ބޭނުންވާތަކެތި:
8 ބާގަރ ބަނަސް
1/3 ސައިސަމުސާ މުގުރި އަސޭމިރުސް
2 ފިޔާ ހިމުންކޮށް ކޮށާފަހުރި
3 ލޮނުމެދު ހަނާކޮށް މުގުރާފަހުރި
1 ޖޯޑު ޕީލްޑް ޓޮމާޓޯ
1 ސައިސަމުސާ ބައި ހިމުންކޮށް ކޮށާފަހުރި ގިތެޔޮމިރުސް
2 ޖޯޑު ޓޫނާ
½ ޖޯޑު ހިމުންކޮށް ކޮށާފަހުރި ކެޕްސިކަމް
4 ލެޓިއުސް ފަތް
1 ސައިސަމުސާ ޗިކަން ކިއުބް
½ ޖޯޑު ހިމުންކޮށް ކޮށާފަހުރި ބެލްޕެޕަރ
1 ޖޯޑު ބައި ޗީޒް ގާނާފަހުރި (ޗެޑަރ ޗީޒް)
ލޮނުކޮޅެއް
ތެޔޮފޮދެއް
4 މޭޒުމަތީ ސަމުސާ ބަޓަރ
ތައްޔާރުކުރާނެ ގޮތް
ބަޓަރުކޮޅު ވަކިން ގިރާފަ ލޮނުމެދުކޮޅާއި އެއްކޮށްލާށެވެ. ބަނަސްތައް ދެފަޅިކޮށްފައި އެތެރެފަރާތުގައި ތުނިކޮށް ލޮނުމެދުކޮޅާއި އެއްކޮށްފަހުރި ބަޓަރުކޮޅެއް ހާކާލާށެވެ. ތަވާ އުނދުން މައްޗަށް އުދާލާށެވެ. ކުޑަތެޔޮފޮދެއް އަޅާށެވެ. ހޫނުވީމަ ފިޔާކޮޅު، ކެޕްސިކަމް، ބެލްޕެޕަރ، އަސޭމިރުސް، ޗިކަން ކިއުބް އަދި ލޮނުކޮޅެއް އަޅާށެވެ. މިބާވަތްތައް ހަނާވަންދެން މަޑުގިނީގައި ބަހައްޓައިގެން ދޭފަތުން އެއްކުރަމުން ދާށެވެ. އެއަށްފަހު ޕީލްޑް ޓޮމާޓޯ އެއްކޮށްލާށެވެ. މަސްކޮޅުވެސް އެއްކޮށްފައި ރަހަ ނުކުންނަވަރަށް ކެކުމުން އުނދުންމަތިން ބާލާށެވެ.
ލެޓިއުސް ފަތްކޮޅެއް ކަފާފައި ބަނަސްމަތީގައި ބާއްވާފަ މަސްކޮޅެއް ފަތުރާށެވެ. މައްޗަށް ޗީޒް އަޅާފަ ކުރިން ކެފި ބަނަހުގެ ފަޅި ތަތްކޮށް ޕަނީނޯ މޭކަރ އިން ފިހެލާށެވެ. ޕަނީނޯ ވެސް ވަރަށްގިނަ ގޮތްގޮތަށް ތައްޔާރުކުރެއެވެ.
