ކަންކަމާމެދު މާބޮޑަށް ވިސްނާ ފިކުރުހުސްވެ އިތުރު ވިސްނުމެއް އަންނަވަރު ނުވޭހެއްޔެވެ؟ މިކަމަކީ ވަރަށް ގިނަ މީހުންނަށް ދިމާވާ ކަމެކެވެ. އަމިއްލަ މީހާއަށް ފިކުރުބޮޑުވާކަން އިހްސާސްވާނަމަ އެކަމުގައި އަމިއްލައަށް ފިޔަވަޅުއަޅާށެވެ. މާބޮޑަށް ވިސްނަން ފަށައިފިނަމަ މީހާ އަށް ނޭދެވޭ ބަދަލުތަކެއް އައިސްދާނެއެވެ. ގޭގައި އަބަދު ވިސްނަން އޮވެގެން އެއްވެސް ކަމަކަށް ހައްލެއް ނުލިބޭނެއެވެ. މާބޮޑަށް މާޔޫސް ނުވާށެވެ. ކަމެއް ދިމާވުމުން އެކަމަކަށް ކެތްތެރިވާށެވެ. އެކަމުގައި ހައްލު ހޯދެން އޮތްގޮތަކަށް ހައްލު ހޯދަން ދަސްކުރާށެވެ. އިތުބާރުކުރެވޭ ރައްޓެހިންނާއި އާއިލާގެ މީހުންގެ އެހީވެސް ހޯދާށެވެ. ނޫންނަމަ އެވަރުން ނުވެއްޖެނަމަ ޑޮކްޓަރުންގެ ލަފާވެސް ހޯދާށެވެ. އަމިއްލައަށް މިކަމަށް ހައްލުހޯދަން ބޭނުންނަމަ ކުރެވިދާނެ ކަންކަންވެސް ކިޔާލަދޭނަމެވެ.
އަމިއްލަ މީހާ ހިތްހަމަޖައްސާލުމަށް ރީތިވެލަން ދުވަހެއް ކަނޑައެޅުން
މާބޮޑަށް 'ސްޓްރެސް'ވެގެން ފޫހިވެގެން އުޅޭނަމަ ތިމާގެ އަމިއްލަ ހިތްހަމަޖެހުމަށް ރީތިވެލަން ސެލޫނަކަށް ވެސް ދެވިދާނެއެވެ. ނުވަތަ ފޭޝަލްއެއް ހަދާލާށެވެ. އަތާއި ފައިގެ ނިޔަފަތިތައް ރީތިކޮށް އިސްތަށިގަނޑުވެސް ރީތިކޮށްލާށެވެ. އަދި އެއަށްފަހު މަސާޖުވެސް ކުރެވިދާނެއެވެ. ތިމާއަކީ މުހިއްމު މީހެއް ކަމުގައި ދެކޭށެވެ. ތިމާގެ އަމިއްލަ ހިތްހަމަޖެހުމަށް ރީތިވެލައިގެން މޭކަޕްކޮށްލައިގެން ބޭރަށް ނިކުމެލާށެވެ. ތަނަކަށް ގޮސް ކޮފީއެއް ބޯލާ ނުވަތަ އަތިރިމަތީގައި ހިނގާލަންދާށެވެ. ހަށިގަނޑު ރީތިކޮށް ބެހެއްޓުމުން ލިބޭ ހިތްހަމަޖެހުން ބޮޑުވާނެއެވެ.
ކެއުމުގައި ބަދަލުތައް ގެނައުން
ސްޓްރެސްވާނަމަ މިންހެޔޮ ކެއުމަކަށް ބަދަލުކޮށް ފައިދާހުރި ކާނާ ކާން އާދަކުރާށެވެ. ޔޫޓިއުބުން ބަލައިގެން މީރު ކެއުންތައް ކައްކަން ދަސްކުރާށެވެ. އަދި މީރުކޮށް ކެއްކޭނަމަ ރައްޓެހިންނާއި އާއިލާގެ މީހުންނަށް ރަހަ ދައްކާލާށެވެ. މިގޮތަށް ކައްކަން ފެށުމުންވެސް ފިކުރުބޮޑުވުމާއި ދުރަށް ދެވޭނެއެވެ. މިގޮތަށް ކައްކަން އާދަކޮށްގެން ފައިދާހުރި ކާނާ ވިއްކަންވެސް ފެށިދާނެއެވެ. ތިމާއަކީ އަބަދުވެސް މުހިއްމު މީހެއްކަމާއި ބޭނުންތެރި މީހެއްކަމުގައި ދެކި އަމިއްލަ ނަފްސަށް އިތުބާރު ކުރާ މީހަކަށްވާށެވެ.
ތިބާ އެންމެ ދާން ބޭނުންވާ މަންޒިލެއް އޮތްނަމަ އެތަނަކަށް ދަތުރެއް ރާވާލުން
"ފިކުރުބޮޑުވަނީ ކޮންކަމަކާކަމެއް ބުނެދޭކަށް ނޭނގެއެވެ. އެހެންނަމަވެސް މާބޮޑަށް ބޯގޮވަނީއެވެ. ކަންކަން މަތިން ފޫހިވަނީއެވެ. ނިދަން އުދަގޫވަނީ އެވެ". މިގޮތަށް ވާނަމަ ދުވަސްކޮޅަކަށް މާހައުލު ބަދަލުކޮށްލާށެވެ. ދާން ބޭނުންވާ ރީތި މަންޒިލެއް އޮތްނަމަ އެތަނަކަށްދާން އަވަހަށް ޓިކެޓްނަގާލާށެވެ. އެތަނަކަށް ގޮސް ރީތި ތަންތަނުގެ ފޮޓޯ ނަގާލާ ހިތްހަމަ ޖައްސާލާށެވެ. ހައިކް ކުރާހިތްވާ މީހެއްނަމަ އެކަހަލަ ކަމެއްވެސް ތަޖުރިބާކޮށްލާށެވެ. މީހާގެ ސިކުނޑި ވަރުބަލިވެގެން ނިދޭވަރަށް ތަންތަނަށް ގޮސް އެތަންތަނުގެ މައުލޫމާތު ހޯދާލާށެވެ. އެއަށްފަހު އެތަނަކާއި ބެހޭގޮތުން ލިޔުމެއް ލިޔެލާށެވެ. ނުވަތަ ރީތި ފޮޓޯކޮޅެއް ނަގާލުމަށްފަހު "އެޑްވެންޗަރ" ޕޭޖެއް ހެދުމަށްފަހު އަޕްލޯޑްކޮށްލާށެވެ.
ކަސްރަތުކުރުން
ރައްޓެހިންނާއެކު ޖިމަށް ދާން ފަށާށެވެ. ނުވަތަ ހިނގާލަން/ ދުވަންދިއުން ފަދަ ކަސްރަތެއް ކޮށްލާށެވެ. ފަތަންވެސް ދެވިދާނެއެވެ. މަޖާ ގްރޫޕަކާއެކު ދާނަމަ ވަރަށް އަވަހަށް ސްޓްރެސް ދާނެއެވެ. ގިނަގިނައިން މަޖާ ވާހަކަ ދައްކާ ހީހަދާށެވެ. ދިރިއުޅުމަކީ ފޫހި ކަމެއްކަމުގައި ނުދެކޭށެވެ. ތިމާއަށްވެސް ބޭނުންވާ މަންޒިލަށް ދެވޭނެކަމުގެ އުންމީދުގައި ދިރިއުޅުމައިގެން ކުރިއަށްދާށެވެ.
ކިޔުންތެރިންގެ ހިޔާލު
Counselling kiyevin…navaves hama emme best treatment aky dhamu namaadhu kurumaa, Quran kiyevumaa zikuru kurun…mi fadha liyun thakugai mihunnany vaguthy hiyhamajehun..
ކޮމެންޓްސް ބަންދުކުރެވިފައި