ދަތުރަކަށް ތައްޔާރުވާއިރު ވިސްނަންވީ ކަންކަމުގެ ތެރޭގައި ފޮށި ބަންދުކުރާއިރު އަވަސްއަރުވާލައިގެން އެއްޗެހި އެޅުމަކީ އެންމެ އެދެވިގެންވާ ގޮތެއް ނޫނެވެ. ކިތަންމެ އަވަހަކަށް ތަނަކަށް ދާންޖެހުނު ކަމުގައިވިޔަސް ދަތުރަށް ރަނގަޅަށް ތައްޔާރުވުމަކީ މުހިންމުކަމެކެވެ. ބައެއް މީހުންްނަކީ "ހޭންޑް ލަގެޖް" ނުވަތަ އަތްދަބަސް އެކަނި ހިފައިގެން ދަތުރުކުރާ މީހުންނެވެ. އެއީ އިތުރު ލަގެޖެއް ހިފައިގެން ދިއުމުން ފްލައިޓުން ފައިބައިގެން މަޑުކުރަން ޖެހޭތީ ވަގުތު ސަލާމަތްކުރުމުގެ ބޭނުމުގައެވެ. ވިސްނާލަންވީ އަތްދަބަސް ޕެކްކުރާއިރު އެއަށް ލައިގެން ނުވާނެ ތަކެއްޗާއި އެއަށް ލެވޭނެ ތަކެއްޗެވެ.
ދިޔާއެއްޗެހި
ދިޔާއެއްޗެހީގެ ތެރެއިންވެސް 50 އެމްއެލްއަށް ވުރެ ގިނަ ނޫންނަމަ ހޭންޑް ލަގެޖުގައި ގެންދެވޭނެއެވެ. އެއަށްވުރެ ގިނަނަމަ އެތަކެތި ނެގުމަށް ބުނެއެވެ. ނުވަތަ ބައެއް އެއަރޕޯރޓް ތަކުގައި އެތެރެވުމަށާއި ބޭރުވުމަށް ދަތިތަކާއި ކުރިމަތިވެއެވެ. އެއީ ކިތަންމެ އަގުބޮޑު އަދި އެއީ ބޭނުންކުރާ ބޭހެއްވިޔަސް ހެވެވެ. މިހުރިހާ ކަމަކަށް ބަލައި އޮޅިގެންވެސް އެއިން އެއްވެސް އެއްޗެއް ލެވިފައި އޮތްތޯ ބަލާލުން މުހިންމެވެ.
ތޫނުއެއްޗެހި
އެއްވެސްކަހަލަ ތޫނުއެއްޗެއް އަތްދަބަހުގައި ގެންދިއުމަކީ މަނާކަމެކެވެ. ތުބުޅިބާލާ ތިލަ އަދި ބުރުގާގައި ޖަހާ ޕިން ކަހަލަ އެއްޗެއްވިޔަސް ހެވެވެ. ބަންދުކޮށްފައި ހުއްޓަސްހެވެވެ. އެއީ އަތްދަބަހުގައި ގެންދިއުން މަނާކަމެކެވެ.
އެއްވެސް ކަހަލަ ހަތިޔާރެއް
އެއްވެސް ކަހަލަ ބަޑިއެއް، ވަޒަނެއް އަތްދަބަހުގައި ބަންދުކުރުމަކީ ވަރަށްބޮޑު ކުށެކެވެ. ކުޑަކުދިން ކުޅޭއެއްޗެހީގެ ތެރޭގައިވެސް މިތަކެތި ހިމެނެއެވެ. ކުޅޭބަޑި ފެންބަޑި ކަހަލަ އެއްޗެހި ގަނެގެން ގެންދާއިރުވެސް އަތްދަބަހުގައި ގެންދިއުމަކީ މައްސަލަ ދިމާވާކަމެކެވެ. މިގޮތަށް އޮޅިގެން ގެންދެވުނަސް ސެކިއުރިޓީއިން ހިފަހައްޓައެވެ.
ގަސްގަހާގެހި
އެއްވެސް ވައްތަރެއްގެ ގަހެއް ނުވަތަ ގަހުގެ ކުރިއެއްވެސް އަތްދަބަހުގައި ގެންދިއުން މަނާވާނެއެވެ. އަދި ޚާއްސަކޮށް ވެލީގައި ހުންނައިރު އެއްޗެހި ވަރަށްބޮޑަށް ފާހަގަވާނެއެވެ. ޗެކްއިން ލަގެޖުގައި ގެންދާއިރުވެސް މިކަހަލަ އެއްޗެހިގެންދެވެނީ ޚާއްސަ ހުއްދައެއްގެ ދަށުންނެވެ. ރާއްޖެއަށް އެތެރެކުރާއިރު އެތެރެކުރުމުގެ ހުއްދަ އެއް އޮންނަންވާނެއެވެ.
ރޯމަސް
އެއްވެސް ވައްތަރެއްގެ މަހުގެ ބާވަތެއް އަތްދަބަހުގައި ގެއްދިއުމުގެ ހުއްދައެއް ނޯވެއެވެ.
ބައެއްކަހަލަ ކުޅިވަރު ސާމާނު
ކުޅިވަރު ސާމާނުގެ ތެރޭގައިވެސް އަތްދަބަހުގައި ގެންދިއުން މަނާއެއްޗެހި ހުރެއެވެ. އޭގެތެރޭގައި 'ހޮކީ ސްޓިކްސް' 'ގޯލްފް ކުލަބްސް ހައިކިން' ފަދަ އެއްވެސް އެއްޗެއް ނުގެންދެވޭނެއެވެ.
