April 5, 2025 03:04
Advertisement

-Advertisement-

ހޮޅުދޫ ބޯޓުގައި އަލިފާން ރޯވެ އަނދަމުންދިޔައިރު

އަލިފާން ރޯވެ އަޑިއަށްދިޔަ ބޯޓުން ގެއްލުނީ ނަމޫނާ ޒުވާނެއް!

މުދާ އުފުލާ ބޯޓެއްކަމުގައިވާ "ހޮޅުދޫ ބޯޓު" ގައި ވަރަށް ބޮޑަށް އަލިފާން ރޯވެ ކަނޑުގެ އަޑިއަށް ދިޔައީ ރޭ ދަންވަރު 2:07 ހާއިރުގައެވެ. ތ. ހިރިލަންދޫއިން ފުރައިގެން މާލެ އަށް ދަތުރު ކުރަމުންދަނިކޮށް އަލިފާން ރޯވި ހޮޅުދޫ ބޯޓު ދަތުރު ކުރަމުންދިޔައީ 18 މީހުންނާއެކުގައެވެ.

ހޮޅުދޫ ބޯޓުގައި އަލިފާން ރޯވިކަމުގެ މައުލޫމާތު އެމްއެންޑީއެފްއަށް ލިބުނީ ރޭ 21:07 ހާއިރުގައެވެ. "ސެންޓްރަލް އޭރިއާ ކޮމާންޑް ކޯސްޓްގާޑު ބޯޓު އޮތް ސަރަހައްދަށް ދިޔައީ. ބޯޓުން ދަތުރުކުރި 18 މީހުންގެތެރެއިން 17 މީހުން ވަނީ ސަލާމަތްކޮށްފައި. ބޯޓުން ގެއްލުނީ ލ މާވަށަށް ނިސްބަތްވާ އުމުރުން 25 އަހަރުގެ އަލީ މުޝްފިޤް މުހައްމަދު ޝަރީފް". އެމްއެންޑީއެފްއިން މައުލޫމާތު ދީފައިވެއެވެ.

ކޯސްޓްގާޑް ޝިޕް ޣާޒީ، އެފްއައިސީ މާފަތް، އެޗްޕީ 114 ޑައިވަރުންނާއި އެއަރކޯގެ ޑްރޯން އަދި އެމްއެންޑީއެފް ސެންޓްރަލް އޭރިއާ ކޮމާންޑްގެ ސިފައިން ގުޅިގެން ކަނޑުމަތިންނާއި ޑައިވްކޮށްގެން އަދި ވައިގެ މަގުން އަލީ މުޝްފިޤް މުހައްމަދު ޝަރީފް ހޯދުމުގެ މަސައްކަތް ދަނީ ކުރަމުންނެވެ.

Advertisement

މުޝްފިޤް ދަތުރުކުރީ އޭނާގެ އެއްބަނޑުއެއްބަފާ ކޮއްކޮއާއި އެކުގައެވެ. މަދުވަގުތުކޮޅެއްގެ ތެރޭގައި މުޅި ބޯޓުގައި އަލިފާން ރޯވިއިރު މިއީ ވީޑިއޯތަކުން ވެސް ފެންނަ ގޮތުގައި ބިރުވެރި މަންޒަރެކެވެ. ރޭގަނޑުގެ އަނދިރިކަމުގައި ސަލާމަތަށް އެދި މޫދަށް ފުންމާލި މީހުންގެ ތެރޭގައި މުޝްފިޤްވެސް ހިމެނޭއިރު މިއަދުގެ މެންދުރާއި ހަމައަށްވެސް މުޝްފިޤް ފެނިފައިނުވެއެވެ.

މުޝްފިޤް ވަޒީފާ އަދާކުރަމުންދިޔައީ ވިލާ އިންޓަނޭޝަނަލް ހައި ސްކޫލުގައެވެ. މުޝްފިޤް ގެއްލުމުގެ ހިތާމައިގައި އެ ސްކޫލުން ވަނީ ފޭސްބުކްގައި ޕޯސްޓެއްވެސް ހިއްސާކޮށްފައެވެ. އަދި އެ ޕޯސްޓްގައި ވަނީ ސަލާމަތުން އެނބުރި އައުމަށް އެދި ދުޢާކުރުމަށް އެދިފައެވެ.

ބައެއް މީހުން ކޮށްފައި ހުރި ކޮމެންޓްތަކަށް ބަލާއިރު މުޝްފިޤަކީ ވަރަށް އަޚްލާގު ރަނގަޅު ނަމޫނާ ޒުވާނެއްކަން އެނގެއެވެ. މިގޮތުން ވަޒީފާއަށް ކަމޭހިތައި ރީއްޗަށް ޤުރުއާން ކިޔަވާ ޒުވާނެކެވެ. އެންމެންގެވެސް ދުޢާއަކީ މުޝްފިޤް ސަލާމަތުން ހުއްޓާ ފެނުމެވެ.

ބޯޓުގެ ބައިތައް ކަނޑުމަތީގައި

އަލިފާން ރޯވެ އަޑިއަށްދިޔަ ބޯޓުގެ ބައިތައް ތ. އަތޮޅު ސަރަހައްދުން އޮޔާ ދާތީ އެސަރަހައްދުން ދަތުރު ކުރާ ފަރާތްތަކުން ދަތުރުކުރާއިރު ޚާއްސަ ސަމާލުކަމެއް ދިނުމަށް އެމްއެންޑީއެފްއިން ވަނީ އިލްތިމާސްކޮށްފައެވެ.

+1
0
+1
0
+1
0
+1
0
+1
0
+1
0
+1
1

Advertisement

އީމެއިލް ޝާއިރެއް ނުކުރާނަން

ގުޅުންހުރި ލިޔުންތައް