ޕާސްތާ ސެލެޑްގައި ބޭނުންކުރުމަށް ފުރަތަމަ ޑްރެސިންގ ތައްޔާރު ކުރާނެގޮތް ހިމަނާލާނަމެވެ. ބޭނުންނަމަ ތައްޔާރީ ޑްރެސިންގ އެއްވެސް ބޭނުން ކުރެވިދާނެއެވެ.
ޑްރެސިންގ ތައްޔާރުކުރަން ބޭނުންވާތަކެތި:
1/2 ޖޯޑް އެކްސްޓްރާ ވަރޖިން އޮލިވް އޮއިލް
3 މޭޒުމަތީ ސަމުސާ ވައިޓް ވިނެގަރ ނުވަތަ އާދައިގެ ވިނެގަރ
1/4 ޕާމޭސަން ޗީޒް (ހިމުންކޮށް ގާނާފައި)
1 މޭޒުމަތީ ސަމުސާ މަޔޮނައިޒް
1 ސައިސަމުސާ ހަކުރު
1 ލޮނުމެދު (ގާނާފައި)
1/2 ސައިސަމުސާ އޮރިގާނޯ (ހިއްކާފައި)
1/2 ސައިސަމުސާ ޕާސްލީ (ހިއްކާފައި)
1/2 ސައިސަމުސާ ބެސިލް (ހިއްކާފައި)
ލޮނު (ރަހަލާވަރަށް)
1/2 ސައިސަމުސާ މުގުރި އަސޭމިރުސް
މިހުރިހާ ބާވަތެއް ފުޅިއަކަށް އަޅާފައި އެއްކޮށްލާށެވެ. ރަނގަޅަށް އެކުވުމުން ފުޅީގެ މަތި ބާރުކޮށްލާފައި އައިސް އަލަމާރީގައި ބަހައްޓައިގެން ބޭނުން ކުރެވޭނެއެވެ.
ޕާސްތާ ސެލެޑް ހެދުމަށް ބޭނުންވާތަކެތި:
220 ގްރާމް ޕާސްތާ
170 ގްރާމް ލަންޗަން މީޓް ނުވަތަ މަސްދަޅު
280 ގްރާމް ޗެރީ ޓޮމާޓޯ ކޮށާފައި
1/2 ޖޯޑް ކިއުކަންބަރ (ކޮށާފައި)
1/2 ފިޔާ (ހަތަރެސްކަނަށް ކޮށާފައި)
220 ގްރާމް މޮޒެރައްލާ ޗީޒް (ހަތަރެސްކަނަށް ކޮށާފަ)
1/2 ޖޯޑު ޒައިތޫނި (އޮށް ނަގާފައި)
1/2 ބޮޑު މިރުސް (ރަތްކުލަ)
1/3 ޕާސްލީ ފަތް
1 ޖޯޑް ޑްރެސިންގ (ކުރިން ތައްޔާރުކުރި)
ފުރަތަމަ ޕާސްތާތައް ލޮނު އަޅައިގެން މަޑުކޮށްލުމަށްފަހު ފެން ހިއްކާލުމަށް ތައްޓަކަށް އަޅާފައި ބަހައްޓާށެވެ. ދެން ބާކީހުރި ހުރިހާއެއްޗެއް ކޮށާލުމަށްފަހު ތައްޔާރުކުރި ޑްރެސިންގ އަޅައިގެން އެއްކޮށްލާށެވެ. މިޕާސްތާ ސެލެޑަކީ ވަރަށް ފައިދާހުރި ވަރަށްމީރު ސެލެޑެކެވެ.
