މަސްގަނޑު ތައްޔާރުކުރުމަށް ބޭނުންވާތަކެތި:
250ގ ބޯންލެސް ޗިކަން (މެރިނޭޓްކުރުމަށް ލޮނާއި މުގުރި އަސޭމިރުސް އެޅުމަށްފަހު 30 މިނިޓް ބަހައްޓާނީ)
1/3 ފިޔާ ކުދިކޮށް ކޮށާފަ
1 ސައިސަމުސާ އަސޭމިރުސް
4 ލޮނުމެދު
½ ބެލް ޕެޕަރ ނުވަތަ ކެޕްސިކަމް
ލޮނު
ފުށްގަނޑު ތައްޔާރު ކުރުމަށް ބޭނުންވާތަކެތި
2 ޖޯޑު ފުށް
2 އަލުވި (ފެނުކެއްކި)
2 މިރުސް
¼ ފިޔާ ކުދިކޮށް ކޮށާފަ
4 ލޮނުމެދު
1 މޭޒުމަތީ ސަމުސާ ކޮރިއެންޑަރ ފަތް
2 މޭޒުމަތީ ސަމުސާ ތެޔޮ ނުވަތަ ބަޓަރ
1 ސައި ސަމުސާ ލޮނު
ހިމަދިގުކޮށް ކޮށާފައިވާ ކެރެޓު ނުވަތަ ލެޓިޔުސް ފަތް
ސޯސް ތައްޔާރުކުރަން ބޭނުންވާތަކެތި
1 ބިސް (ހުދުބައި)
1 ލޮނުމެދު
1 ސައިސަމުސާ އަސޭމިރުސް
2 ފޮތި ޗީޒް
ތައްޔާރުކުރާނެ ގޮތް
ފުށްގަނޑު ތައްޔާރުކުރުމަށް ބޭނުންވާ ހުރިހާ އެއްޗެއް ވަރަށްކުދިކޮށް ކޮށާލުމަށްފަހު ފެނުކެއްކި އަލުވި، ފުށާއި، ލޮނު އަދި ތެޔޮ އަޅައިގެން ފުށްގަނޑު މޮޑެލާށެވެ. އެއަށްފަހު ރޮށި ފިހާ ތަވާގައި ފަހަރަކު ރޮއްޓެއް ފިހަމުން ގެންދާށެވެ.
ސޯސް ތައްޔާރުކުރުމަށް ބޭނުންވާ ހުރިހާ އެއްޗެއް (ބިސް ފިޔަވައި) ހިމުންކޮށްލާށެވެ. އެއަށްފަހު ބިހުގެ ހުދުބައި އަޅައިގެން އެއްކޮށްލާށެވެ.
ކުޑަ ތެޔޮފޮދެއް ތަވާއަށް އެޅުމަށްފަހު މެރިނޭޓް ކުރި ކުކުޅު ރަތްކުލަ އަރަންދެން ތެލުލާށެވެ. އެއަށްފަހު ހިހޫވަންދެން ބެހެއްޓުމަށްފަހު ހިހޫވުމުން ކުދިކޮށް ކޮށާށެވެ.
ފިޔާ، ލޮނުމެދު، ބެލް ޕެޕަރ ނުވަތަ ކެޕްސިކަމް ކުދިކޮށް ކޮށާފަ ކުޑަ ތެޔޮކޮޅެއް ތަވާއަށް އަޅައިގެން އިރުކޮޅަކު މި ބާވަތްތައް މީރުކޮށްލާށެވެ. ފިޔާގަނޑު ރަނގަޅަށް ކެކުމުން އޭގެތެރެއަށް ކޮށާފައި ހުރި ކުކުޅުމަސް އަޅާށެވެ. އެއަށްފަހު ތައްޔާރުކުރި ސޯސް އަޅައިގެން މަސްގަނޑު މޮޑެލާށެވެ.
ރޮށީގައި ސޯސް ހާކާލުމަށްފަހު ތައްޔާރުކުރި މަސްގަނޑު އެޅުމަށްފަހު، ކޮށާފަހުރި ކެރެޓް ނުވަތަ ލެޓިޔުސް ފަތް އަޅާފަ އޮޅާލާށެވެ.
