސްލާމް ދީން ގޮވައިލައެވެ. މީހެއްގެ ފަރާތުން ލިބިދާނެ ފައިދާއަކަށްޓަކައި، ނުވަތަ މީހެއްގެ ގައިގައި ހުރި މޮޅު ކަމަކަށްޓަކައި އެމީހަކު ދެކެ ލޯބިވުމަކީ އެހެން ބާވަތެއްގެ ރަޙްމަތްތެރިކަމެކެވެ. ﷲ ގެ ވަޖުހުފުޅަށްޓަކައި މީހަކު ލޯބިވާ ލޯބިވުމުގެ ނަތީޖާ ފެންނާނީ އެކަމުގައި ހުރި އިޚްލާސްތެރިކަމެއްގެ ސަބަބުންނެވެ.
މަޢުލޫމާތު: ހުކުރު ޚުތުބާ
