ދިވެހިރާއްޖޭގައި ވެސް ކަކުލުގަ ނުވަތަ ފައިގައި ރިއްސާތީ ބައެއް މީހުން ކަސްރަތުކޮށް އުޅެއެވެ.
އެމެރިކާއަށް ބަލާއިރު ކަކުލަށް ތަދުވުމުގެ މައްސަލަތަކުގައި އާބާދީގެ ތިންބައިކުޅަ އެއްބައި މީހުންގެ ތެރެއިން 15-20 އިންސައްތައާއި ދެމެދުގެ ރިޕޯޓުކޮށްފައިވާ މީހުންނަކީ ފިރިހެނުންނެވެ.
ނަމަވެސް މި މައްސަލާގައި 20 އިންސައްތައަށްވުރެން ގިނައިން އަންހެނުން ރިޕޯޓުކޮށްފައިވާކަމަށް "ކްލެސިކް ރިހިބިލިޓޭޝަން" ގައި ރިޕޯޓުކޮށްފައިވެއެވެ.
ކަކުލުގެ ރިހުމަށް ކުރެވިދާނެ ބައެއް ކަސްރަތުތައް:
1 ވޯމްއަޕް ކުރުން
އާންމު ގޮތެއްގައި ކަކުލުގައި ރިއްސަން މެދުވެރިވާ ސަބަބަކީ ކަސްރަތުކުރަންޖެހޭ ރަނގަޅުގޮތަށް ނުކުރެވުމުގެ ސަބަބުންނެވެ. ވޯމްއަޕް ކުރުމަށްޓަކައި ސްޓޭޝަނަރީ ބައިސްކަލެއްގައި 5 މިނިޓް ވަރު ދުއްވާލުމަށްފަހު ފާރެއްގައި ހިފަހައްޓައިގެންހުރެ ޕުޝްއަޕްސް ހެދިދާނެއެވެ.
2 ސްޓްރެއިޓް ލެގް ރެއިސެސް
ފޮޓޯގައި ފެންނަގޮތަށް ސީދަލަށް ތަނެއްގައި އޮށޯންނާށެވެ. އަދި ދެފައި ސީދަލަށް އިނގިލިތައް މައްޗަށްވާގޮތަށް ބެހެއްޓުމަށްފަހު، އެއްފައިގެ ކަކޫ ލަންބާފައި މައްޗަށް އުފުލާ ސީދާކުރެވޭވަރަކަށް ސީދާކުރަން މަސައްކަތްކުރާށެވެ. ކަސްރަތުކުރާ ވަރަކަށް ފޮޓޯގައި އެހެރަވަރަށް ފައި ސީދާކުރެވޭނެއެވެ. ކަކުލުގެ ސާޖަރީއަށްފަހު ބައެއް ޑޮކްޓަރުން މި ކަސްރަތުކުރުމަށް އިރުޝާދުދެއެވެ. މިގޮތަށް 10 ފަހަރުގެ 3 ސެޓް ހަދާށެވެ.
3 ހިޕް ރެއިސް
މިގޮތަށް އުއްޑުން އޮށޯންނާށެވެ. އަދި ދެއަތް ހަށިގަނޑާއި ސީދާވާގޮތަށް ބޭއްވުމަށްފަހު، ދެފައި ބިންމަތީގައި ޖައްސާ ބުޑުމަސްގަނޑު ހިއްލާލާށެވެ. މިގޮތަށް ކަސްރަތު ކުރާއިރު އަތް އޮންނަންޖެހޭ ޕޮޒިޝަންގައި ބޭއްވުނުތޯ ޔަގީންކުރަންވާނެއެވެ. މިގޮތަށް 10 ވަރަކަށް ސިކުންތު ހިފެހެއްޓުމަށްފަހު މަޑުމަޑުން ތިރިކުރާށެވެ. މީގެ 10 ފަހަރުގެ 3 ސެޓް ހަދާށެވެ.
އާންމު ގޮތެއްގައި ކަކުލުގެ މައްސަލަ ދިމާވަނީ ބަރުދަން އިތުރުވުމުންނާއި ނުރަނގަޅުގޮތަށް ކަސްރަތު ކުރުމުންނެވެ. ކަކުލުގެ އޮޕަރޭޝަނެއް ކޮށްފައިވާނަމަ، މިކަސްރަތުތައް ކުރުމުގެ ކުރިން ޑޮކްޓަރެއް ނުވަތަ ފިޒިއޮތެރަޕިސްޓެއްގެ އިރުޝާދު ހޯދުމަށްފަހު މި ކަސްރަތުތައް ކުރުމަކީ އެންމެ ރަނގަޅުގޮތެވެ. އަދި ކަސްރަތުކޮށް ނިންމުމަށްފަހު ސްޓްރެޗިން ހެދުމަކީ ވަރަށް ބޭނުންތެރިކަމެކެވެ.
މައުލޫމާތު ނަގާފައިވަނީ: އޯތޯއިންފޯ އަދި ކްލެސިކް ރިހިބިލިޓޭޝަން
