އުފާވެރި ހަމަޖެހޭ ދިރިއުޅުމެއް ހޯދުމަށް އެންމެންވެސް ބޭނުންވާނެއެވެ. ދިރިއުޅުމުގެ ހާލަތާއި ދިމާވާކަންކަމަށް ދުނިޔޭގެ ގައުމުތަކުގައި ބޭނުންކުރަމުން އަންނަ ކަންކަމާއި ވަސީލަތްތައް އަދި ނިޒާމުގެ ތެރެއިން ހިގަމުން އަންނަ ކަންކަން ރާއްޖޭގައިވެސް ވަނީ ތަޢާރަފްވެފައެވެ. ހަރުދަނާ ޒިންމާދާރު އުފާވެރި ނަފްސާނީގޮތުން ދުޅަހެޔޮ ދިރިއުޅުމަކަށްޓަކައި ކަމުގެ ފަންނީ މާހިރުންގެ ލަފާއާއި އިރުޝާދު ހޯދުމާއި މިފަދަ ތަންތަނުގެ އެހީ ހޯދުމަކީ ރާއްޖޭގައިވެސް ކުރަމުން އަންނަ ކަންކަމެވެ.
ރާއްޖޭގައި މިފަދަ ކަންކަމަށް ތަފާތު އެތައް މުއައްސަސާތައް އަދި ސެންޓަރުތައް ހެދި ޚިދުމަތް ދެމުން ގެންދެއެވެ. މިގޮތުން ކުއެރޯ ގައިޑަންސް ސެންޓަރަކީ ވެސް ފާހަގަކޮށްލެވޭ ތަނެކެވެ. ކުއެރޯ ގައިޑަންސް ސެންޓަރގެ މަގުސަދަކީ އުފާވެރި ހަރުދަނާ ޒިންމާދާރު ސުލްހަމަސަލަސްކަމާއެކީ ދިރިއުޅެވޭ ޖީލެއް އުފެއްދުމަށް މީހުންނަށް ބޭނުންވާ ބިނާކުރަނިވި ގައިޑަންސް ކައުންސެލިންގ، ކޯޗިންގ، މެންޓަރިންގ އަދި ޓްރެއިނިން ދިނުމެވެ.
2020 ވަނަ އަހަރު ވުޖޫދަށް އައިސްފައިވާ ސެންޓަރުން މިވީހާތަނަށް ވަނީ ތަފާތު އެތައް ޓްރެއިނިންތަކާއި، ގައިޑަންސް ކޯޗިން އަދި ކައުންސެލިންގ ޚިދުމަތް ފޯރުކޮށްދީފައެވެ. އެގޮތުން އާއިލީ ގުޅުންތަކުގެ މައްސަލަތައް، އަޚްލާގީ މައްސަލަތައް، އަމިއްލަ ނަފްސަށް އޮންނަ އިތުބާރު ގެއްލި ދިރިއުޅުންމަތިން ފޫހިވެފައިވާ މީހުންނަށް މަގު ދައްކައިދިނުން، ފުރާވަރު ކުދިންނަށް ދިމާވާ މައްސަލަތައް، ކެރިއަރ ގައިޑަންސް، ރިލޭޝަންޝިޕް މައްސަލަތަކާއި ގްރީފް އަދި ޓްރައުމާ، ސްޓެރެސް، އެންޒައިޓީ އަދި ޑިޕްރެޝަން މައްސަލަތަކަށް ހިމެނެއެވެ. މީގެ އިތުރުންވެސް ދިރިއުޅުމުގައި ދިމާވާ ތަފާތުކަންކަމުގެ މައްސަލަތައް ހައްލު ކުރުމަށް އެހީތެރިވެދޭކަން ފާހަގަކޮށްލެވެއެވެ.
މިސެންޓަރުން ސްކޫލް ބަންދާ ގުޅިގެން ޚާއްސަ ގައިޑަންސް ކައުންސެލިންގ، ކޯޗިން އަދި ޓްރެއިނިންގ ޕެކޭޖްތަކެއްވަނީ ތަޢާރަފް ކޮށްފައެވެ. ސެންޓަރުގެ ޚިދުމަތައް އެދިލެއްވުމަށް އަދި އިތުރު މަޢުލޫމާތު ހޯދުމަށް ހޮޓްލައިން ނަންބަރ 7374881 އަށް ގުޅާލެވިދާނެއެވެ. ސެންޓަރާއި ގުޅޭ މަޢުލޫމާތު ފޭސްބުކްޕޭޖް Quaero Guidance Centre އިން ލިބެންހުންނާނެ އެވެ.
