ޙައްޖަށް ނުވަތަ ޢުމްރާއަށް ގޮސް އުޅޭއިރު ބަލިތަކުން ރައްކާތެރިވުމަށް ސަމާލުކަންދޭންވީ ކަންތައްތައް ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ވަނީ އާންމުކޮށްފައެވެ.

ބަލިތަކުން ރައްކާތެރިވުމަށް ކުރެވިދާނެ ކަންތައްތައް:

• އަބަދުވެސް ސާފުތާހިރުކޮށް ހުރުމަށާއި އުޅޭ ކޮޓަރި އަދި ފާޚާނާ ސާފުކޮށް ބެހެއްޓުން
• ޙައްޖަށް ނުވަތަ ޢުމްރާއަށް ގޮސް އުޅުމުގައި ބަލިތަކުން ރައްކާތެރިވުމަށް މާސްކު އެޅުން އެދެވިގެންވޭ
• ކާނާ ތައްޔާރުކުރުމުގެ ކުރިން، ކެއުމުގެ ކުރިން އަދި މީހަކަށް ކާން ދިނުމުގެ ކުރިން ރަނގަޅަށް އަތް ދޮވުން
• ފާޚާނާ ކުރުމަށްފަހު ސައިބޯނި ލައިގެން ރަނގަޅަށް އަތްދޮވުން
• ބޭރުގައި އުޅޭއިރު އަތް ސާފުކުރުމަށް ސެނެޓައިޒަރ ފުޅިއެއް ގެންގުޅުން
• ފެނާއި ދިޔާތަކެތި ގިނައިން ބޭނުންކުރުން
• ފިޒީ ޑްރިންކްސް، އެނަރޖީ ޑްރިންކްސް އަދި ގިނައިން ހަކުރު ހިމެނޭ ބުއިންތައް ބޭނުން ނުކުރުން
• ބިންގަނޑުގެ ހޫނުން ފައި ރައްކާތެރިކުރުމަށް ރަނގަޅު ފަސޭހަ ފައިވާނެއް ބޭނުންކުރުން
• ބައްޔަކަށް ބޭސް ބޭނުންކުރާނަމަ ވަގުތަށް ބޭސް ބޭނުންކުރުން
• ދާއިމީ ބައްޔަކަށް ފަރުވާ ހޯދާނަމަ އާންމުކޮށް ދައްކާ ޑޮކްޓަރުގެ ފަހުގެ ބޭސްސިޓީތަކާއި ރިޕޯޓްތައް ގެންދިއުން
• ކޮންމެހެން ބޭނުންޖެހިގެން ނޫނީ ޖަނަވާރު ވިއްކާ ތަންތަނަށް ނުދިއުން
• ރޯކިރު ރަނގަޅަށް ކެއްކުމަށްފަހު ނޫނީ ބޭނުން ނުކުރުން
• މަހާއި އެއްގަމުމަހުގެ ބާވަތްތައް ބޭނުންކުރުމުގައި ރަނގަޅަށް ރޯފިލާފައި ހުރިކަން ކަށަވަރު ކުރުން