ފިނިކުރި ތަރުކާރީ އާއި ކުކުޅުމަހަކީ ދިވެހިންގެ ކެއުމުގައި އާންމުކޮށް ބޭނުންކުރާ ބާވަތްތަކެވެ. އަގުހެޔޮކޮށް ފެންވަރު ރަނގަޅު މުދާ ގަތުމަށް ބޭނުންވާ މީހުންނަށް މިއޮތީ އުފާވެރި ޚަބަރެކެވެ. ހެޔޮ އިންވެސްޓްމެންޓްގެ 'ހެޔޮ ފިހާރަ' އަކީ ފިނިކުރި މުދާ އެއްތަނަކުން ވިއްކުމަށް ޚާއްސަ ފިހާރައެކެވެ.
ހެޔޮއިންވެސްޓްމެންޓް ކުންފުނީގެ ވެރިޔާ ފާތިމަތު އަޒުހީމާ 'ޒީޓައިމްސް' އަށް މައުލޫމާތު ދިންގޮތުގައި 'ކޮވިޑް 19' ގެ ލޮކްޑައުންއަށްފަހު 2020 ވަނަ އަހަރުގެ ޑިސެންބަރުމަހު 'ހެޔޮ ފިހާރަ' ހުޅުވުމުގެ މަގުސަދަކީ އެހެން ފިހާރަތަކަށް ވުރެ ހެޔޮ އަގެއްގައި ކަސްޓަމަރުންނަށް ގަނެވޭނެފަދަ ގޮތަކަށް ފަސޭހައިން މުދާ ލިބޭނެގޮތެއް ހެދުމެވެ.
" ފިހާރަތަކުގެ އަގުތައް ބެލުމަށްފަހު އަދި މާކެޓަށް އަންނަ ބަދަލުތައް ދެނެގަނެ އެންމެ އަގުހެޔޮކޮށް ވިއްކަނީ. މައިގަޑުގޮތެއްގައި ލިބެން ހުންނާނީ ކުކުޅާއި މީޓްސްގެ ބާވަތްތައް. އަދި ފިނިކުރި ތަރުކާރީގެ ބާވަތްތައް. އަބަދުވެސް ފެންވަރު ރަނގަޅު ބާވަތްތައް ވިއްކުމަށް އިސްކަންދެން. ހޯލްސޭލް އަދި ރީޓެއިލްކޮށް މުދާ ލިބޭނެ". އަޒުހީމާ މައުލޫމާތު ދިނެވެ.
މާލެ އަދި ހުޅުމާލޭގެ އިތުރުން ރަށްރަށަށް ފޮނުވުމަށް ބޯޓުތަކަށް މުދާ ގެންގޮސްދެއެވެ. ޑެލިވަރީކޮށްދެނީ ހިލެއެވެ. މާލޭގައި ހުންނަ 'ހެޔޮ ފިހާރަ' ހުންނަނީ ބާޖަމާލުއްދީން ކައިރީގައެވެ.
" މި ފިހާރައިން ލިބެންހުރި ބާވަތްތަކުގެ ތެރޭގައި ޗިކަން ތައި، ޗިކަން ވިންގްސް، ކޮށި ކުކުޅު، ޗިކަން ފިންގާސް، ޗިކަން ބާގަރ، ސޮސެޖް، ނަގެޓްސް، ޗިކަން ޑްރަމްސްޓިކް، ބޯންލެސް ޗިކަން، ފްރެންޗް ފްރައިސް، ކުކުޅު ކުރަނޑި، ބީފް، މަޓަން، މިކްސްޑް ތަރުކާރީ، ކޮލިފްލާވަރ، ބްރޮކޮލީ، މޮޒަރެއްލާ ޗީޒް، ގްރީން ޕީސް، ސްވީޓް ކޯން ފަދަ ބާވަތްތައް ހިމެނޭ".
ހެޔޮ އިންވެސްޓްމެންޓުން ވަނީ ހުޅުމާލޭގެ ފުރަތަމަ ފިޔަވަހީގައި އެކުންފުނީގެ 'ހެޔޮ ފިހާރަ 2' ހުޅުވާފައެވެ. ރޭގެ ވަގުތެއްގައި ހުޅުވި މިފިހާރައިން ވެސް އެކުންފުނިން ވިއްކަމުންދާ ހުރިހާބާވަތެއް ލިބޭނެ ކަމަށް އަޒުހީމާ ވަނީ މައުލޫމާތު ދީފައެވެ. 'ހެޔޮ ފިހާރަ 2' ހުޅުވީ ހުޅުމާލެ ނިރޮޅުމަގު 8 ނަންބަރު ގޯޅީގައެވެ.
ތުރުކީ، ޔޫއޭއީ، އިންޑިއާ، ސްރީލަންކާ ފަދަ ގައުމުތަކުން މުދާގެންނައިރު، އާންމުންގެ މެދުގައި އެންމެ މަގުބޫލު ބާވަތެއްގެ ގޮތުގައި ފާހަގަކޮށްފައިވަނީ ކޮށި ކުކުޅެވެ.
" އެންމެ ޚާއްސަ އެއްޗަކަށް އިންނާނީ ކޮށިކުކުޅު. ކުކުޅު ކޮށާފަ އަޅުގަނޑުމެންގެ އަމިއްލަ ޕެކިންގަ ޕެކްކޮށްފަ ހުންނާނީ. ވެބްސައިޓް heyofihaara.com އަދި ފޭސްބުކް ޕޭޖް
Heyo Fihaara-Heyo Investment މެދުވެރިކޮށް ނުވަތަ 9639444 އަށް ވައިބަރ ކޮށްގެން އޯޑަރު ދެވޭނެ". އަޒުހީމާ މައުލޫމާތުދީފައި ވެއެވެ.
2 އަހަރު ދުވަސްތެރޭގައި ހެޔޮ އިންވެސްޓްމެންޓްގެ 2 ވަނަ ފިހާރަ ހުޅުވާފައިވަނީ ކަސްޓަމަރުންގެ ފަރާތުން ލިބޭ އިތުބާރާއި އެއްބާރުލުމުން ކަން ފާހަގަކޮށް އެކުންފުނީގެ ކަސްޓަމަރުންނަށް އަޒުހީމާ ވަނީ ޚާއްސަ ޝުކުރެއް އަދާކޮށްފައެވެ.
