ޕާސްޕޯޓް ފޮޓޯއެއް ނަގަން ބުނުމުން ސިފަވަނީ ކޮންކަމެއްބާއެވެ؟ ޕާސްޕޯޓް ފޮޓޯއެއް ނަގަންދާނަމަ ވަކި ގޮތަކަށް އިސްތަށިގަނޑު ބަހައްޓަންޖެހެއެވެ. މީހާގެ ސިފަ ގެއްލޭގޮތަށް މޭކަޕް ކޮށްގެން ނަގާ ފޮޓޯ ކަމަކުނުދެއެވެ. މިއީ އާއްމުކޮށް މިނަގާ ފޮޓޯއެއްހެން އެހާ ފަސޭހަކަމާއެކު ނަގާ ނިންމާލެވޭ ކަހަލަ ފޮޓޯއެއްވެސް ނޫނެވެ.
ފޮޓޯ ނަގާއިރު ހިނިތުންވުމަކާއެކު ނަގާފައި ހުންނަ ފޮޓޯ ގަބޫލު ނުކުރެއެވެ. ކިރިޔާވެސް ހިނިތުންވެފައި ހުރި ފޮޓޯއެއް އަދި ޚާއްސަކޮށް ދަތްޕިލަ ދައްކާފައި ހުންނަ ފޮޓޯއެއް ހުރިކަމަށްވާނަމަ އެފޮޓޯއެއް ކެންސަލްކޮށް އައު ފޮޓޯއެއް ނަގަން ބުނެއެވެ.
ވަކި ގޮތަކަށް ވަކި ސައިޒަކަށް ހުދު 'ބެކްގްރައުންޑެއްގައި' ބަހައްޓައިގެން ނަގާ މިފޮޓޯގެ ތަފާތުތަކެއް ހުންނަންޖެހެއެވެ. އަލި މަޑު އެއްޗެއް ލައިގެން ހުރިކަމުގައިވީނަމަވެސް އެފޮޓޯ ކަމަކުނުދެއެވެ. ކަންފަތް ރަނގަޅަށް ފެނި ނިތްކުރި އެއްކޮށް ހާމަކޮށް ފެންނަން ހުންނަންޖެހެއެވެ. ބުރުގާ އަޅާ މީހެއްނަމަ މޫނު ބޮޑަށް ފެންނަގޮތަށް ފޮޓޯގައި ހުންނަން މަޖުބޫރުވެއެވެ. މީގެ އަސްލު ސަބަބު އެނގިގެން ޕާސްޕޯޓުގައި ޖެހުމަށް ޕާސްޕޯޓް ފޮޓޯ ނަގަނީ ކިތައްމީހުން ބާވައެވެ. މިކަމަކީ ވަކި ގަވާއިދަކަށް ބޯލަބަންވެގެން ކުރާކަމެއް ކަމަށް ވިސްނާ ބަޔަކުވެސް އުޅެއެވެ.
ތަނަކަށް ފުރާނަމަ އެފުރާ ގައުމަކުންނާއި އަދި އެތެރެވާ ގައުމަކުން ޓެކްނޮލޮޖީގެ އެހީގައި އެމީހާގެ މޫނު ސްކޭންކޮށްލައެވެ. ހިނިތުންވުމާއި ފާޑުފާޑުގެ ގޮތްތައް މޫނުމައްޗަށް ހަދާފައި ހުރެއްޖެނަމަ "ފޭސް ރިކޮގްނިޝަން" ފީޗަރއިން ޓެކްނޮލޮޖީގެ އެހީގައި އެމީހާ ދެނެގަންނަން އުދަގޫވެއެވެ. އެއީ ޓެކްނޮލޮޖީގެ ދަށުން އެސިސްޓަމުން އެގޮތަށް ނުދައްކާތީއެވެ.
ޕާސްޕޯޓުގައި ޖަހާފައި ހުންނަ ފޮޓޯއަކީ "އިންޓަނޭޝަނަލް ސިވިލް އޭވިއޭޝަން އޯގަނައިޒޭޝަން" ގެ ގަވާއިދާއި އެއްގޮތަށް ނަގާ ފޮޓޯއެވެ. މިތަނުގެ ގައިޑްލައިންސްގައި ބުނާގޮތުގައި ބޯވެސް އެއްވެސް ވަރަކަށް އަރިވެފައި ހުރެގެން ނުވާނެއެވެ. ކިރިޔާވެސް ތަފާތުގޮތަކަށް ފެންނަން ހުރިނަމަ އެފޮޓޯއިން އެމީހާގެ ސިފަ ދެނެގަންނަން އުދަގޫވެއެވެ. ހިނިތުންވެފައި ހުރި ފޮޓޯއެއް ޖަހާފަހުރި ޕާސްޕޯޓެއް ހިފައިގެން އިމިގްރޭޝަން ކައުންޓަރ އަށް ގޮސްފިނަމަ މައްސަލަ ދިމާވާނެއެވެ. މިގޮތުން އެ ފޮޓޯއިން އެމީހާ ދެނެނުގަނެ "ރިޖެކްޓް"ވެސް ކޮށްލައެވެ. މިކަހަލަ މައްސަލަތަކާހުރެ ފުރަންގޮސް ލަސްވުން ކަހަލަ ކަންކަން ދިމާވެއެވެ. އަދި މީގެ އިތުރުން އައިނުއަޅާ މީހެއްނަމަވެސް އައިނު ނަގާފައި ހުރުމާއި، އެއްވެސް ވަރަކަށް ލޯމެރިފައި ހުރެގެން ނުވާނެއެވެ.
ޕާސްޕޯޓް ފޮޓޯ ނެގުމުގައި އަމަލުކުރަންޖެހޭ ގަވާއިދާއި އެއްގޮތަށް ވިސްނައިގެން ފޮޓޯ ނަގާފައިވާ ޕާސްޕޯޓެއްނަމަ ދަތުރުކުރުމުގައި އެއީ ކާކުކަން ދެނެގަތުމަށް އެއްވެސް މައްސަލައެއް ދިމާނުވާނެއެވެ. ޕާސްޕޯޓް ފޮޓޯ ނެގުމުގައި އިސްވެދެންނެވި ކަންތައްތަކަށް އެވަރަށް ސަމާލުކަންދެނީ އޮޅުވާލައިގެން ގައުމުތަކަށް އެތެރެވުމަށް ބައެއް މީހުން މަސައްކަތްކުރާއިރު އެފަދަ ފުރުސަތުތައް ނުދިނުމަށެވެ. ކުރުކޮށް ބުނާނަމަ މީހާގެ އަސްލުސިފަ އޮޅުވާލުމުގެ ފުރުސަތު ނުދިނުމަށެވެ.
މައުލޫމާތު: އެޑްވެންޗާސްޕީޑިއާ
ކިޔުންތެރިންގެ ހިޔާލު
Ainu alhaafa hunna kujjeh kamuga viyas passport hahdhan photo nagan dhiyaiima bunanii photo nagan jeheynii ainu nagaigen kamuga
Eii kihineh vegentho
ކޮމެންޓްސް ބަންދުކުރެވިފައި