ދަތްތަކަށް ތަފާތު މައްސަލަތައް ދިމާވެ ފަރުވާ ހޯދާ މީހުން ގިނައެވެ. ދަތްތައް ރައްކާތެރިކަމާއެކު ބަހައްޓާނެ ގޮތް ވިދާޅުވެދެއްވީ ފެމިލީ ޑެންޓަލް ކެއަރ ގެ ޑޮކްޓަރ ޝައިނީ އެވެ.
ދަތްތައް ސާފުކޮށް ބަހައްޓާނެ ގޮތްތައް:
- ކޮންމެ ދުވަހަކު ހެނދުނު ކެއުމުގެ ކުރިން އަދި ރޭގަނޑު ކެއުމަށްފަހު ރަނގަޅު ބުރުހަކުން ދަތް އުނގުޅުން
- ދެދަތް ދެމެދު ސާފުކުރުމަށް 'ޑެންޓަލް ފްލޮސް' ބޭނުންކުރުން، މިގޮތަށް ސާފުކުރުމަށް ތޫނު އެއްޗެއް ނުވަތަ ޓޫތް ޕިކް ބޭނުންކުރުން ރަނގަޅެއް ނޫން
- ދުންފަތުގެ އިސްތިއުމާލު ނުކުރުން އަދި ނުދުފުން. ދުންފަތުގެ އިސްތިއުމާލު ކުރުމާއި ދުފުމަކީ ކެންސަރު ޖެހުމަށް މަގުފަހިވާ ކަންތައްތައް
- ހަކުރު ހިމެނޭ ކާނާ ކެއުން މަދުކުރުން
- ކޮންމެ 6 މަހަކުން އެއްފަހަރު ޑޮކްޓަރަށް ދައްކާ ދަތުގައި އެއްވެސް މައްސަލައެއް ހުރިތޯ ބެލުން
ދަތް ސާފުކޮށް ބަހައްޓަންވީ ކީއްވެ؟
ދަތް ސާފުކޮށް ނުބަލަހައްޓާނަމަ އަނގައާއި ދަތުގެ ތަފާތު ބަލިތައް ޖެހެން މެދުވެރިވެއެވެ.
- އަނގައިގަ ޖަރާސީމު އުފެދުން
- ދަތުގައި ރިއްސުން
- ކަށީގެ މައްސަލަ ދިމާވުން
- ކާން އުދަގޫވުން
- ވާހަކަދެއްކުމުގައި ދަތިކަމެއް ކުރިމަތިވުން
- ދަތްތައް ހަޑިވެ މީހާގެ ސިފައަށް ބަދަލުއައުން
ޑޮކްޓަރެއްގެ އެހީގައި ދަތަށް ދެވިދާނެ ފަރުވާތައް:
ބައެއް ފަހަރަށް އެކްސިޑެންޓެއްގެ ސަބަބުން ނުވަތަ އެނޫން އަނިޔާއެއްގެ ސަބަބުންވެސް ދަތް ވެއްޓި ދަތް ބިންދައިގެން ދިއުން ފަދަ މައްސަލަތައް ބައެއް މީހުންނަށް ދިމާވެއެވެ. ފެމިލީ ޑެންޓަލް ކެއާ އިން މިފަދަ ކަންތައްތަކަށް ފަރުވާ ހޯދިދާނެއެވެ.
ޑޮކްޓަރ ޝައިނީ ފާހަގަކުރެއްވި ގޮތުގައި ދަތުގެ ކުލައަށް ބަދަލު އައިސް ފެންނަ ފެނުމަށް ހަޑިނަމަ ދަތް ސާފުކޮށް ޕޮލިޝް ކުރެވިދާނެއެވެ. ނުވަތަ ކްރައުންސް ބޭނުންކުރެވިދާނެ އެވެ.
އެއްވަރަކަށް ދަތް ފަޅައިފައި ނެތްނަމަ ނުވަތަ ދަތުގައި އައިބުކަމެއް ހުރިނަމަ ނަރުގަނޑު އަޅުވައިގެން ރަނގަޅު ކުރުމަށް މަސައްކަތް ކުރެވިދާނެއެވެ. އަނގައިގެ ސާފުތާހިރުކަމަށް އިހުމާލުވާނަމަ ދަތް ބަލިކަށި ވާނެއެވެ. ދަތުގައި އެއްވެސް މައްސަލައެއް އުޅޭނަމަ ބޮޑުވަރުވުމުގެ ކުރިން ފަރުވާ ހޯދުން މުހިންމެވެ.
މާލެ ނިރޮޅުމަގުގެ ގ. ސަންއީސްޓްގެ ދެވަނަ ފަންގިފިލާގައި ހުންނަ ފެމިލީ ޑެންޓަލް ކެއާ އަކީ ދަތުގެ ވަރަށް ގިނަ ޚިދުމަތްތަކެއް ލިބޭ ކުލިނިކެކެވެ. ތަޖުރިބާކާރު ޑޮކްޓަރުންގެ އެހީގައި މި ކުލިނިކުން ދޭ ފަރުވާތަކުގެ ތެރޭގައި ތިރީގައި މިވާ ފަރުވާތައް ހިމެނެއެވެ.
- ސްކޭލިންގ އެންޑް ޕޮލިޝިންގ
- ރޫޓު ކޭނަލް ޓްރީޓްމަންޓް
- މެޓަލް ސެރަމިކް ކުރައުން
- ޒާކޯނިއާ ކުރައުން
- ފިކްސްޑް ޕާޝަލް ޑެންޗާ
- އާރުޕީޑީ
- ކޮމްޕްލީޓް ޑެންޗާ
- ދަތް އުފުރައިދިނުން
- ކޮމްޕޮސިޓް ފިލިންގ
- ގްލާސް އަޔޮނޯމާ ފިލިންގ
- ނަރުއެޅުވުން
އާސަންދަ ވެސް ލިބޭ މި ކުލިނިކުން ފަރުވާ ހޯދުމަށް ގުޅާނީ 7954089 މި ނަންބަރަށެވެ. އަދި އިތުރު މައުލޫމާތު ފޭސްބުކް ޕޭޖް Family Dental Care އިން ލިބިވަޑައިގަންނަވާނެ އެވެ.
