ތާރީޚް: ދިޔަމިގިލީ ގަނޑުވަރު ވީރާނާވާން ދޫކޮށްލަނީތަ؟
ދިޔަމިގިލީ ގަނޑުވަރަކީ މީލާދީން 1704 އިން 1757 އާއި ހަމައަށް ރަސްކަންކުރި ދިޔަމިގިލީ ދަރިކޮޅުގެ ރަސްރަސްކަލުން ދިރިއުޅުއްވި ގަނޑުވަރެވެ. ސަޤާފީ ތަރިކަ ރައްކާތެރިކުރާ ޤައުމީ މަރުކަޒުން މަޢުލޫމާތުދިންގޮތުގައި މިއީ، ދިޔަމިގިލީ ދަރިކޮޅުގެ ރަސްކަމުގެ އާސާރުތަކުގެ ތެރެއިން މިހާރު ފެންނަންހުރި، އެރަސްކަމުގެ އެންމެ މުހިންމު ރަމްޒެވެ. ދިޔަމިގިލީ ގަނޑުވަރު ހުންނަ ގޯތީގެ ދިގު މިނަކީ 34 ފޫޓެވެ. އަދި ފުޅާ މިނުގައި ހުންނަނީ 30 ފޫޓެވެ. ހިރިގަލާއި އުވަ ބޭނުންކޮށްގެން ރާނާފައިވާ މިއިމާރާތުގެ ފާރުތަކުގައި ވެސް ޖަހާފައިވަނީ އުވައެވެ. […]
