މޫނު ތެޔޮވާތީ ކަންބޮޑުވެއެވެ. އެކަމަށް ތަފާތު މަސައްކަތް ކުރެވެއެވެ. ރައްޓެހިންނާއި އެކި މީސްމީހުން ބުނާ އެއްޗެހި ބޭނުންކޮށްގެންވެސް އެދެވޭ ބަދަލެއް ނާންނާތީ އެކަމާ ވިސްނެއެވެ. އެހެންނަމަވެސް އައު އުންމީދަކާއެކު އަނެއްކާވެސް ކޮންމެވެސް އެހެން އެއްޗެއް ބޭނުންކޮށްލައިގެން އަލިމަގެއް ފެނޭތޯ ބެލެވެއެވެ. މިއީ ގިނަ ބައެއްގެ ކަންބޮޑުވުމެވެ.. މޫނު ތެޔޮވެފައި ހުރުމުން ތާޒާކަން ގެއްލެއެވެ. ތަނަކަށް ދާން ތައްޔާރުވާއިރަށްވެސް މޫނު ތެޔޮވާން ފެށުމުން އެކަމާ ވިސްނި ހައްލެއް ގެނައުމަށް މަސައްކަތް ކުރެވެއެވެ. މޫނު މާބޮޑަށް ތެޔޮވުމުގެ ސަބަބުން އޮށާޅަ ނަގަން ފަށައެވެ. އަގުބޮޑެތި އެއްޗެހި ބޭނުން ކުރުން ހުއްޓާލުމަށްފަހު ގޭގައި އަމިއްލައަށް ދެވިދާނެ ފަރުވާއަކަށްވެސް ވިސްނާލެވިދާނެއެވެ. މިގޮތުން ގޭގައި ދެވިދާނެ ފަރުވާއަށް ބަލާލާއިރު އަވަސް އަވަހަށް މޫނު ދޮވެ ސާފުކުރުމާއި ރަނގަޅު ޓޯނާއެއް ބޭންކޮށްލުންވެސް ރަނގަޅެވެ.
މާމުއި ބޭނުންކޮށްލުން
މާމުއިއަކީ މޫނުގައި ހުންނަ ބޭކާރު ތެޔޮތައް ސާފުކޮށްދޭ އެއްޗެކެވެ. މާމުއިކޮޅެއް އަތުގައި ހާކާލުމަށްފަހު މޫނުގައި އުނގުޅާލާށެވެ އެއަށްފަހު މަސާޖުކޮށްލާށެވެ. 10 އެއް ނުވަތަ 15 މިނިޓް ބެހެއްޓުމަށްފަހު ތާފަނާ ފެނުން ދޮވެލާށެވެ. އެއިރުން ވަރަށް ތާޒާވެފައި ސާފުކަމަށް ދައްކާނެއެވެ.
ކުކުޅުބިހުގެ ލޮނދި
ކުކުޅުބިހުގެ ލޮނދި މިއީ މޫނުގެ ހަންގަނޑަށް ވަރަށް ރަނގަޅު އެއްޗެކެވެ. ވިޓަމިން އޭ އެކުލެވޭ ކުކުޅުބިހުގެ ލޮނދިން މާސްކެއް ތައްޔާރުކޮށްލެވިދާނެއެވެ. ކުކުޅުބިހުގެ ހުދުބައި ވަކިކޮށްލުމަށްފަހު ރީއްޗަށް ގިރާލާށެވެ. އެއަށްފަހު މޫނުގައި ހާކާލާށެވެ. މާސްކް ހިކުމުން ތާފަނާ ފެންފޮދަކުން ދޮވެލާށެވެ. އެއިރުން ހުންނާނީ ވަރަށް އުޖާލާކޮށެވެ.
ލުނބޯހުތް
ލުނބޯހުތަކީ މޫނުގައި ހުންނަ ތެޔޮކަން ކަނޑުވާލުމަށް ވަރަށް ރަނގަޅުއެއްޗެކެވެ. ހަމަ އެހެންމެ މޫނުގެ ކުލަ އަލިކޮށްދީ ކަޅުވެފައި ހުންނަ ތަންތަންވެސް އަލިކޮށްދޭ އެއްޗެކެވެ. ލުނބޯހުތްކޮޅެއް ކުޑަކުޑަ ފެންފޮދަކާއެކު ކަފަކޮޅެއްގައި ހާކާލުމަށްފަހު މޫނުގައި ހާކާލާށެވެ. އެއިރުން މޫނު ސާފުކަމަށް ދައްކާނެއެވެ. އަދި މޫނުގައި ހުންނަ ތެޔޮކަންވެސް ކަނޑުވާލައެވެ.
އެލޯވެރާ
އެލޯވެރާއަކީ އިރުގެ އަލިން ހަންގަނޑު އެދުމުގެ ސަބަބުން ހަންގަނޑު އަލިކޮށްދީ ހަންގަނޑު ފިނިކޮށްދޭ އެއްޗެވެ. އެލޯވެރާ ގަހުން އެލޯވެރާ ބޭނުންކުރުމުން އެއްވެސް ކެމިކަލްއެއްގެ އަސަރެއް ނުކުރާނެއެވެ. އެލޯވެރާގައި ހުންނަ ލޮނދީގެ ސަބަބުން މޫނުގައި ހުންނަ ތެޔޮކަން ކަނޑުވާލަދެއެވެ. އެލޯވެރާ ހޭކުމަށްފަހު 10 ނުވަތަ 15 މިނިޓް ބެހެއްޓުމަށްފަހު ދޮވެލުމުންވެސް މޫނުގައި ހުންނަ ކުލަވަރުވެސް ބަދަލުވެގެންދެއެވެ.
