ކޯސްޓް ކްރާފްޓް 38 ޕްލަސް އަކީ އަލްޝާލީ މެރިން މޯލްޑިވްސް އިން ބަންނަ އުޅަނދުތަކުގެ ތެރެއިން 1 އުޅަނދެވެ. މި އުޅަނދު އެންމެ ފުރަތަމަ ބާޒާރަށް ނެރެފައިވަނީ 2019 ވަނަ އަހަރުގަ އެވެ. މި ލޯންޗަކީ 2019 ވަނަ އަހަރުގެ ބޯޓިންގ އެވާރޑްގައި 10-15 މީޓަރ ކެޓަގަރީން "ބެސްޓް ފައިބަރ ވެސެލްސް" އެވޯޑް ލިބިފައިވާ ލޯންޗެކެވެ. މި ލޯންޗަކީ މިސައިޒުގެ އުޅަނދުތަކުގެ ތެރޭގައި ހިމެނޭ އެހެން ލޯންޗްތަކަށްވުރެ ބަލާލަން ރީތި، ފަސޭހައިން ކެޕްޓަނުންނަށް ކުރި ފެންނާނެހެން "ޕެނޮރާމާ ކާރވްޑް ވިންޑްސްކްރީން" ހަރުކުރެވިފައިވާ ލޯންޗެކެވެ. އަދި މީގެ އިތުރުން ދަތުރުކުރާ ފަރާތްތަކަށް ފަސޭހަވާގޮތަށް ސީޓުތައް ހުންނަގޮތަށް ފަރުމާކުރެވިފައިވާ ދިގުމިނުގައި 39 ފޫޓް ހުންނަ ލޯންޗެކެވެ. ކޯސްޓް ކްރާފްޓް 38 ޕްލަސްގެ ސްޓޭންޑަރޑް ލޯންޗަކީ ފަޅުވެރިންނާއެކު 31 މީހުނަށް ދަތުރުކުރެވޭ ވަރުގެ ޖާގައިގެ ލޯންޗެކެވެ. މިއީ މިހާރުވެސް ގިނަ ބޭނުންތަކަށް ކަސްޓަމައިޒްކޮށް ބަނދެގެން ގިނަފަރާތްތަކުން ބޭނުންކުރަމުން އަންނަ ލޯންޗެކެވެ.
" އާދައިގެ ފަސިންޖަރ ލޯންޗުގެ އިތުރުން އެގްޒެކްޓިވް ލެވެލްގެ ދަތުރުތަކަށް ބޭނުންކުރެވޭގޮތަށް ކަސްޓަމައިޒް ކޮށްގެން މި މޮޑެލްގެ ލޯންޗްތައް ބަނުމުގެ ފުރުސަތު ހުޅުވިފައިމިވަނީ، މިހާރުވެސް މި ލޯންޗްގެ ތަފާތު ގިނަ މޮޑެލްތައް މާކެޓަށް ނެރެފައިވާނީ. އެގޮތުން ޕަސެންޖަރ، އެކްސްކާރޝަން، ޑައިވިންގ، ބިގް ގޭމް ފިޝިންގް، ސީ އެމްބިއުލާންސް، ވީ.އައި.ޕީ ޓްރާންސްފަރ ލޯންޗްތައް ހިމެނޭ" އަލްޝާލީ މެރިން މޯލްޑިވްސްގެ އެސިސްޓެންޓް މެނޭޖަރ މޫމިން ރަޝީދު ވިދާޅުވިއެވެ.
އަލްޝާލީ މެރިން މޯލްޑިވްސްގެ ބޯޓުޔާރޑުން ބަންނަ ކޮންމެ އުޅަނދަކަށް 1 އަހަރު ދުވަހުގެ ޑީ.ފެކްޓްސް (ބޭނުންކުރާ މެޓީރިއަލްއެއް ނުވަތަ ވޯކްމަންޝިޕްގެ ސަބަބުން ލިބޭ ގެއްލުންތައް) ވޮރަންޓީއެއް ދިނުމުގެ އިތުރުން 5 އަހަރު ދުވަހުގެ ހަލް ވޮރަންޓީއެއް ދެއެވެ. އަދި އަލްޝާލީ އިން ބަންނަ ކޮންމެ އުޅަނދަކީ އިންޝުއަރެންސް ކުރެވިފައިވާނެ އުޅަނދެކެވެ. އަލްޝާލީ މެރިން އިން ބޯޓް ބިލްޑްކުރަން ގެންގުޅޭ ގިނަ މެޓީރިއަލްތަކަކީ، ދުނިޔޭގެ މަޝްހޫރު އެހެން ބޯޓްބިލްޑިންގ ކުންފުނި ތަކުންވެސް ބޭނުންކުރަމުންދާ އިންޓަނޭޝަނަލް މާކެޓުގައި ލިބެންހުރި އެންމެ ރަނގަޅު މެޓީރިއަލްތަކެވެ.
އަލްޝާލީ މެރިން މޯލްޑިވްސްއިން ބޯޓު ބަންނަ ބޯޓްޔާރޑަކީ ޓްރާނސްޕޯރޓް މިނިސްޓްރީގައި ރަޖިސްޓްރީކޮށްގެން ކ. ތިލަފުށީގައި ވަރަށް ފުޅާ ދާއިރާއެއްގައި ބޯޓިންގ މަސައްކަތްކުރަމުން އަންނަ ބޯޓް ޔާރޑެކެވެ. އެއްފަހަރާ 20-30 އުޅަނދުގެ މަސައްކަތް ކުރުމުގެ ގާބިލްކަން ހުރި ބޯޓްޔާރޑެކެވެ.
" ބޯޓް ބަނުމުގެ އިތުރުން މިޔާރޑްއިން ކޮށްދޭ ވަކިވަކި މަސައްކަތްތަކަށް ބަލާއިރު ފައިބަރ އުޅަނދުފަހަރު އެހެލައި ބޭލުން. ފައިބަރ އުޅަނދުތަށް މަރާމާތުކުރުން. ރިފާރބިޝްމެންޓް ކުރުމާއި ބްރޭންޑް ކޮށްދިނުމުގެ މަސައްކަތް. ފައިބަރު އުޅަނދުފަހަރުގެ ޖެލް ޖެހުން. ދަވާދުލުން. ފެހިކެހުމާއި އެންޓިފައުލިންގ ލައިދިނުން. ހުރިހާ ބާވަތެއްގެ އިލެކްޓްރިކް އަދި އިލެކްޓްރޯނިކް މަސައްކަތް. އިންޖިނިއަރިންގ މެކޭނިކަލް މަސައްކަތް. މެޝިނިންގ މަސައްކަތް. ސްޓާންޓިއުބާއި ޕްރޮޕެލަރ ޝާފްޓާއި ގުޅުންހުރި ހުރިހާ މަސައްކަތެއް. ހުރިހާބާވަތެއްގެ ފިޓިންގ މަސައްކަތް. ހުރިހާ ވައްތަރެއްގެ ޓެއިލަރ މަސައްކަތް (ޝީޓާއި ސަތަރި ފެހުމުގެ މަސައްކަތް)، ކަސްޓަމަރ ބޭނުންވާ ގޮތަކަށް ޑިޒައިންކޮށް ކަސްޓަމައިޒްކުރުމުގެ މަސައްކަތް". އަލްޝާލީ އިން މައުލުމާތުދިނެވެ.
އަލްޝާލީ މެރިން މޯލްޑިވްސް ބޯޓްޔާރޑަކީ އެއްފުރާޅެއްގެ ދަށުން ހުރިހާ މަސައްކަތެއް ކުރެވޭ ޔާރޑަކަށްވާއިރު، މޯލްޑިވްސް ނޭޝަނަލް ބޯޓިންގް އެސޯސިއޭޝަނުން ހޮވާ ބެސްޓް ޑޮކްޔާރޑް އޮރ ސްލިޕްވޭ އެވޯޑް 2017 އަދި 2018 ލިބިފައިވާ އިތުބާރުހުރި ބޯޓްޔާރޑެކެވެ.
ރާއްޖޭގެ އިންޓަގްރޭޓެޑް ނެޝަނަލް ޕަބްލިކް ފެރީ ނެޓްވޯކް ނުވަތަ (RTL) ގެ ފޭސް 2 އަދި ފޭސް 3 އަށް ބޭނުންވާނެ 65 ފެރީ ލޯންޗް ބަނުމަށް އަލްޝާލީ މެރިންގ މޯލްޑިވްސް އާއި އެމް.ޓީ.ސީ.ސީ އާއިއެކު ވެފައިވާ އެއްބަސްވުމުގެ ދަށުން (RTL) ޕްރޮޖެކްޓުގެ ގިނަ ލޯންޗުތަކެއްގެ މަސައްކަތް އެއްފަހަރާ މިހާރުވެސް ކުރިޔަށް އެބަދެއެވެ.
އަލްޝާލީ މެރިން މޯލްޑިވްސް ކުންފުންޏަކީ މީގެ 17 އަހަރު ކުރިން ރާއްޖޭގެ ކޯސްޓްލައިން އިންވެސްޓްމެންޓާއި ދުބާއީގެ އަލްޝާލީ މެރިން ގުޅިގެން ރާއްޖޭގައި ބޯޓްބިލްޑިންގ މަސައްކަތް ކުރުމަށް އުފައްދާފައިވާ ޕްރައިވެޓް ލިމިޓެޑް ކުންފުންޏެކެވެ. މިކުންފުނިން 2015 ވަނަ އަހަރުން ފެށިގެން އަންނަނީ ކޮންމެ އަހަރަކުވެސް މެރިން އިންޑަސްޓްރީއަށް އަމާޒުކޮށްގެން އާމޮޑެލްއެއް މާކެޓަށް ނެރެމުންނެވެ. އެގޮތުން 2019 ވަނަ އަހަރު މާރކެޓަށް މިނެރުނު މޮޑެލް އަކީ "ކޯސްޓް ކްރާފްޓް 38 ޕްލަސް" އެވެ.
އަލްޝާލީ މެރިން މޯލްޑިވްސް އަކީ ރާއްޖޭގެ ވިޔަފާރި ކުންފުނިތަކަށް ކޯޕަރޭޓިވް މޯލްޑިވްސްއިން ދޭ އެންމެ ޝަރަފްވެރި އެވޯޑް ގޯލްޑް 100ގެ އެވޯޑު މިހާތަނަށް 7 އަހަރު އަދި "މޯސްޓް އިނޮވޭޓިވް ކޮމްޕެނީ އޮފް ދި އިޔާރ" ވެސް ލިބިފައިވާ މަދު ކުންފުނީގެ ތެރޭގައި ހިމެނޭ ކުންފުންޏެކެވެ.
އަދި މީގެ އިތުރުން އަލްޝާލީ މެރިން މޯލްޑިވްސް އަކީ މޯލްޑިވްސް ނޭޝަނަލް ބޯޓިންގ އެސޯސިއޭޝަނުން ހޮވާ ބެސްޓް ބޯޓް ޑިޒައިން އޮފް ދަ އިޔަރ 2017 އަދި 2022 ފަދަ ބޯޓިނގް އިންޑަސްޓްރީ އަށް އަމާޒުކޮށްގެން ހޮވާ ގިނަ ވަނަތައް ހާސިލްކޮށް ގިނަ އެވޯޑުތަކެއް ލިބި ގިނަ ބައެއްގެ އިތުބާރު ހޯދައިފައިވާ ކުންފުންޏެކެވެ.
އަލްޝާލީގެ ޚިދުމަތް ހޯދުމަށް:
ނަންބަރު: 6646066
އީމެއިލް: [email protected]
