ބޭނުންވާތަކެތި:
2 ޖޯޑު ކޯންފްލަރ
2 ޖޯޑު ހަކުރު
2 އިންޗި ފޮނިތޮށި
6 ކާފޫރުތޮޅި
2 ޖޯޑުކިރު (ކާށި ބޯކިރު)
2 ފިޔާ (ކޮށާފައި)
5 އިންޗި ރާނބާފަތް (ބުރިބުރިކޮށްފައި)
2 މޭޒުމަތީ ސަމުސާ ގިތެޔޮ
1/2 ޖޯޑު ކަނަމަދު (ސާފުކޮށް 2-3 ބުރިކޮށްފައިހުރި)
1 ޖޯޑު މާފެން
ތައްޔާރުކުރާނެ ގޮތް:
ފުރަތަމަ ރާނބާފަތްކޮޅާއި 3 ޖޯޑުފެން އެއްކޮށްގެން ތެއްޔަކަށް އަޅާފައި ކައްކާލާށެވެ. ރާނބާފަތުގެ ރަހަ ނުކުންނަވަރަށް ކެކުނީމަ އުނދުންމަތިން ބާލާފައި ބަހައްޓާށެވެ.
ފޮނިތޮއްޓާއި ކާފޫރުތޮޅި ދެބައި އެއްކޮށް ހިމުންކޮށް ފުނޑާލާފައި ބަހައްޓާށެވެ.
ގިތެޔޮކޮޅުގައި ފިޔާ ރަތްކޮށްފައި ބަހައްޓާށެވެ. ދެން ކިރާއި ފުށް، ½ ޖޯޑު މާފެން، ހަކުރު އަދި ރާނބާފަތު ފެން، ފޮނިތޮށި ކާފޫރުތޮޅި ތެއްޔަކަށް އަޅާފައި ގިރާފަ އުނދުންމައްޗަށް އުދާލުމަށްފަހު މަޑުގިނީގައި ދޭފަތުން އެއްކުރަމުން ކައްކާށެވެ. ހަރުވާން ފެށުމުން ރަތްކުރި ފިޔާކޮޅުގެ ދެބައިކުޅައެއްބައި އެއްކޮށް އަޅާށެވެ.
ފުށް ރޯފިލުމުން އުނދުންމަތިން ބާލާފައި ޓްރޭއެއްގައި ތެޔޮ ހާކާފައި ކެއްކި ފުށްގަނޑު ޓްރޭއަށް އަޅާށެވެ. ފުށްގަނޑުގެ މައްޗަށް ބާކީހުރި ފިޔާކޮޅާއި ކަނަމަދު އަޅާފަ މަޑު މުށިކުލައެއް އަރަންދެން ފިހެލާށެވެ.
ގިތެޔޮ ބޯކިބާވެސް ތަފާތު ގޮތްގޮތަށް ތައްޔާރުކުރެއެވެ.
