ކ. ހުރާ އަކީ މާލެ ސިޓީ އިން 20 ވަރަކަށް މިނިޓުން ދެވޭ ކުޑަކުޑަ ރީތި ރަށެކެވެ. ވިޝް ގެސްޓްހައުސް ނުވަތަ ވިޝް ހޮޓަލަކީ ކ. ހުރާ އަށް ޗުއްޓީ ހޭދަކުރުމަށް ދާ މީހުންގެ މެދުގައި މަގުބޫލު ތަނެކެވެ. މިއީ 13 ކޮޓަރީގެ ހޮޓަލެކެވެ.
ވިޝް ހޮޓެލް ހުންނަނީ ކ. ހުރާގެ އެންމެ މަގުބޫލު އެއް ތަނުގެ ގޮތުގައި ފާހަގަކުރެވޭ 'މެންގްރޫވް' ނުވަތަ ބޮޑު ފެންގަނޑު ކައިރީގައެވެ.
ޖެނެރަލް މެނޭޖަރ އިސްމާއީލް ޔާފިސް، 'ޒީޓައިމްސް' އަށް މައުލޫމާތު ދިންގޮތުގައި ވިޝް ހޮޓަލުގައި ޚިދުމަތް ދޭން ތިބޭނީ އެކަމަށް ޚާއްސަ ތަމްރީނާއި ތަޖުރިބާ ލިބިފައިވާ ކުރިން ރިސޯޓްތަކުގައި މަސައްކަތްކުރި މުވައްޒަފުންނެވެ.
" އެހެން ތަނެއްގައި ހުރެފައި މިތަނަށް އައިސްފިނަމަ ތަފާތު ފެންނާނެ، ދިވެހިންނަށް ޚާއްސަ އަގުތަކެއް އުޅޭނެ. 1250 އެއީ ހެނދުނުގެ ސަޔާއެކު ކޮޓަރިއެއްގެ އަގު. ސުއިޓް ރޫމްގެ އަގު އުޅެނީ 1600 އަށް. އެއީ ޓެކްސްއާއެކު. އަޅުގަނޑުމެން ދޭ ޚިދުމަތާއި ބަލާފަ އަގު ރަނގަޅުކަމަށް ބުނާނެ މިތާގަ 'ސްޓޭ' ކޮށްފިއްޔާ ކޮންމެ ބޭފުޅަކުވެސް". ޔާފިސް ކިޔައިދިނެވެ.
ޓެރަސްގައި ރެސްޓޯރެންޓެއް ހުރެއެވެ. ދިވެހިން އަދި ބޭރުމީހުންނަށް ޚާއްސަ ކެއުންތައް ލިބެން ހުރިއިރު، އެންމެ ބޮޑު އެއް ހިތްހަމަޖެހުމަކީ އިމާރާތުގެ ބެލްކަނިންނާއި ޓެރަސްއިން އެފެންނަ ގުދުރަތީ ރީތި މަންޒަރުތަކެވެ.
ވިޝް ހޮޓަލުން ޚިދުމަތް ހޯދާ މީހުންނަށް ތަފާތު ތަޖުރިބާތައް ކުރެވެން އެބަހުއްޓެވެ. " ޖިމް ސަރވިސް ލިބޭނެ. ބަގީ ސަރވިސް ލިބޭނެ. އަޅުގަނޑުމެންގެ އަމިއްލަ ރެސްޓޯރެންޓެއް ޓެރަސްގައި ހުންނާނެ. ތިރީގައި ކޮފީ ޝޮޕެއް ހުންނާނެ. އެކްސްކާޝަން ތެރޭގައި ހުންނާނެ ޑޯލްފިން ކްރޫ، ސޭންޑް ބޭންކް، ސްނޯކްލިންގ، ފިޝިންގ، ސަންސެޓް ކްރޫޒް". ޔާފިސް ފާހަގަކުރިއެވެ.
ހުރާގައި ފަތުރުވެރިންނަށް ޚާއްސަ ގޮނޑުދޮށެއްގެ އިތުރަށް ކުޑަކުދިން ގޮވައިގެން ދިއުމަށް ޚާއްސަ ގޮނޑުދޮށެއް ވެސް އޮވެއެވެ. ވޯޓަރ ސްޕޯޓްސް ވެސް ތަޖުރިބާ ކުރެވިދާނެއެވެ.
ތިރީގައި މިވަނީ ވިޝް ގެސްޓްހައުސް އާއި ގުޅޭ ވީޑިއޯ އެކެވެ.
ސާފުތާހިރު، ހިތްހަމަޖެހޭ ގޮތަށް ފަރުމާކޮށްފައިވާ ވިޝް ހޮޓަލުން ދޭ ޚިދުމަތުގައި ދިވެއްސެއް ބޭރުމީހެއް ތަފާތެއް ނުކުރެއެވެ. އަންނަ ކޮންމެ މެހުމާނަކަށް އެ މެހުމާނަކު ބޭނުންވާ ފެންވަރަށް ޚިދުމަތް ފޯރުކޮށްދެއެވެ. 'ޒީޓައިމްސް' އިން ހުރާ އަށް ކުރި ދަތުރުގައި ވަނީ ވިޝް ހޮޓަލުގެ ފެންވަރު ރަނގަޅު ޚިދުމަތް ތަޖުރިބާ ކުރެވިފައެވެ. އަދި ގިނަ އަދަދެއްގެ ދިވެހިން އާއިލާއާއެކު ހަފްތާ ބަންދުގައި ޚިދުމަތް ހޯދާ ހޮޓަލެއްގެ ގޮތުގައިވެސް ވިޝް ހޮޓެލް ފާހަގަކުރެވެއެވެ.
ފޭސްބުކް ޕޭޖް: Wish Hotel – K. Huraa
ގުޅޭނެ ނަންބަރު: 9127229
