ލޭޑީސްފިންގަރ ނުވަތަ ބާމިޔާތޮޅިއޭ ބުނުމުން އާނަމަކަށް ނުވާނެކަން ޔަގީނެވެ. ބައެއް މީހުން ބާމިޔާތޮޅި ކާން ފޫހިވެއެވެ. ސަބަބަކަށްވެފައިވަނީ ދަވަ ގިނަވުމުންނެވެ.
މިތަރުކާރީ އަކީ ކާން ވަރަށް ފައިދާހުރި އެއްޗެކެވެ. އަދި މީރުކޮށް ކައްކައިގެން ރޮށި ނުވަތަ ބަތާއިއެކު ކާލަންވެސް ވަރަށް މީރު ވާނެއެވެ.
ބާމިޔާތޮޅި ކައްކާއިރު ދޮވެލުމަށްފަހު ރަނގަޅަށް ހިއްކައިގެން ބޭނުންކުރާނަމަ މީގައި ހުންނަ ދަވަކަން ކުޑަވާނެއެވެ. އަދި މީގެ އިތުރުން ކައްކާއިރު ލުނބޯކޮޅެއް ޖަހާލައިގެން ކައްކާލާށެވެ.
ބާމިޔާތޮޅިން ލިބޭ ފައިދާތައް ނުހަނު ގިނައެވެ.
- ބަރުދަން ލުއިކުރުމަށް އެހީއެއް
ބާމިޔާތޮޅި އަކީ ހަށިގަނޑުގެ ބަރުދަން ލުއިކުރުމަށް އެހީތެރިވެދޭ އެއްޗެކެވެ. ކެލޮރީސް ވަރަށް މަދު މިތަރުކާރީ ކެއުމުގައި ބޭނުންކުރާނަމަ ހަށިގަނޑުގެ ބަރުދަން ލުއިވެ ހަށިގަނޑަށް އެނގުންވެއެވެ. ކެއުމުގައި މި ބޭނުންކުރާނަމަ ގިނައިރު ބަނޑުހައި ނުވެ ހިފަހައްޓާލަދީ އަދި ވަރަށް އަވަހަށް ބަނޑުފުރޭވެސް އެއްޗެކެވެ. ބަރުދަން ލުއިކުރުމަށްޓަކައި ބާމިޔާތޮޅި ބޭނުންކުރާނަމަ އެއްވެސް ވަރަކަށް ތެޔޮ ނުވަތަ ބަޓަރު ކަހަލައެއްޗެއް ބޭނުން ނުކޮށް ކައްކާލާށެވެ.
- ކޮލެސްޓްރޯލް ދަށްކޮށްދިނުމަށް އެހީއެއް
ބާމިޔާ ތޮޅީގައި ހުންނަ "ޕެކްޓިން" ކިޔާ މާއްދާ އަކުން ކޮލެސްޓްރޯލް ދަށްކޮށް ދިނުމަށް އެހީވެދެއެވެ. އަދި މީގެ އިތުރުން ކޮލެސްޓްރޯލް އިތުރަށް ގޯސްވިއަ ނުދީ ހިފަހައްޓާދެއެވެ. ކާއިރު ރޯކޮށް ބޭނުން ކުރުމަށްވެސް ބާމިޔާތޮޅި އަކީ ވަރަށް ރަނގަޅުއެއްޗެކެވެ.
- ބްލަޑް ޝުގަރ ކޮންޓްރޯލް ކޮށްދިނުމަށް އެހީއެއް
ބާމިޔާތޮޅި އަކީ ފައިބަރ ވަރަށް ބޮޑަށް އެކުލެވިގެންވާ މާއްދާއަކަށްވާއިރު ޑައެޓްކުރުމަށްވެސް ބާމިޔާތޮޅި އެހީވެދެއެވެ. މިގޮތަށް ބޭނުންކުރާއިރު މީގައި ގޯސް މާއްދާއެއް އެކުލެވިފައި ނުވާއިރު ހަކުރު ހުންނަ މީހުންވެސް ބާމިޔާތޮޅި ކެއުމަކީ ހަކުރު ކޮންޓްރޯލް ކޮށްދޭ ކަމެކެވެ. ހަފްތާއަކު ދެފަހަރު ބާމިޔާތޮޅި ބޭނުންކުރާނަމަ ހަކުރު ހުންނަ މީހުންނަށް މިކަމުން ލުއި ލިބިގެންދެއެވެ.
- ބަނޑުގެ މައްސަލަތަކާއި ބޮޑުކަމުދިއުމަށް އެހީވެދޭ
ބާމިޔާތޮޅީގައި ހުންނަ ފައިބަރގެ ސަބަބުން ބަނޑުގެ މައްސަލަތަކަށް ހައްލު ލިބިގެންދެއެވެ. އަދި ބޮޑުކަމުދިއުމަށް ފަސޭހަވެގެންދެއެވެ. ބަނޑު ހަމަޖެހިފައި ހުރުމުގެ ސަބަބުން ބަނޑު ފުއްޕާ މަސައްލަވެސް ކުޑަކޮށްދީ ވައިގެ އުދަގުލުންވެސް ކޮންމެވެސް ވަރަކަށް ސަލާމަތްވެއެވެ.
- ލޮލުގެ ފެނުމަށް ހައްލު ލިބިގެންދޭ
ބާމިޔާތޮޅި އަކީ ވިޓަމިންއޭ އަދި "ބެޓަރ ކެރޮޓީން"ގެ މާއްދާ އެކުލެވިގެންވާ އެއްޗެކެވެ. މިދެބާވަތުގެ ނިއުޓްރިޝަންސް އަކީވެސް ލޮލުގެ މައްސަލަތަކަށް ހައްލު ލިބިގެންވާ މާއްދާއެކެވެ. މީގައި އެކުލެވިގެންވާ މިމާއްދާގެ ސަބަބުން ލޮލުގެ މައްސަލަތައް ޖެހުން ކުޑަކޮށްދެއެވެ. ބާމިޔާތޮޅި އާއްމުކޮށް ކާނަމަ މިކަންކަމަށް ވަރަށް ބޮޑަށް ހައްލު ލިބިގެންދެއެވެ.
- ޑިޕްރެޝަންގެ މައްސަލައަށް ހައްލު ލިބިގެންދޭ
މާބޮޑަށް ކަންކަމާއި ހާސްވާނަމަ ބާމިޔާތޮޅި ބޭނުންކުރަން އާދަކުރާށެވެ. މީގައި ހުންނަ މެގްނީސިއަމްގެ މާއްދާގެ ސަބަބުން ނާރުތަކަށް ބާރުބޮޑުނުވެ ހަށިގަނޑަށް ހަމަޖެހުން ލިބެއެވެ. އަދި ސިކުނޑިއަށް ވެފައި ހުންނަ ބާރު ކުޑަކޮށްދީ މީހާގެ ހަށިގަނޑު ފިނިކޮށްދީ ބޮލަށް އަރާމު ލިބިގެންދެއެވެ.
- މޫނުގައި ހުންނަ އޮށާޅަތަކަށް ހައްލު ލިބި ހަންގަނޑު ރީތިކޮށްދޭ
ބާމިޔާތޮޅީގައި ހުންނަ އެންޓި ބެކްޓީރިއާގެ ސަބަބުން މޫނުގައި ހުންނަ ބިހި ނުވަތަ އޮށާޅަ ރަނގަޅުކޮށްދީ އޭގައި ހުންނަ ވިހަ ޖަރާސީމުތައް މަރާލައެވެ. މީގައި ހުންނަ ދިޔަ މޫނުގައި ހާކާނަމަ މޫނުގެ ހަންގަނޑު ރީތިކޮށްދީ އުޖާލާކޮށްދެއެވެ.
މައުލޫމާތު: އެމް.ފެމިނާ.އައިއެން
