އަޅުގަނޑުމެންގެ ތެރޭގައި އިންތިހާއަށް ދޮގުހަދާ މީހުން އުޅެއެވެ. އެމީހާ އެހަދަނީ ދޮގުކަން އެހެން މީހުންނަށް އެނގޭއިރުވެސް އަމިއްލަ ސަލާމަތަށް ދޮގުހެދުމަށް އާދަވެފައިވާ މީހުން އުޅެއެވެ. މިފަދަ މީހުން ހަގީގަތާއި ޚިލާފު ވާހަކަދައްކާއިރު އެމީހުންގެ އަމަލާއި ބަހުން އެހަދަނީ ދޮގުކަން އެނގެއެވެ. ތިރީގައި މިވަނީ ދޮގުވެރިއެއްގެ ކިބައިން ފެނިދާނެ ކަންތައްތަކެވެ.
ހަށިގަނޑުގެ ބަސްމަގު:
ވާހަކަދައްކާއިރު ހާސްވެފައި ހުންނަކަން ފާހަގަވާނެއެވެ. ހަތަރުކަޅި ހަމަކުރަންވެސް ދޮގުހަދާ މީހާއަށް ބައެއްފަހަރު އުދަގޫ ވާނެއެވެ. އަދި އެއްގޮތަކަށް ހުންނަން އުދަގޫވެ ކޮންމެވެސް ވަރަކަށް ހަރަކާތްތެރިވާ މަންޒަރުވެސް ފެންނާނެއެވެ.
ތަކުރާރުކޮށް އެއްވާހަކައެއް ދެއްކުން:
ތަކުރާރުކޮށް އެއްވާހަކައެއް ދައްކާނެއެވެ. އެއީ ދޮގުހަދާމީހާއަށްވެސް އެމީހާ އެހަދަނީ ދޮގުކަން އެނގޭތީ އަޑުއަހަން ހުންނަ މީހާއަށް ދައްކާވާހަކަ ގަބޫލު ނުކުރެވިދާނެތީ ކުރެވޭކަމެކެވެ.
އަޑުގެ ސިފަތައް:
ދޮގުހަދާމީހާގެ އަޑުގައި ތަފާތުކަމެއް ހުންނާނެއެވެ. މިގޮތުން ކަންބޮޑުވެފައިހުރެ ވާހަކަދައްކާކަން ފާހަގަވާނެއެވެ. ބައެއްފަހަރަށް މާބާރަށް ނުވަތަ މާމަޑުންވެސް ވާހަކަދައްކަފާނެއެވެ.
އެހެނިހެން ބައެއް ކަންތައް:
ދޮގުހަދާއިރު އަމިއްލަ އިސްތަށިގަނޑާއި ތަކުރާރުކޮށް ކުޅުން ނުވަތަ އެނޫންވެސް އެފަދަ ބައެއްކަންތައް ކޮށްފާނެއެވެ. އެއީ ވާހަކަދައްކާއިރު އަމިއްލަ ނަފްސަށް އިތުބާރު ގެއްލި ބޭއިޚްތިޔާރުގައި ކުރެވޭ ކަމަކަށްވެސް ވެދާނެއެވެ.
އިސްވެ ދެންނެވި ކަންތައްތައް އެހެން ހުއްޓަސް އާދަޔާޚިލާފަށް ދޮގުހެދުމަށް މޮޅު މީހުން އުޅެއެވެ. ޔުނިވަރސިޓީ އަކުން ކުރި ދިރާސާއަކުން ފާހަގަވެފައިވާ ގޮތުގައި 70 އިންސައްތަ މީހުން ދޮގުހަދާއިރު ހަތަރުކަޅި ހަމަކުރެއެވެ. ދޮގުހެދުމަކީ އެހާ އާންމުކަމަކަށްވިއަސް މިއީ ކުރަން ހެޔޮވާވަރުކަމެއް ނޫނެވެ.
