ބޭނުންވާތަކެތި:
1 ކިލޯ ބްރެޑް ފްލަރ
10ގ ބްރެޑް އިމްޕްރޫވަރ
25ގ ބަޓަރ
20ގ ހިކިކިރު
10ގ އީސްޓް
450 އެމްއެލް ފެން
15ގ ލޮނު
އެތެރެއަށް އެޅުމަށް
100ގ ކެރެޓް
100ގ ލީކްސް
100ގ ޒުވާރިއޮށް
100ގ މަޝްރޫމް
50ގ އޮލިވް ކޮށާފައި
ތައްޔާރުކުރާނެ ގޮތް:
ކޮށާފައިހުރި ތަރުކާރީގެ ބާވަތްތައް ތެޔޮފޮދެއްގައި ކުޑަލޮނުކޮޅެއް ލާފައި ކުޑަކޮށް ހަނާކޮށްލާށެވެ.
ފުށްމޮޑޭ މެޝިނަށް ފުށް އަޅާފައި ހިކިކިރު، ބަޓަރު، އީސްޓް، ބްރެޑް އިމްޕްރޫވަރ، ލޮނު އަދި ފެން އަޅަމުން މޮޑެމުންދާށެވެ. 10 މިނިޓް ވަންދެން މޮޑެލާށެވެ. ނުވަތަ ރަނގަޅަށް މޮޑެވެންދެން މޮޑެލާށެވެ. މޮޑެމުންދާއިރު މާހިކިހެން ހީވާނަމަ ކުޑަފެންފޮދެއް އިތުރުކޮށްލާށެވެ. އެއީ ފުށުގެ ގޮތުން ކުޑަބަދަލެއް އައިސްދާނެތީއެވެ.
މޮޑެ ނިމުމުން ކަވަރކޮށްފައި 1 ގަޑިއިރުވަންދެން ބާއްވާށެވެ.
ފުށްގަނޑު ޑިސްކް ސައިޒަށް ރީއްޗަށް ދަމާލާށެވެ. ފުށްގަނޑު މެދުން ދެބަޔަށް ފަޅިކޮށްފައި ފުށްގަނޑުމަތީގައި ހަނާކޮށްފައިހުރި ތަރުކާރީ ފަތުރާލާށެވެ. ރޯލެއްހެން އޮޅާލާފައި ގާތްގަނޑަކަށް ދޮޅުއިންޗި ހުންނަވަރަށް ބުރިކޮށްލާށެވެ.
ޓްރޭގައި ދޭތެރެދުރުކޮށް އަތުރާފައި އަނެއްފަހަރު ކަވަރކޮށްފައި ފުފިލަންދެން ބަހައްޓާށެވެ.
އަވަންގެ ހޫނުމިން 200 ޑިގްރީގައި ބަހައްޓައިގެން 17 މިނިޓް ފިހެލާށެވެ. މި ބަނަސް ފުށްގަނޑުވެސް ވަރަށް ގިނަ ގޮތްގޮތަށް ތައްޔާރުކުރެއެވެ.
