ބޭނުންވާތަކެތި:
500ގ. ފުށް
2 ބިސް (ގިރާފައި)
50ގ. ބަޓަރު
10ގ. އީސްޓް
8ގ. ލޮނު
200 އެމްއެލް ދިޔާކިރު
50ގ. ހަކުރު
ތައްޔާރުކުރާނެ ގޮތް:
ފުށް ތައްޓަކަށް އަޅާލާށެވެ.
އީސްޓް، ހަކުރު، ލޮނު، ބިސް، ބަޓަރު، ކިރު އެއްކޮށްގެން ވަރަށް ރަނގަޅަށް މޮޑެލާށެވެ.
ފުށްގަނޑު މަޑުވަންދެން ނުވަތަ ރަނގަޅަށް ފުފެންދެން ބާއްވާށެވެ.
ފުށްގަނޑުން ކޮންމެ ގުޅައެއް 35ގ. ހުންނަވަރަށް ކަނޑާފައި ޓްރޭގައި އަތުރާލާފައި 1 ގަޑި އިރުވަންދެން ކަވަރކޮށްފައި ބަހައްޓާށެވެ.
އެއަށްފަހު ގުޅަތަކުގެ މެދުން ލޯވަޅެއް ކަނޑާފައި 1 ގަޑި އިރު ކަވަރކޮށްފައި ބަހައްޓާށެވެ.
ތަވާޔަށް ތެޔޮއަޅާފައި ތެޔޮ ކެކިގަތީމާ ޑޯނަޓްސްތައް ތަވާޔަށް އަޅާފައި ތެލުލާފައި ނަގާށެވެ.
އެތެރޭގައި ކްރީމް ހާކަން ބޭނުންނަމަ އައިސިންގ ޝުގަރކޮޅަކާއި ބަޓަރ އަދި ހިކިކިރުކޮޅަކާއ ވެނީލާ އެސެންސްފޮދެއް އެއްކޮށް ރަނގަޅަށް ގިރާފައި ކްރީމްކޮޅެއް ހަދާފައި ޑޯނަޓް ދެފަޅި ކޮށްފައި އެއްފަޅީގައި ހާކާފައި އަނެއްފަޅި ތަތްކޮށްލާށެވެ.
ލެމަން ކްރީމް މަތީގައި ހާކާފައި ޑާރކް ޗޮކްލެޓް ކޮޅަކުން ޑެކަރޭޓް ކޮށްލާށެވެ.
ޑޯނަޓްސް ވެސް ވަރަށް ގިނަ ގޮތްގޮތަށް ތައްޔާރު ކުރެއެވެ.
