ޒީޓައިމްސް ގައި ޓްރީ މޯލްޑިވްސް (ޓީ.އެމް)ގެ ލިޔުންތައް ޝާއިޢުކުރުމަށް އެއްބަސްވުމެއްގައި ވަނީ ސޮއިކޮށްފައެވެ. މިއަދު ސޮއިކުރި މި އެއްބަސްވުމަކީ، ދިވެހި މުޖުތަމަޢުގައި ތިމާވެށީގެ ހޭލުންތެރިކަން އިތުރުކުރުމަށް، ޓީ.އެމްގެ ފަރާތުން ޝާއިޢުކުރަން ބޭނުންވާ ލިޔުންތައް ޝާއިޢުކުރުމަށް ވެވުނު އެއްބަސްވުމެކެވެ. މި އެއްބަސްވުމުގައި ޒީޓައިމްސްގެ ފަރާތުން ސޮއިކުރީ މަސްއޫލުވެރިޔާ އަދި ޗީފް އެޑިޓަރ ޒީނާ ޒާހިރު އެވެ. ޓީ.އެމްގެ ފަރާތުން ސޮއިކުރީ އެޖަމްއިއްޔާގެ އެއް ފައުންޑަރ އަދި ރައީސް މުޙައްމަދު ޝަރީފު އެވެ. ޓީ.އެމް އަކީ، 1993 ވަނަ އަހަރު އޭރުގެ އީ.ޕީ.އެސް ސްކޫލުގައި އުފެއްދި ތިމާވެށި ޖަމްއިއްޔާ "ފީޑް" ގައި ހަރަކާތްތެރިވި ބައެއް ދަރިވަރުންނާއި މުދައްރިސުން ބައިވެރިވެގެން އުފައްދާފައިވާ ޖަމްއިއްޔާއެކެވެ.