ބޭނުންވާތަކެތި:
½ ކިލޯ ކުކުޅު މަސް
3 މޭޒުމަތީ ސަމުސާ އޮލިވްއޮއިލް
2 ލުނބޯ
3 ލޮނުމެދު
1 މޭޒުމަތީ ސަމުސާ މާމުއި
1 ސައިސަމުސާ ދިރި (ހިމުންކޮށްފަ)
½ ސައިސަމުސާ ތެޅިމިރުސް
1 ސައިސަމުސާ ލޮނު
½ ސައިސަމުސާ އަސޭމިރުސް
¼ ޖޯޑު ސިލަންޓްރޯ/ކޮރިއެންޑަރ ފަތް
ތައްޔާރުކުރާނެ ގޮތް:
ސިލަންޓްރޯ ފަތް ކުދިކޮށް ކޮށާފަ ތައްޓަކަށް އަޅާށެވެ. ލުނބޯގެ ތޮށި ގޭނުމަށްފަހު އަޅާށެވެ. އަދި ލުނބޯހުތް ވެސް އަޅާށެވެ. ލޮނުމެދުވެސް ގާނާފަ އަޅާށެވެ. އޮލިވްއޮއިލް، ދިރި، ތެޅިމިރުސް، ލޮނު، އަސޭމިރުސް، މާމުއި އަޅާފަ މިހުރިހާ ބާވަތެއް އެއްކޮށްލާށެވެ. އެއަށްފަހު ކުކުޅުމަސްކޮޅުގަ ރަނގަޅަށް ހާކާލުމަށްފަހު 30 މިނިޓަށް އައިސްއަލަމާރީގައި ބަހައްޓާށެވެ.
ތަވައަށް ތެޔޮފޮދެއް އެޅުމަށްފަހު ހޫނުވުމުން މަޑުގިނީގައި ކުކުޅުމަހުގެ ކުލައަށް ބަދަލުއަންނަ ވަރަށް ތެލުލާށެވެ. (5 ވަރަކަށް މިނިޓް) އެއަށްފަހު އަވަނުގައި 15 ވަރަކަށް މިނިޓަށް ކުކުޅުމަސްކޮޅު ފިހެލާށެވެ.
