ހއ.މޮޅަދޫ ގައި ހުންނަ ބޯފެންވަޅުގެ ނަމުން މަޝްހޫރު ވަޅަކީ ކުރީގެ ހުކުރު މިސްކިތު ގޯތިތެރޭގައިވާ ގަބުރުސްތާނުގެ އުތުރުގައި ހަދާފައިވާ ވަޅެކެވެ. އެއްދުވަސްވަރެއްގައި އެރަށުގެ ރައްޔިތުން ހަމައެކަނި ބޯން ބޭނުންކުރީ މިވަޅުން ފެން ގެންގޮސްގެންނެވެ. އެއިރު ވާރޭ ފެން ބޭނުންނުކުރެއެވެ.
" ކައިރީގައިވާ ބެރިންމަދޫގެ ރައްޔިތުންވެސް މިވަޅުން އެމީހުން ބޯން ބޭނުންވާ ފެން ގެންގޮސްފައިވޭ. މިއީ ސަތޭކަ އަހަރަށްވުރެ ގިނަ ދުވަސްވެފައިވާ ފެންވަޅެއްކަން ދުވަސްވީ މީހުންގެ މަޢުލޫމާތުން އެނގޭ" ސަޤާފީ ތަރިކަ ރައްކާތެރިކުރާ ޤައުމީ މަރުކަޒުން ވަނީ މަޢުލޫމާތުދީފައެވެ.
ނޯޓް: ސަޤާފީ ތަރިކަ ރައްކާތެރިކުރާ ޤައުމީ މަރުކަޒާއި ގުޅިގެން ދިވެހިރާއްޖޭގެ ހުރިހާ ރަށެއްގައި ހުރި އާސާރީ ތަންތަނުގެ މަޢުލޫމާތު ގެނެސްދިނުމަށް 'ޒީޓައިމްސް' އިން މިދަނީ މަސައްކަތްކުރަމުންނެވެ. އާސާރީ ތަންތަނުގެ ފޮޓޯ ހިއްސާކުރައްވަން ބޭނުންވާ ފަރާތްތަކުން 'ޒީޓައިމްސް' އެފްބީ ޕޭޖް އަށް ފޮނުވައިދިނުން އެދެމެވެ.
