ޙައްޤަކާ ނުލައި، ފިރިމީހާގެ ގާތުން ވަރިވާން އެދޭ އަންހެނާގެ މައްޗަށް ސުވަރުގޭގެ ވަސް ޙަރާމްވެގެންވޭ!
ވަރިއަކީ ވަކިވުމާއި އަލްވަދާޢު އޭގައި ހިމެނޭ ބަހެކެވެ. އިސްލާމީ ޝަރީޢަތުގައި ވަރިއަކީ އެކަމުގައި ފިޤްހީ އެތައް ހުކުމެއް ހިމެނޭ ކަމެކެވެ. ކައިވެންޏާއި ވަރިއަކީ އެކަންކަމުގައި ސަމާސާކުރުން ހިމެނޭ ކަންކަމެއް ނޫނެވެ. ރަސޫލާ ﷺ ހަދީޘްކުރައްވައިފައި ވެއެވެ. މާނައީ "ޙައްޤަކާ ނުލައި، ފިރިމީހާގެ ގާތުން ވަރިވާން އެދޭ އަންހެނާގެ މައްޗަށް ސުވަރުގޭގެ ވަސް ޙަރާމްވެގެންވެއެވެ". ޒަވާޖީ ޙަޔާތުގެ ގުޅުމަށް ބުރޫއަރާ ފަދަ ކަމެއް މެދުވެރިވެއްޖެ ހާލަތެއްގައި ޢަމަލުކުރާންވީ ޝަރުޢީ ގޮތް ކީރިތި ޤުރުއާނުގައި ބަޔާންވެގެންވެއެވެ. މާތް ﷲ ވަޙީކުރައްވައިފައިވެއެވެ. […]
