ބޭނުންވާތަކެތި:
ދިވެހި ހަކުރު
ހަނޑޫ
ތެޔޮ
މާމުއި
ތައްޔާރު ކުރާނެގޮތް:
ހަނޑޫ ދޮވެލުމަށްފަހު ބަތް ކައްކާ ގޮތަށް ކައްކާށެވެ. އެއަށްފަހު ބަތް ރަނގަޅަށް ދޮވެ އަވިން ބަތް ހިއްކާށެވެ. ތަވާ އުދުން މައްޗަށް އުދާފަ ތެޔޮ އަޅާށެވެ. ތެޔޮ ހޫނުވުމުން ހިއްކާފައިހުރި ބަތް ފަހަރަކު ސަމްސަލަކަށް ވާވަރަށް ތެޔޮއެއްޗަށް އެޅުމަށްފަހު ތެލުލާށެވެ. ތެޔޮއެތީގައި ގިނައިރު ނުކޮށް ބަތްފުށްތައް ނަގަންވާނެއެވެ. ދިވެހި ހަކުރު ތަވާއަށް އަޅާ މަޑުގިނީގައި ދޭފަތުން އެއްކުރަމުން ކުޑައިރުކޮޅަކު ކެއްކުމަށްފަހު ތެލުލާފަހުރި ބަތްފުށްތައް އަޅާށެވެ. ތަވާގެ ކައިރިފަށުގައި ހުރި ހަކުރު ހިކެންދެން މަޑުގިނީގައި އެއްކުރަމުން ކައްކާށެވެ. ފިނިވީމަ ގުޅަގޮތަށް ތައްޔާރު ކުރެވިދާނެއެވެ. މިގޮތަށް ތައްޔާރުކުރާ ބަތްގުޅަ އަކީ ކުޑަކުދިންވެސް ވަރަށް މީރުކޮށް ކާއެއްޗެއްކަން ވަނީ ފާހަގަކުރެވިފައެވެ.
