ބޭނުންވާތަކެތި:
4 ދޮންކެޔޮވަށް
2 ބިސް
3 މޭޒުމަތީ ސަމުސާ އޯޓްސް
އޮލިވް އޮއިލް
ތައްޔާރުކުރާނެ ގޮތް:
ތޮށި ނެއްޓުމަށްފަހު ދޮންކެޔޮވަށް ތުނިކޮށް ފޮތިފޮއްޗަށް ކޮށާށެވެ. އެއަށްފަހު އޭގެ ¾ ބައި ތައްޓަކަށް އެޅުމަށްފަހު އުލެއް ބޭނުންކޮށްގެން ހިމުންކޮށްލާށެވެ. އެހެން ތައްޓަކަށް ބިސް އެޅުމަށްފަހު ގިރާށެވެ. ބިހުގެތެރެއަށް އޯޓްސް އާއި ހިމުންކުރި ދޮންކެޔޮކޮޅު އަޅާފަ އެއްކޮށްލާށެވެ.
އުނދުން ރޯކުރުމަށްފަހު ތަވާގައި އޮލިވްއޮއިލް ހާކާށެވެ. ކުރިން ކޮށާފަ ހިމުން ނުކޮށް ބެހެއްޓި ދޮންކެޔެ ފޮތިތައް ތަވާގައި އަތުރާށެވެ. އޭގެމައްޗަށް ކުރިން އެއްކުރި (އޯޓްސް، ދޮންކެޔޮ، ބިސް) އަޅާފަ ބޯކިބާއެއްގޮތަށް ފިހެލާށެވެ. ތަވާގައި މަތިޖަހައިގެން މަޑުގިނީގައި ފިހާއިރު އޯޓްސް ބޯކިބާގެ ދެފުށްވެސް ފިހެލަންވާނެއެވެ. ފިހެނިމުމުން ބޭނުންނަމަ މާމުއިކޮޅެއް ބޯކިބާގެ މައްޗަށް އަޅާލާށެވެ. އެއިރުން ބޮޑަށް މީރުވާނެއެވެ.
