ފުރަތަމަ އަޑުނީވުނަސް، ބެލެނިވެރިންގެ ބުރަ މަސައްކަތުން އައިކްއަށް އުފާވެރި ދުވަސްތަކެއް!
މިއީ ކ. ހުރައަށް 'ޒީޓައިމްސް' އިން ކުރި ދަތުރުގައި ނަގާފައިވާ ވީޑިއޯއެކެވެ. އުފަންވީއިރު އަޑުނީވުނަސް، އޮޕަރޭޝަންކޮށް، މައިންބަފައިންވި ޤުރުބާނީއިން މުހައްމަދު އައިކް އަޔާޒް/ ކ. ހުރާ ދަނީ އުފާވެރި ދުވަސްތަކެއް ހޭދަކުރަމުންނެވެ. ސްޕީޗްތެރަޕީ ދިނުމަށް ސްރީލަންކާގައި 5 އަހަރު ހޭދަކޮށް އާއިލާއިން ކުރި ބުރަމަސައްކަތުން ވާހަކަދެއްކުނު އައިކް އޭނާގެ މަންމައާއި ބައްޕަދެކެ ލޯބިވާކަމަށް ބުނުމުން އެކުރެވުނީ ތަފާތު އިހްސާސެކެވެ. އައިކް އަކީ ކުޅިވަރުގެ ދާއިރާގައިވެސް ފާހަގަކުރެވޭ ކުއްޖެކެވެ.
