ހުޅުމާލެ އަށް ޒިޔާރަތްކުރާ މީހުންނަށް މިއީ އާވައްތަރެއްގެ ގަހަކަށް ނުވެދާނެއެވެ. މާ އަޅާފައި ހުންނަ 'އަންމަލްތާސް'ގެ ބޮޑުގަހެއް ހުޅުމާލޭގެ ފުރަތަމަފިޔަވަހީގައި ހުރެއެވެ.
އަންމަލްތާސް ގަހަކީ އެގަހުގައި ރީނދޫ ކުލައިގެ ބޮޑެތި ދިގު މައުކޯޅިތަކެއް ނުކުންނަ ބިޔަކޮށްހެދޭ ގަހެކެވެ. މިއީ އާންމުގޮތެއްގައި 10-15 މީޓަރުގެ އުސްމިނެއްގައި ހެދޭ ގަހެކެވެ. އަދި ލަކުޑިގަނޑު ސީދަލަށް މައްޗަށް ހެދޭ އާންމުގޮތެއްގައި ވަށަމިނުގައި 1 މީޓަރު ހުންނަ ގިނަގޮފިތަކެއް ހުންނަ ވަރަށްރީތި ގަހެކެވެ. މިގަހުގެ ފަތަކީ ދެފަޅިއަށް ހުންނަގޮތަށް ދިގުމިނުގައި 30-40 ސެންޓިމީޓަރު ހުންނަ 3-8 ޖޯޑު ފަތް ހުންނަ ފަތެކެވެ.
މި ގަހުގައިއަޅާ ތޮޅި ހުންނަނީ ދިގުކޮށް ވަށްކޮށް ބޭރު އޮމާންކޮށެވެ. ތޮޅީގައި 25-100 ދެމެދުގެ އަދަދަކަށް އޮށް ހުންނަކަމަށްވެއެވެ. މިއޮށުގެ މަދަކީ މޮޅު ޖުއްލާބެއްކަމަށް ރަދީފުގައި ވެސް ފާހަގަކޮށްފައިވެއެވެ.
މިގަސް އިންދުމަށްފަހު މާ އެޅުމަށް 8 ނުވަތަ 9 އަހަރު ހޭދަވާކަމަށްވެއެވެ. މިގަހުގެ ލަކުޑިއަކީ ދަރުގެ ގޮތުގައި އެންދުމަށް އަދި ފަރުނީޗަރު ހެދުމަށްވެސް ބޭނުންކުރާ ވަރަށްހަރު ލަކުޑިއެކެވެ. މާއަޅާފަ ހުންނައިރު މިއީ ވަރަށް ރީތި ގަހެކެވެ.
އަންމަލްތާސް އަކީ ކޮންއެއްޗެއްކަން އެނގޭތަ؟https://t.co/dzW4VUDDlQ pic.twitter.com/fraJWqoJ9K
— xeetimes.com (@xeetimes) August 24, 2022
މައުލޫމާތު: ރަދީފު އަދި ފީޑިޕީޑިއާ
