ވީޑިއޯ: ފުވައްމުލަކު އޮޅުއަލަ ދަނޑުތައް
ފުވައްމުލަކަށް އެންމެ ފުރަތަމަ އަލަ ގެނެވުނީ މުންބާއިން ކަމަށް ބުނެވެއެވެ. އެއީ 1274 ވަނަ އަހަރުގަ އެވެ. މިއީ ރާއްޖޭގައި އަލައޮޅު އެންމެ ގިނަ އެއްރަށެވެ. މިރަށުގައި ހައްދާ އަލައިގެ ތެރޭގައި ހިމެނެނީ ބޮޑުއަލަ، ވިލާތުއަލަ، ކިރިއަލަ، ރަތްއަލަ، ހުދުކިރިއަލަ، ރަތްކިރިއަލަ، ފުރައްދެއަލަ އެވެ. އެންމެ ގިނައިން އަލަ ކައި އުޅެނީ ފެނުކައްކައި މަޑުކޮށްގެން ގަރުދިޔައާއި ކާށިހުނި އަދި މަހާއި އެއްކޮށް މޮޑެގެންނެވެ. މިއީ ވަރަށް ގިނަ މީހުންނަށް މީރު ދިވެހި ކެއުމެކެވެ.
