ވާހަކަ: އޭނާ (ސާދަވަނަބައި)
އެ ހަމަހިމޭންކަމުގެ ތެރެއިން ކުއްލިއަކަށް އިވުނު ފިޔަވަޅުތަކުގެ އަޑުން، އަޝްރަފް ފަސްއެނބުރި ބަލައިލިއެވެ. ނަމަވެސް އެއްވެސް މީހަކު ފެންނާކަށް ނެތެވެ. އަނެއްކާވެސް އެ އަޑު ގާތުން އިވުމާއެކު، އަމީނާ ބިރުވެރިކަމާއެކު އަޝްރަފްގެ އަތުގައި ހިފަހައްޓާލިއެވެ. ދެމީހުންވެސް ހުއްޓުނެވެ. "އެހުރީ ސިއްތި. އާނ، އެއީ އެ ސިއްތި ކަންނޭނގެ. އޭނަގެ ކަމަކަށް ވާނީ" އަމީނާ އަޝްރަފާ ދިމާލަށް ބަލައިލަމުން ބުންޏެވެ. ދެމީހުން ސިއްތިގެ ގާތަށް ދިޔައެވެ. ސިއްތި ހިނިތުންވެލަމުން ދެމީހުންނާ ދިމާލަށް ބަލާލިއެވެ. "މިގަޑީގައި ގޮނޑުދޮށުގައި އުޅެނީ ކީއްވެ؟" […]
