ގދ. އަތޮޅު މަދަރުސާގައި ކިޔަވަމުން އަންނަ ޝާޔާން ބިންތި އަހުމަދު (ޝާޔަން) މިއީ ގދ. ގައްދޫ އަށް އުފަން އުމުރުން 11 އަހަރުގެ ހުނަރުވެރި ކުއްޖެކެވެ. ޝާޔަން ގެ އުމުރުން 7 އަހަރުގައި ލޯބިވާ މަންމަ ވަނީ އަލިފާނުގެ ހާދިސާއަކަށްފަހު ނިޔާވެފައެވެ. ސްކޫލު ކުދިންގެ ލަވަ މުބާރާތުގައި ޝާޔަން ހުށަހަޅައިދިން ލަވަ ވަނީ ވަރަށް ގިނަ މީހުންނަށް ކަމުގޮސްފައެވެ. އެލަވައިގެ އަސަރު ވަނީ ގިނަބަޔަކަށް ކޮށްފައެވެ. "މަގޭ މަންމަ ހީލީމާ، އެލިބޭ އަރާމާ.. އެ މަންޒަރު ހަނދާންވާތީ ކުރާ މިއީ ދުޢާއޭ".. ޝާޔަން ގެ ލަވައިގައި ފާހަގަކޮށްފައިވެއެވެ. ޝާޔަންގެ އެ އަސަރުގަދަ ލަވަ ތައްޔާރުކޮށްދިން އަބްދުލް ބާސިތު މުހައްމަދު އަދި ދިވެހި މުދައްރިސް މުހައްމަދު ޝާމިހުއަށް އާއިލާއިން ވަނީ ޝުކުރު އަދާކޮށްފައެވެ.
ޝާޔަން އަދި އޭނާގެ ކޮއްކޮ ބަލަހައްޓަމުންދަނީ މަންމަ ފަރާތުގެ މާމައާއި ބޮޑުދައިތައެވެ. އަމިއްލަ ދަރިއެކޭ އެއްފަދައިން ލޯބިދީގެން ޝާޔަން ބަލަމުން އަންނަ މާމަ (ނަފީސާ) އާއި އޭނާގެ ކުޑާއްތަ (މަރިޔަމް ތައުފީގު) ގެ އިތުރުން ޝާޔަންގެ ވީޑިއޯ އިންޓަވިއު ތިބޭފުޅުންނާއި ހަމައަށް 'ޒީޓައިމްސް' އިން މިގެނެސްދެނީ ޝާޔަންގެ ހުނަރުވެރިކަން ފާހަގަވެގެންނެވެ. މިއީ ޤުރުއާން އަދި މަދަހަކިޔަން ވެސް ވަރަށް މޮޅު ކުއްޖެކެވެ.
