މިއީ ޓްރީޓޮޕް ހޮސްޕިޓަލާއި ޒީޓައިމްސް ގުޅިގެން ތައްޔާރުކޮށްފައިވާ ވީޑިއޯއެކެވެ. ތިރީގައި މިވަނީ ޑރ. އަނޫ ދެއްވި މުހިންމު މައުލޫމާތުތަކެވެ. 

ޑަރމަޓޮލޮޖީ ޑިޕާޓްމަންޓުން ފޯރުކޮށްދޭ ޚިދުމަތްތައް:

• އިސްތަށިތައް ނައްތާލުމަށް ލޭޒަރގެ ފަރުވާދޭ. މިއީ ތަދުނުވާގޮތަށް ދެވޭ ފަރުވާއެއް. މީގެއިތުރުން ޓެޓޫ ފޮހެލާ ހަންގަނޑުގައި ހުންނަ ލަކުނުތައް ފިލުވާލަދީ ހަންގަނޑު ރީތިކުރުމަށް ޚާއްސަ ފަރުވާތަކެއް ދެމުންދޭ.

އަވިން ރައްކާތެރިވުމުގެ މުހިންމުކަން:

Advertisement

• އަޅުގަނޑުމެން ދިރިއުޅޭ ގައުމަކީ އިކުއެޓަރ އާއި ވަރަށް ގާތުގައިވާ ގައުމެއް. އެހެންވުމުން އިރުގެ ހޫނު 90 ޑިގްރީއަށް ގަދަވޭ. އަވިން ރައްކާތެރިވުން ވަރަށް މުހިންމު. އަވިން ހަންގަނޑު އެނދުން އަދި އެލާޖިކްވާތަން އާންމުކޮށް ފެނޭ. އަވީގައި އުޅޭއިރު ކޮންމެ 2 ގަޑިއަކުން ސަންސްކްރީން އުނގުޅަންވާނެ.
• ގޮނޑުދޮށަށް ދާއިރު ތިބެނީ ހުސްފައިގައި. ރައްކާތެރިވުމަށް ބޫޓަށް އެރުން މުހިންމު. ގޮނޑުދޮށުގައި އޮށޯންނައިރު ތުވާލި ނުވަތަ ބެޑްޝީޓެއް ބޭނުންކުރަންވާނެ. އަދި ބުޅާ ނުވަތަ ތަފާތު ވައްތަރުގެ ދިރޭތަކެތީގައި އަތްލުމަށްފަހު ރަނގަޅަށް އަތް ދޮންނަންވާނެ.

އާންމުކޮށް ރާއްޖެއިން ފެންނަ ހަމުގެ ބަލިތައް:

• ރާއްޖެއަކީ ހޫނުގަދަ ގައުމެއްކަމުން ފަންގަލް އިންފެކްޝަންތަކާއި ގައިން ބިހިނެގުމަކީ ރާއްޖޭގައި ވަރަށް އާންމު ކަންކަން.
• ރާއްޖެއަކީ އާންމުކޮށް ހޫނުގަދަ ގައުމެއްކަމުން ކުޑަކުދިންގެ މެދުގައި އެކްޒެމާ އެހާ އާންމު ބައްޔަކަށްވެފައިވަނީ.

ފަރުވާތެރިވާނީ ކިހިނެއް؟

• އެކްޒެމާގެ ސަބަބުން ހަންގަނޑު ހަލާކުވެފައި ހުންނަތަނުގައި ގިނަގިނައިން މޮއިސްޗަރައިޒިންގ ކްރީމެއް އުނގުޅަންޖެހޭ. ހޫނުގަދަކަމުން ކުދިން ބައިތިއްބަނީ އޭސީކޮށްފަ ހުންނަ ތަންތަނުގައި. އެހެންކަމުން އޭސީގެ ފިނިހޫނުމިން އެއްމިންގަނޑެއްގައި ބެހެއްޓުން މުހިންމު. މާބޮޑަށް ފިނިގަދަ ކުރުމުގެ ބަދަލުގައި 27 ނުވަތަ 28 ޑިގްރީގައި ބެހެއްޓިދާނެ. އަދި ހަންގަނޑު ހިކި ކުރަކިވުމުން ރައްކާތެރިކޮށް ބެހެއްޓުމަށް ހަންގަނޑު ނިވާކޮށް ބެހެއްޓުމަކީ މުހިންމު ކަމެއް.