ހުޅުމާލޭގެ 2 ވަނަ ފިޔަވަހީގައި ހުންނަ ހިޔާގެ 2 ވަނަ ޓަވަރ (އޮރެންޖު ކުލަ) ގްރައުންޑް ފްލޯރ ގައި ހުންނަ މިޒާ އިންސްޓިޓިއުޓަކީ ގްރޭޑް 1 އިން 12 އަށް ހުރިހާ މާއްދާއަކުން ޓިއުޝަންދޭ ސެންޓަރެކެވެ. މި ސެންޓަރުގައި ކިޔަވައިދެއްވަނީ ތަޖުރިބާހުރި ތަޢުލީމީ ގޮތުން ފާހަގަކުރެވޭ ޓީޗަރުންނެވެ.
ދިރާސީ އައު އަހަރާއެކު މިޒާ އިންސްޓިޓިއުޓުގައި ރަޖިސްޓްރީވުމުގެ ފުރުސަތު ހުޅުވާލީ މި އޮގަސްޓްމަހުގަ އެވެ. މިދިޔަ އަހަރު މިޒާ އިން ޓިއުޝަން ނަގައި އޯލެވެލް އިން ރަނގަޅު ނަތީޖާއެއް ހޯދި ދަރިވަރެއްގެ ބެލެނިވެރިއަކު ވަނީ އެ ޓިއުޝަން ކުލާހާއި މެދު ކުރެވުނު ތަޖުރިބާ 'ޒީޓައިމްސް' އާއި ހިއްސާކޮށްފައެވެ.
" މިޒާ އިންސްޓިޓިއުޓަކީ ކުރީގައި އަޅުގަނޑު ވަޒީފާ އަދާކުރި ތަނެއްގައި އުޅުއްވި ބޭފުޅަކު ހިންގަވާ ތަނެއް. އެހެންވެ އެބޭފުޅާގެ ފެންވަރު އަޅުގަނޑަށް އެނގޭ. އެބޭފުޅާ ހިންގަވާ ތަނެއްވީމަ ޔަގީންވޭ އެތަނުން ދޭ ތަޢުލީމު ރަނގަޅުވާނެކަން. އަޅުގަނޑުމެން ބޭނުންވާނީ ދަރިންނަށް ރަނގަޅު ނަތީޖާ ފޯރުކޮށްދެވޭނެ މަގެއް ހޯދުމަށް. އެހެންވެ ހުޅުމާލެއިން އެންމެ ރަނގަޅު ތަނަކަށް ފެނުނީ މިތަން". މިޒާ އިންސްޓިޓިއުޓް އަށް ދަރިފުޅު ފޮނުވަން ނިންމީ މި ސަބަބުތަކާހުރެ ކަމަށް އައްޝެއިޚް މައުމޫން ޢަބްދުލް އަޒީޒު ވިދާޅުވިއެވެ.
މިދިޔަ އަހަރު ގްރޭޑް 10 ގައި ކިޔެވި ދަރިފުޅުގެ ތަޖުރިބާ ހިއްސާކުރަމުން މައުމޫނު ވިދާޅުވީ ކުލާސްތައް ކުރިއަށްދިޔަގޮތާއި މެދު ވަރަށް ހިތްހަމަޖެހޭ ކަމަށެވެ. "އެއްގޮތަކަށްވެސް ޓިއުޝަން ނަގައިދިނުމުގެ ވިސްނުމުގައެއް ނޫން ކުރިއަށްގެންދަނީ. ޓިއުޝަން ވެއްޖިއްޔާ އޮންނާނީ އެ ކިޔަވައިދޭ ވަގުތުކޮޅު އެކަނި. މިސާލަކަށް އެއްގަޑިއިރު އިންނަންޏާ އެ އެއްގަޑިއިރު ކިޔަވައިދިނީމަ އެނިމުނީ. އެކަމަކު މިޒާ އިންސްޓިޓިއުޓުގައި ފާހަގަކުރެވުނީ ނަތީޖާ ރަނގަޅު ކުރުމަށް ޓީޗަރުން ވަރަށް ވަގުތުދޭކަން. އަޅުގަނޑުގެ ދަރިފުޅުގެ އޯލެވެލް ނަތީޖާ ލިބުނުއިރު ވަރަށް ރަނގަޅު. ދަރިފުޅުވެސް އުންމީދެއް ނުކުރޭ އެހާ ރަނގަޅުވާނެ ކަމަށް. މިޒާ އިންސްޓިޓިއުޓްގެ މަސައްކަތް ވަރަށް ބޮޑަށް ޝާމިލްވި މި ނަތީޖާ ހޯދުމަށް" މައުމޫނު ވިދާޅުވިއެވެ.
އަދި ޓެސްޓް އޮންނަ ދުވަސްވަރު ދަރިފުޅުގެ ޓެސްޓް ދިޔައީ ކިހިނެއްތޯ ސުވާލުކޮށް، ނަތީޖާ ލިބުމުން ލިބުނީ ކޮން ނަތީޖާއެއްތޯ ބަލާތީ އިހުސާސްވަނީ އަމިއްލަ ދަރިންނަށް ތަޢުލީމު ހާސިލުކޮށްދޭން އުޅޭކަހަލަ ވިސްނުމެއް ގެންގުޅުއްވާކަން ކަމަށް މައުމޫނު ފާހަގަކުރެއްވިއެވެ.
200 އަށް ވުރެ ގިނަ ކުދިން ތަޢުލީމު ހާސިލުކުރަމުންދާ މިޒާ އިންސްޓިޓިއުޓަށް ޓިއުޝަނަށް ދިއުމަށް ގޫގަލް ފޯމް ފުރާލައިގެން ރަޖިސްޓްރީ ވެވިދާނެއެވެ. މިޒާ އިންސްޓިޓިއުޓްގެ ކުލާސްތަކުގައި ހުންނަނީ ސީސީޓީވީ ކެމެރާ އާއި އޭސީ ހަރުކޮށް ސްމާޓް ޓީވީ ބަހައްޓާފައެވެ.
ޒަމާނީ ފެންވަރުގެ ތަޢުލީމު ފޯރުކޮށްދެމުންދާ މިޒާ އިންސްޓިޓިއުޓް އާއި ގުޅޭގޮތުން އިތުރު މައުލޫމާތު ސާފުކުރެއްވުމަށް ބޭނުންވާނަމަ ގުޅުއްވާނީ 7333535 ނުވަތަ 7770953 މި ނަންބަރަށެވެ.
ފޭސްބުކް ޕޭޖް: Miza Institute
