މޫސުން ގޯސްވުމުން މޫސުމަށް ސަމާލުކަން ދިނިމަށް މުއައްސަސާތަކުން ވަނީ އިލްތިމާސްކޮށްފައެވެ.
މިއަދުން ފެށިގެން ކުރިއަށް އޮތް 5 ދުވަހުވެސް މޫސުން ވަރަށް ގޯސްވާނެ ކަމަށް ލަފާކުރެވޭތީ މޯލްޑިވްސް މީޓިއޮރޮލޮޖިކަލް ސަރވިސް އިން ވަނީ އާންމުންގެ ސަމާލުކަމަށް މޫސުމާއި ގުޅޭ އެންމެ ފަހުގެ މައުލޫމާތު ހިއްސާކޮށްފައެވެ.
“ ރާއްޖެ ސަރަހައްދުގައި ހުޅަނގު މޫސުމުގެ ބާރު ގަދަވާނެ ކަމަށް ބެލެވޭތީ، ރާއްޖޭގެ ބޮޑުބަޔަކަށް ގުގުރުމާއެކު ވިއްސާރަކޮށް، ވިލާގަނޑުގައި ގަޑިއަކު 40 މޭލާއި 45 މޭލާއި ދެމެދުގެ ބާރުމިނަށް ވައިގަދަވެ ކަނޑުގަދަވާނެ ކަމަށް ލަފާކުރެވޭތީ މޫސުމަށް ސަމާލުވުމަށް އިލްތިމާސް ކުރަން”. މެޓް އޮފީސް
ހއ އަތޮަޅުން ފެށިގެން ލ އަތޮޅަށް މޮއަދު މެންދުރު 12 އިން އިރުއޮއްސި 6 ޖަހަންދެން ވަނީ ހުދު ސަމާލު ނެރެފައެވެ. ބޯކޮށް ވާރޭ ވެހުމާއެކު ގުގުރުން، އަދި ގަޑިއަކު 19 މޭލާއި 24 މޭލާއި ދެމެދުގެ ބާރުމިނުގައި ވައިޖެހި ވިލާގަނޑުގައި ގަޑިއަކު 40 މޭލަށް ވައިގަދަވެ ކަނޑުތައް ގަދަވާނެ ކަމަށް މިއަދު މެޓް އޮފީހުން ނެރުނު ސަމާލުގައި ފާހަގަކޮށްފައިވެއެވެ.
މޫސުން ގޯސްވުމުން ދިވެހި ފުލުހުންގެ މުއައްސަސާއިން ވެސް ވަނީ ސަމާލުކަންދޭންވީ ކަންތައްތައް ފާހަގަކޮށްފައެވެ.
ރައްކާތެރިކަމުގެ ފިޔަވަޅު އެޅުމަށް ކުރެވިދާނެކަންތައް:
- ފެންބޮޑުވެދާނެކަމަށް ތައްޔާރުވުން
- ގެއަށް ފެން ނުވަންނާނެހެން ރައްކާތެރިކުރުން
- ކޮންމެހެން ކުރަންޖެހޭ ދަތުރުތައް ފަސްކުރުން
- ފުރާޅާއި އެހެނިހެން ތަކެތި ރައްކާތެރިކުރުން
- ކަރަންޓް ސާމާނު ރައްކާތެރިކުރުން
- ކަނޑުދަތުރުފަތުރުގައި ސަމާލުވުން
- މުދާ ރައްކާތެރި ތަންތަނަށް ބަދަލުކުރުން
- ކުއްލި ހާލަތުގައި ގުޅަންވީ 119 އަށް
