މަސްގަނޑު ތައްޔާރުކުރުމަށް ބޭނުންވާ ތަކެތި:
1 ޖޯޑު އަލުވި (ކުދިކޮށް ކިއުބުސްކޮށް ކޮށާފައި)
1 ފިޔާ މެދު ސައިޒު (ކުދިކޮށް ކިއުބުސްކޮށް ކޮށާފައި)
1 ރެޑް ބެލް ޕެޕަރ (ކިއުބުސްކޮށް ކޮށާފައި)
1/3 ލޮނު
3/4 ސައިސަމުސާ މުގުރި އަސޭމިރުސް
2 ޖޯޑު ކުކުޅު (ކިއުބުސްކޮށް ކޮށާފައި އަދި އަސޭމިރުސް ލޮނު ލައިގެން މެރިނޭޓްކުރުމަށްފަހު)
2 ޗިކަން ކިއުބު
1 ޖޯޑު ކޯން (ފްރޯޒަން ނުވަތަ ތާޒާ)
1 މޭޒުމަތީސަމުސާ ބަޓަރ
½ ޖޯޑު ދިޔާކިރު
5 ފޮތި ޗީޒް
2 ސައިސަމުސާ ކޯން ފްލާރ
ފިޔާ އަދި ލޮނުމެދު ކުދިކޮށް ކޮށާފައި ބަޓަރކޮޅުގައި މީރުކޮށްލާނީއެވެ. މީރު ކުރާއިރު ޗިކަންކިއުބު އަސޭމިރުސް އަޅައިގެން މީރުކޮށްލާނީއެވެ. އެއަށްފަހު ބެލްޕެޕަރ، ކޯން، އަލުވި އަޅައިގެން މީރުކޮށްލާނީއެވެ. 3 މިނިޓް މީރުކޮށްލުމަށްފަހު ކުކުޅުކޮޅު އަޅާލާނީއެވެ. ދެން މަޑުމަޑުން ކިރު އަދި ކޯން ފްލާ އަޅައިގެން މަޑުގިނީގައި ކައްކާނީއެވެ. ދެން ޗީޒް އެޅުމަށްފަހު އުދުން ނިއްވާލާށެވެ.
ޕައި ފުށްގަނޑު ތައްޔާރުކުރުމަށް ބޭނުންވާ ތަކެތި:
2 ޖޯޑު ފުށް
2 މޭޒުމަތީސަމުސާ ބަޓަރ
1 ސައިސަމުސާ ބޭކިން ޕައުޑަރ
1 ބިހުގެ ހުދުބައި
3/4 ސައިސަމުސާ ހަކުރު
½ ޖޯޑު ތާފަނާ ފެން
ފުރަތަމަ ބަޓަރ، ލޮނު އަދި ބިހުގެ ހުދުބައި އެއްކުރާނީއެވެ. އެއަށްފަހު މަޑުމަޑުން ފުށް އަޅާނީއެވެ. ދެން ހަކުރުކޮޅު ވިއްސާލުމަށްފަހު ބޭކިން ޕައުޑަރ އަޅައިގެން ރަނގަޅަށް ފުށް މޮޑެލާނީއެވެ. އެހުރީ ފުށްގަނޑު ތައްޔާރުކުރެވިފައެވެ. ދެން ފުށްގަނޑު ޕައި ފިހާ ޓްރޭއެއް ނުވަތަ ޓާޓް ފިހާ ޓްރޭއެއްގައި ދަމާލުމަށްފަހު ތައްޔާރުކުރެވުނު މަސްކޮޅު އެޅުމަށްފަހު އަވަނުގައި ފިހެލާށެވެ.ފިހަން ލުމުގެ ކުރިން ޕައިގެ ބޭރުގައި ބަޓަރ ހާކާލާށެވެ. ޕައި ފިހެވުމުން ހުންނާނީ ވަރަށް މުރަނަ އަދި ވަރަށް މީރު ޗީޒީކޮށްނެވެ. މިއީ ވަރަށް ތަފާތު މީރު އެއްޗެކެވެ.
