ޝަރީފާ އާއި ފާއިޒުގެ ކައިވެނީގެ ދިރިއުޅުން ފެށުނީ އުފާވެރިކަމާއި އެކުގައެވެ. ފާއިޒުގެ މޮޅުކަމާއި ހެޔޮކަމުން ޝަރީފާ ހުންނަނީ އަބަދުވެސް އުފަލުން ފުރިފައެވެ. ފާއިޒަކީ އޯގާތެރި، އަޅާލުން ބޮޑު ފިރިއެކެވެ. ކޮންމެ ރެއަކު ގެއަށް އަންނަ ގަޑިއާއި ނިދާ ގަޑިވެސް ބަލައެވެ. އަދި ވިޔަފާރީގެ ކަންތަކުގައި ޝަރީފާއާ ވަރަށް ގިނައިން މަޝްވަރާކުރެއެވެ.
ޝީމާ އަކީވެސް މި ޢާއިލާގެ މުހިންމު މެންބަރެކެވެ. ޝީމާއަށްވެސް ފާއިޒު ވަރަށް ރަނގަޅެވެ. އޭނާގެ ވިޔަފާރީގެ ކަންތަކުގައި ޝީމާއާވެސް މަޝްވަރާކުރެއެވެ. މިކަމުން ޝަރީފާ ވަރަށް އުފާވެއެވެ. އެހެނީ އޭނާގެ ފިރިމީހާ އާއި ދަރިފުޅާ ދެމެދު އޮތް ގުޅުމަކީ ރަނގަޅު ގުޅުމެއް ކަމަށް ޝަރީފާ ދެކެއެވެ.
ޝަރީފާ ފިހާރައިގައި އުޅެފައި ގެއަށް އައިރު، ޝީމާގެ ކޮޓަރީގެ ދޮރު ހުޅުވިފައި ހުއްޓެވެ. ޝަރީފާ މަޑުމަޑުން ކޮޓަރިތެރެ ބަލައިލިއެވެ. އޭރު ޝީމާ ނިދާފައި އޮތެވެ. އެކަމަކު ޝަރީފާގެ ހިތަށް ބޮޑު ސިހުމެއް ލިބުނު މަންޒަރެއް ފެނުނެވެ. އެނދުގައި ފާއިޒު އިށީނދެ އިން މަންޒަރެވެ.
ޝަރީފާ ވަގުތުން ފާއިޒަށް ގޮވާލައި، އެމީހުންގެ ކޮޓަރިއަށް ވަނެވެ. ފާއިޒު މަޑުމަޑުން ހިނގާފައި އައިސް ކޮޓަރިއަށް ވަދެ ޝަރީފާގެ މޫނަށް ބަލަހައްޓައިގެން ހުއްޓެވެ. ޝަރީފާގެ މޫނުމަތިން ފެންނަނީ ހާސްކަމާއި ކަންބޮޑުވުމެވެ.
"ކީއްވެ ތިހެން ހެދީ؟" ޝަރީފާ އަޑު އަހާލިއެވެ.
"ޝީމާއަށް ހުވަފެނެއް ފެނިގެން ބިރުގަތީ. އެހެންވެ އަހަރެން ގޮސް އޭނަ ހަމަޖައްސާލީ" ފާއިޒު ވަރަށް ހަމަޖެހިލާފައި ބުންޏެވެ.
"އޯ... އެކަމަކު ކީއްވެ އަހަރެންގެ ގާތުގައި ނުބުނީ؟" ޝަރީފާގެ މޫނުމަތިން ކުލަ ބަދަލުވެއްޖެއެވެ.
"ކުއްލިއަކަށް ހިނގި ކަމަކަށްވާތީ" ފާއިޒު ޖަވާބު ދިނެވެ.
ޝަރީފާ ވިސްނާލިއެވެ. އޭނާގެ ހިތުގައި އުފެދުނު ޝައްކުތައް މަޑުމަޑުން ފިލައިގެން ދިޔައެވެ. ފާއިޒުގެ ތެދުވެރިކަމާއި އިޚްލާޞްތެރިކަން އޭނާއަށް އެނގެއެވެ.
"ޝުކުރިއްޔާ އަހަރެންގެ ޝުޢޫރުތަކަށް އިޙްތިރާމްކޮށް، އަހަރެންނަށް ކަންތައްތައް ސާފުކޮށްދިނީތީ" ޝަރީފާގެ ލޮލުން ކަރުނަ އައެވެ. އޭނާ ފާއިޒުގެ ކަނދުރާގައި ބޯ އަޅާލިއެވެ.
އެރޭ ދެމަފިރިން ވަރަށް ދިގުކޮށް ވާހަކަދެއްކިއެވެ. އެމީހުންގެ ގުޅުމުގައި ހުރި ވަރުގަދަކަމާއި، އެކަކު އަނެކަކަށް އޮތް އިތުބާރުގެ ވާހަކަ ދެއްކިއެވެ. އަދި ކުރިމަގުގައި މިފަދަ ޝައްކުތަކުން ދުރުހެލިވުމަށް އެއްބަސްވިއެވެ. ނަމަވެސް ޝަރީފާގެ ހިތުގައި އުފެދެމުން ދިޔަ ސުވާލަކީ ޝީމާގެ ނިދާ ކޮޓަރިއަށް ފާއިޒު ވަންނަންވީ ކީއްވެހެއްޔެވެ.
ދުވަސްތައް ފާއިތުވަމުން ދިޔައެވެ. ޝަރީފާ ވީހާވެސް ބޮޑަށް މަސައްކަތް ކުރަމުން ދިޔައީ ފާއިޒުއާ ދޭތެރޭ އުފެދުނު ޝައްކުތައް ހިތުން ފިލުވާލުމަށެވެ.
އެއްދުވަހަކު ހަވީރު، ޝަރީފާ ގެއަށް އައިއިރު ފާއިޒު ގޭގައި ނެތެވެ. އޭނާ ފޯނުން ގުޅާލުމުން ފާއިޒު ބުނީ އޮފީހުގައި ވަރަށް ބުރަކޮށް އުޅެނީ ކަމަށެވެ. ޝަރީފާގެ ހިތަށް އެރީ ފާއިޒު މަސައްކަތް ކުރާ އޮފީހަށް ގޮސް ސަޕްރައިޒެއް ދޭނީއެވެ.
ޝަރީފާ އޮފީހަށް ދިޔައިރު، އޮފީހުގެ ދޮރު ތަޅުލާފައި ހުއްޓެވެ. އެތެރެއިން އެއްވެސް އަޑެއް ނީވެއެވެ. ޝަރީފާގެ ހިތުގައި އަނެއްކާވެސް ޝައްކު އުފެދުނެވެ. އޭނާ ފާއިޒުއަށް ގުޅާލިއެވެ. ފާއިޒު ފޯނު ނުނަގައެވެ.
ޝަރީފާ ގެއަށް އައިސް، ކެތްމަދުވެފައި ފާއިޒު އަންނަންދެން މަޑުކޮށްލިއެވެ. ގާތްގަނޑަކަށް ދެގަޑިއިރު ފަހުން ފާއިޒު ގެއަށް އައިއިރު އޭނާގެ މޫނުމަތިން ފެންނަނީ ހިނިތުންވުމުގެ އަސަރެވެ.
"ޝަރީފާ، މިއަދު އަހަރެން ޝަރީފާއަށް ވަރަށް ބޮޑު ސަޕްރައިޒެއް ގެނެސްދޭން ބޭނުން" ފާއިޒު ބުންޏެވެ.
"ކޮން ސަޕްރައިޒެއް؟ ފާއިޒު ބުނީ އޮފީހުގައި މަސައްކަތް ކުރަނީއޭ. އެކަމަކު އަހަރެން އޮފީހަށް ދިޔައިރު އޮފީސް ހުރީ ބަންދުކޮށްފައި" ޝަރީފާ ހައިރާންވެފައި ބުންޏެވެ.
"އާނ، އެއީ އަހަރެން ޝަރީފާއަށް ދޮގު ހަދާލީ. އަހަރެން އުޅުނީ ޝަރީފާއަށް ސަޕްރައިޒެއް ތައްޔާރުކުރަން" ފާއިޒު ހިނިތުންވެލަމުން ބުންޏެވެ.
ފާއިޒު އޭނާގެ ޖީބުން ކުޑަ ފޮށްޓެއް ނެގިއެވެ. އެ ފޮށި ހުޅުވާލުމުން އޭގެ ތެރޭގައި އޮތީ ރީތި، އަގުބޮޑު ގަހަނާއެކެވެ.
"މިއީ ޝަރީފާ އަހަރެންނާ އިނދެގެން ފަސް އަހަރު ފުރުނު ދުވަހުގެ ހަނދާނުގައި ދޭން ގަތް އެއްޗެއް. އަހަރެން މިއަދު މުޅި ދުވަހު އުޅުނީ މިކަމުގައި" ފާއިޒު ބުންޏެވެ.
ޝަރީފާގެ ލޮލުން ކަރުނަ އައެވެ. އޭނާ ހިތުގައި އުފެދުނު ހުރިހާ ޝައްކުތަކަށް މާފަށް އެދުނެވެ. އޭނާއަށް ވަރަށް ބޮޑަށް ޝުކުރު އަދާކުރިއެވެ.
ޝަރީފާ އާއި ފާއިޒު ސޯފާގައި އިށީނދެގެން ވާހަކަދައްކަމުން ދަނިކޮށް، ކުއްލިއަކަށް ޝީމާ އަންނަތަން ފެނުމާއެކު ފާއިޒު އަވަސް އަވަހަށް ކޮޓަރިއާ ދިމާލަށް ހިނގައިގަތެވެ. ޝަރީފާ ހުރީ ހައިރާންވެފައެވެ. އެވަގުތު ޝީމާ ގޭތެރެއަށް ވަދެ، ސީދާ ޝަރީފާގެ ގާތަށް އައިސް، އޭނާގެ ގައިގައި ބައްދާލައިގެން ރޯން ފެށިއެވެ. ޝަރީފާ ހުރީ ވީ ކިހިނެއްކަމެއް ނޭނގި، ހައިރާންވެފައެވެ.
ކީއްވެ ޝީމާ؟ ކީއްވެގެން ތި ރޮނީ؟" ޝަރީފާ ކަންބޮޑުވެފައި އަހާލިއެވެ.
"ފާއިޒުބެ... ފާއިޒުބެ އަހަރެންގެ ގަޔަށް އަތްލާން އުޅުނީ" ޝީމާ ރޮމުން ރޮމުން ބުންޏެވެ.
"ކިހިނެއް ވީ ޝީމާ؟ ރަނގަޅަށް ކިޔައިދީބަލަ" ޝަރީފާ އަހާލިއެވެ.
"މަންމަ އޮފީހަށް ދިޔައިރު، ފާއިޒުބެ ތަޅުލާފައި އެތެރޭގައި ހުރެ އަހަންނަށް ބިރުދެއްކީ. އަދި މިވާހަކަ އެއްވެސް މީހެއް ކައިރީގައި ނުބުނަން ބުނި. އަހަރެން ވަރަށް ބިރުގަނެއްޖެ" ޝީމާ ބުންޏެވެ.
ޝަރީފާގެ ހިތުގައި އުފެދުނު ސުވާލުތަކަށް ޖަވާބު ލިބުނެވެ. އޭނާ ވިސްނީ މިކަމާމެދު ފިޔަވަޅު އަޅަންޖެހޭ ކަމަށެވެ. ލޯބިވާ މީހާގެ ޚިޔާނާތުގެ ވޭން އޭނާގެ ހިތުގައި އިޙްސާސްވިއެވެ. އެހެންނަމަވެސް، ޝީމާއަށް ހިތްވަރުދިނުމަށް އޭނާ މަސައްކަތް ކުރިއެވެ.
ޝަރީފާ ގޭގެ ސިޓިންގ ރޫމުގައި އިށީނދެ އިނެވެ. އޭނާގެ ހިތުގައި ހިތާމައާއި ރުޅިވެރިކަމުގެ އިޙްސާސްތައް އުފެދެމުން ދިޔައެވެ. އޭނާގެ ލޮލުން ކަރުނަ އަންނަމުން ދިޔައެވެ. ޝަރީފާ ވިސްނަމުން ދިޔައީ މިކަމާމެދު ކުރިއަށް ދާނެ ގޮތަކާ މެދުގައެވެ.
ޝަރީފާ ވަރަށް ވިސްނުމަށްފަހު ގޮސް ކޮޓަރިއަށް ވަނެވެ. ފާއިޒު އެނދުގައި ވަރަށް ހަމަޖެހިލާފައި އިން މަންޒަރު ފެނުމުން ޝަރީފާގެ ރުޅި އިންތިހާއަށް ދިޔައެވެ. އޭނާގެ ހިތުގައި އުފެދުނު ރުޅިވެރިކަން ނުހިފެހެއްޓިގެން ދިޔައެވެ.
ޝަރީފާ ގޮވާލިއެވެ. "ފާއިޒު! ކަލޭ މިހާ ދުވަހު އަހަރެންނަށް ދޮގު ހަދަމުން ދިޔައީ ދޯ؟"
"ކީކޭ؟ ކޮން ވާހަކައެއް ތި ދައްކަނީ؟" ފާއިޒު ސިހުނެވެ.
"ޝީމާ އަހަރެންނަށް ހުރިހާ އެއްޗެއް ކިޔައިދިނޭ!" ޝަރީފާ ބުންޏެވެ.
"ޝަރީފާ، އެއީ ދޮގު ވާހަކައެއް! އަހަރެން ކަލެއަށް އެއްވެސް ޚިޔާނާތެއް ނުވަމޭ. ޝީމާ ތިހެން ބުނީ އަހަރެމެންގެ ގުޅުން ހަލާކުކޮށްލަން!" ފާއިޒު ބުންޏެވެ.
ޝަރީފާ ހައިރާންވެ ކަންބޮޑުވިއެވެ. އޭނާއަށް ގަބޫޅުކުރަންވީ ކާކު ދައްކާ ވާހަކައެއް ކަމެއް ނޭނގުނެވެ. އޭނާގެ ހިތުގައި ލޯތްބާއި ޝައްކާއި ރުޅިވެރިކަން އެކުއެކީގައި އުފެދެމުން ދިޔައެވެ. ޝަރީފާ ވިސްނާލިއެވެ. މިހާރު އޭނާ ނިންމަންޖެހޭނީ ކޮން ގޮތަކަށް ކަމެއް ނޭނގުނެވެ. ނަމަވެސް އެއް ކަމެއް އޭނާއަށް ޔަގީންވިއެވެ. އެއީ ޙަޤީޤަތް ހޯދުމަށްޓަކައި އިތުރަށް ސުވާލުކުރަން ޖެހޭނެ ކަމެވެ. އަދި އެކަން ކުރުމަށް ޝަރީފާ ނިންމިއެވެ.
ޝަރީފާ މަސައްކަތް ކުރީ ވަރަށް ވިސްނުންތެރިކަމާއިއެކުގައެވެ. ނަމަވެސް، ފަހަކަށް އައިސް ޝީމާގެ އުޅުމުގައި ބަދަލުތަކެއް އައިސްފައިވާކަން ޝަރީފާއަށް ފާހަގަ ކުރެވުނެވެ. މިހާރު ކަންތައް ވަމުންދާ ގޮތުން ބައެއް ދުވަސްދުވަހު ޝީމާ ފިހާރައަށް ދާންވެސް ދަނީ ދެކޮޅު ހަދަމުންނެވެ.
އެހެން ދުވަސްތަކެކޭ އެއްފަދައިން ޝަރީފާ ފިހާރާގައި މަސައްކަތް ކުރަން ޖެހުނީ ވަރަށް ބުރަކޮށެވެ. ޝީމާވެސް މިއަދު ވަރަށް އަވަހަށް ގެއަށް ގޮސްފިއެވެ. ރޭގަނޑު އަށެއް ޖެހިއިރުވެސް ޝަރީފާ މަސައްކަތެއް ނުނިމެވެ. ޝަރީފާ ބޭނުންވީ އަވަހަށް ގެއަށް ދާށެވެ. ފިހާރާގައި އުޅޭ ބިދޭސީ މީހާ ގާތު ފިހާރަ ލެއްޕުމަށް ބުނެ ޝަރީފާ ގެއަށް ދާން ހިނގައިގަތީ އަވަސް ފިޔަވަޅުތައް އަޅަމުންނެވެ. ބަނޑުހައިވެފަވާލެއް ބޮޑުކަމުން ގެއަށް ގޮސް ބޭނުންވީ އަވަހަށް ކާއެއްޗެއް ކާލާށެވެ. ޝީމާ ގޭގައި އުޅެންޏާ ހުންނާނީ ކައްކާފައެވެ.
ގޭގެ ދޮރާށިން ވަދެ، ޝަރީފާ ޝީމާއަށް ގޮވާލިއެވެ. "ޝީމާ، ޝީމާ" އެހެންނަމަވެސް ޖަވާބެއް ނުލިބުނެވެ. ކުއްލިއަކަށް ޝަރީފާގެ ހިތަށް ބިރުވެރިކަމެއް ވަނެވެ. "ކީއްވެބާއޭ ޝީމާ ޖަވާބެއް ނުދެނީ؟" ޝަރީފާ ހިތަށް އަރައި، ޝީމާގެ ކޮޓަރިއާ ދިމާއަށް ދިޔައެވެ.
ކޮޓަރީގެ ދޮރު ހުޅުވާލުމާއެކު، ޝަރީފާގެ ލޯ ކުރިމަތީގައި ފެނުނު މަންޒަރުން އޭނާގެ ހިތް ފަޅައިގެން ދިޔަ ކަހަލައެވެ. ފާއިޒު އޮތީ ޝީމާ އާއި ޖެހިގެން އެއް އެނދެއްގައި ނިދިފައެވެ. އެމަންޒަރު ފެނުމާއި އެކު ޝަރީފާ ހިތަށް އެރީ ކުރީ ދުވަހު ޝީމާ ދެއްކި ވާހަކަތަކެވެ. ފާއިޒު ޝީމާގެ ގަޔަށް އަތްލާން މަސައްކަތް ކުރާ ވާހަކައެވެ. ޝަރީފާގެ ހިތުގައި ރުޅިވެރިކަމާއި ހިތާމައިގެ އިހުސާސްތައް އެއްވަރަކަށް އުފެދުނެވެ.
"ފާއިޒު" ޝަރީފާ ބާރަކަށް ގޮވާލިއެވެ.
ޝަރީފާގެ އަޑަށް ފާއިޒާއި ޝީމާ ސިހިގެންދިޔައެވެ. އަދި ޝީމާ ކުއްލިއަކަށް ތެދުވެ އެނދުން ފޭބިއެވެ.
"ހާދަހާ ގޮތެއް ނެތް މީހެކޭ ފާއިޒު ތިއީ" ޝަރީފާގެ މޫނުމަތިން ރުޅިވެރިކަން ފެންނަން ހުއްޓެވެ.
"ޝަރީފާ، މަޑުކޮށްލަބަލަ. މިއީ ކަލޭ ހިތަށްއަރާ ގޮތެއް ނޫން" ފާއިޒު ބުންޏެވެ.
"ކަލޭ ތިކުޅޭ ކުޅިވަރު އަހަރެންގެ ލޮލަށް މިފެނުނީ" ޝަރީފާ ހަޅޭލަވަން ފެށުމާއި އެކު ޝީމާ އައިސް އޭނަގެ މަންމަ ޝަރީފާގެ ގައިގައި ބައްދައލިއެވެ.
"މަންމާ. މިއީ ކޮންމެ ރެއަކުވެސް އާދަ. އަހަރެން މަންމަގެ ގާތުގައި ބުނެފާނެތީ އަހަރެންނަށް ފާއިޒުބެ ބިރު ދައްކަނީ. މިރޭވެސް އަހަރެންނަކަށް ނޭނގެ ފާއިޒުބެ އޮތްކަމެއް. ކޮޓަރި ތަޅުލައިގެން ނިދީ" ޝީމާ ރޯން ފެށިއެވެ.
ޝަރީފާ ޝީމާގެ ގައިން ދޫކޮއްލުމަށްފަހު ގޮސް ފާއިޒުގެ ކޮޓަރިއަށް ވަނެވެ. އަދި ފާއިޒު އަލަމާރި ދޮށުގައި ހުއްޓާ ގޮސް ފާއިޒުގެ މޫނުމަތީގައި ޖެހިއެވެ.
"ކިހިނެއްވީ" ފާއިޒު ޝަރީފާ އާއި ދިމާލަށް އެނބުރުނެވެ.
"މިރޭ ފެނުނު މަންޒަރު ދެން ކުޅެން ނޫޅެއްޗޭ" ޝަރީފާގެ ރުޅި ކޮންޓްރޯލުން ނެއްޓުނެވެ.
"ބަލަ! އަހަރެން ކޮންކަމެއް ކުރީ. އަހަރެން ޝީމާ އެކަނި އޮންނަން ބިރުން އުޅޭހެން ހީވެގެން އެތާ އޮއްވާ ނިދުނީ" ފާއިޒު މަސައްކަތް ކުރަމުން ދިޔައީ ޝަރީފާގެ ރުޅި މައިތިރި ކުރެވޭތޯއެވެ. އޭނާގެ އަޑުން އިވެނީ ކުށެއް ނެތްކަމުގެ އިހުސާސެވެ.
"ޝީމާ އަކީވެސް އަހަރެންގެ ދަރިއެކޭ. ދެން ކީއްކުރަން ތިގޮތަށް ތި ދެކެނީ" ފާއިޒަށް ރޮވެން ފެށުނެވެ. އޭނާގެ ހިތުގައި އޮތް ލޯބި ދައްކުވައިދޭން މަސައްކަތް ކުރަމުން ދިޔައެވެ.
"ޝަރީފާ ވިސްނާލަބަލަ! އަހަރެންނާއި އެކީ ތި އުޅެނީ ކިހާ ތަނަވަސް ދިރިއުޅުމެއް. އަހަރެންނާއި ވަކިވީމަ ދެން ވާނެގޮތް ވިސްނާލިންތަ" އަނެއްކާވެސް ފާއިޒު ވާހަކަ ދައްކަން ފެށިއެވެ. އޭނާގެ އަޑުން އިވެނީ ބިރުވެރިކަމާއި ކަންބޮޑުވުމެވެ.
"އެކަމަކު ދެން އަހަރެން ބޭނުމެއް ނޫން އެގޮތަށް ކަންތައްވާކަށް. މިބުނީ ޝީމާގެ ކޮޓަރިއަށް ފާއިޒު ވަންނާކަށް" ޝަރީފާ ޖަވާބު ދިނެވެ. އޭނާގެ އަޑުގައި ވަނީ ހަރުކަށިކަމެވެ.
ޝަރީފާގެ ބަސްތަކުން ފާއިޒުގެ ހިތަށް ވަރަށް ބޮޑު އަސަރެއް ކުރިއެވެ. އޭނާގެ ލޮލުން ކަރުނަ ފައިބަމުން ދިޔައެވެ. ފާއިޒު ޝަރީފާގެ ކައިރިއަށް ގޮސް އޭނާގެ އަތުގައި ހިފަން އުޅުނެވެ. ނަމަވެސް ޝަރީފާ އަތް ދުރަށް ލިއެވެ.
"އަހަރެން ތިޔަ ދެމީހުންނަށް އެއްވެސް ގެއްލުމެއް ދޭކަށް ބޭނުމެއް ނޫން. އަހަރެންގެ ހުރިހާ ލޯތްބެއް އޮތީ ތިޔަ ދެމީހުންނަށް" ފާއިޒު ބުންޏެވެ.
"އެކަމަކު ފާއިޒު، އަހަރެންނަށް މިހާރު އިތުބާރެއް ނުކުރެވޭ. ތިޔަ ކަންތައްތައް ފެނުނީމަ އަހަރެންގެ ހިތުގައި ޝައްކު އުފެދިއްޖެ" ޝަރީފާގެ މޫނުމަތިން ފެންނަނީ ވޭނާއި ހިތްދަތިކަމެވެ.
"އަހަރެން ދޮގެއް ނުހަދަން ޝަރީފާ. އަހަރެން ޝީމާގެ ކޮޓަރީގައި އޮތީ ހަމައެކަނި އޭނާ ބިރުގަންނާތީ. އެހެން އެއްވެސް ނިޔަތެއް ނެތް" ފާއިޒު ވަރަށް ސީރިއަސްކަމާއެކު ބުންޏެވެ.
ޝަރީފާ ކޮޓަރިން ނުކުމެގެން ދިޔައެވެ. ފާއިޒު އެކަނި ކޮޓަރީގައި ހުރެ، އޭނާގެ ދިރިއުޅުމުގެ މުސްތަޤުބަލާ މެދު ވިސްނަން ފެށިއެވެ. އޭނާގެ ހިތުގައި އުފެދުނު ސުވާލަކީ، މި ދެމަފިރިންގެ ލޯބި އަލުން އާރާސްތު ކުރެވޭނެ ބާވައެވެ؟ ނުވަތަ މިއީ އެމީހުންގެ ގުޅުމުގެ ނިމުން ބާވައެވެ؟
ދުވަސްތައް ފާއިތުވަމުން ދިޔައެވެ. ޝަރީފާ އާއި ފާއިޒު ދެމީހުން ވެސް މަސައްކަތް ކުރަމުން ދިޔައީ އެމީހުންގެ ގުޅުން ރަނގަޅު ކުރުމަށެވެ. ޝީމާ އަށްޓަކައި ނަމަވެސް، އެމީހުން ބޭނުންވީ އެމީހުންގެ ގޭތެރޭގެ މާހައުލު ހިތްފަސޭހަ ތަނަކަށް ހެދުމަށެވެ. ލޯތްބާއި އިތުބާރު އަލުން ބިނާކުރުމަކީ ފަސޭހަ ކަމަކަށް ނުވި ނަމަވެސް، ދެމީހުން ވެސް އެކަމަށް މަސައްކަތް ކުރަމުން ދިޔައެވެ.
= ނުނިމޭ =
