ލޮލުރޯގާ އަކީ ކޮބައިކަމާއި އެބަލިން ރައްކާތެރިވާނެ ގޮތް އެނގުން މުހިންމެވެ. ލޮލުރޯގާ އަކީ ތަފާތު ވައްތަރުގެ ބެކްޓީރިއާ އަދި ވައިރަސްގެ ސަބަބުން ޖެހޭ ބައްޔެކެވެ.
ލޮލުރޯގާ ޖެހުމުން ވާގޮތް:
1 ހުންއައުން
2 ލޯ ހިރުވުން
3 ލޮލުން ފެންއައުން
4 ލޮލުގައި މަޑުހެދުން
5 ލޯ ރަތްވުން
ލޮލުރޯގާ ޖެހިއްޖެނަމަ ނުވަތަ ޖެހިއްޖެކަމަށް ޝައްކުކުރެވޭނަމަ ވީހާވެސް އަވަހަކަށް ޑޮކްޓަރަށް ދައްކައިގެން ފަރުވާ ހޯދަން ވާނެއެވެ.
ލޮލުރޯގާއިން ރައްކާތެރިވުމަށް ކުރެވިދާނެ ކަންތައް:
1 ގިނަގިނައިން ސައިބޯނިލައިގެން އަތްދޮވުން
2 އާންމުކޮށް އަތްލާ ތަކެއްޗާއި ތަންތަން ސާފުކުރުން
3 ލޮލުގައި އަތްލުމާއި އުނގުޅުމުން ދުރުހެލިވުން
4 ބޭނުންކޮށްފައިވާ ޓިޝޫ ފަދަ ތަކެތި ރައްކާތެރިގޮތުގައި ނައްތާލުން
5 ލޮލުރޯގާ ޖެހިފައިވާ މީހަކު ލޮލަށް އަޅަން ބޭނުންކުރާ ބޭސްފުޅި ބޭނުން ނުކުރުން
ސްކޫލު ކުދިންގެ މެދުގައި އާންމުކޮށް ފެތުރޭ މިބަލި މިދުވަސްވަރުވެސް ދަނީ ކޮންމެވެސް ވަރަކަށް ފެތުރެމުންނެވެ. މިދިޔަ ސެޕްޓެމްބަރުމަހުގައިވެސް ލޮލުރޯގާ ބޮޑަށް ފެތުރެމުންދިއުމާއި ގުޅިގެން އެޗްޕީއޭއިން ވަނީ ރައްކާތެރިވުމަށް އިލްތިމާސްކޮށްފައެވެ.
