ބޮޑެތި މީހުން ދުންފަތުގެ އިސްތިއުމާލު ކުރުން ހުއްޓާލުމަށް އެެހީީވެެދޭޭ ކްލިނިކަލް ޓްރީޓްމެންޓް ގައިޑްލައިނެއް، ފުރަތަމަ ފަހަރަށް ދުނިޔޭގެ ސިއްހަތާއި ބެހޭ ޖަމްއިއްޔާ (ޑަބްލިއުއެޗްއޯ) އިން ނެރެފި އެވެ. މި ގައިޑްލައިން ފޯކަސް ކޮށްފައިވަނީ ހުރިހާ ބާވަތެއްގެ ދުންފަތުގެ އިސްތިއުމާލުކުރުން ހުއްޓާލުމަށް ބޭނުންވާ 750 މިލިއަނަށްވުރެ ގިނަ މީހުންނަށް އެކަން ހުއްޓާލުމަށް އެހީތެރިވެދޭ ގޮތަށެވެ.
ދުންފަތުގެ ހުރިހާ ބާވަތެއް ހުއްޓާލުމަށް އެހީވެދިނުމަށް ޑަބްލިއުއެޗްއޯއިން އާންމުކޮށްފައިވާ ގައިޑްލައިނަކީ ދުންފަތުގެ ބާވަތްތަކުުގެެ ނުުރަައްްކަަލާާއިި ދެކޮޅަށް ދުނިޔެއިން ކުރާ ހަނގުރާމައިގައި ހޯދުނު ކުރިއެރުމެއް ކަމަށް ޑަބްލިއުއެޗްއޯގެ ޑިރެކްޓަރ ޖެނެރަލް ޓެޑްރޮސް އަދަނޮމް ގެބްރިއޭސަސް ވިދާޅުވެއެވެ.
އަދި ދުންފަތުގެ އިސްތިއުމާލުކުރުން ހުއްޓާލުމަށް ބޭނުންވާ މީހުން ތިބި ގައުމުތަކަށް މި ގައިޑްލައިނަކީ މުހިންމު ބާރަކަށް ވާނެ ކަމަށް އޭނާ ވިދާޅުވިއެވެ.
ދުނިޔޭގެ އާބާދީގައި ދުންފަތުގެ އިސްތިއުމާލު ކުރާ 1.25 ބިލިއަން މީހުންގެ ތެރެއިން 60 އިންސައްތައަށްވުރެ ގިނަ މީހުން (750 މިލިއަނަށްވުރެ ގިނަމީހުން) ދުންފަތުގެ އިސްތިއުމާލު ކުރުން ހުއްޓާލަން ބޭނުންވި ނަމަވެސް 70 އިންސައްތަ މީހުންނަށް އެދެވޭ ފައިދާހުރި ހިދުމަތެއް ނުލިބެއެވެ. މިއީ ވަސީލަތްތައް މަދުވުން ހިމެނޭ ގޮތަށް ސިއްހީ ނިޒާމުތަކަށް ދިމާވެފައިވާ ގޮންޖެހުންތަކުގެ ސަބަބުން އޮތް ފަރަގެއް ކަމަށް ޑަބްލިއުއެޗްއޯ އިން ދެކެއެވެ.
ދުންފަތުގެ އިސްތިއުމާލު ކުރުން ހުއްޓާލުމަށް ދެވޭ ފައިދާ ހުރި ތެރަޕީތައް
ދުންފަތް ބޭނުން ކުރުން ހުއްޓާލުމަށް އަމިއްލައަށް ބޭނުންވެގެން ފާމަކޯތެރަޕީން ދުންފަތުގެ އިސްތިއުމާލުކުރުން ހުއްޓާލުން ކާމިޔާބު ކުރާ މީހުންގެ ރޭޓް ފާހަގަކޮށްލެވޭ މިންވަރަށް އަންނަނީ މަތިވަމުންނެވެ.
މި ފަރުވާތައް އެއްވެސް އަގަކާއި ނުލާ ނުވަތަ ހެޔޮ އަގެއްގައި ފޯރުކޮށްދިނުމަށް ޑަަބްްލިިއުުއެޗްއޯޯއިިންް ގައުމުތަކަށް ބާރުއަޅައެވެ. ކުުދިި އަަދިި މެެދުުފަަންްތީީގެެ އާމްދަނީ ލިބޭ ގައުމުތަކުުން މިކަމަށް ވަކިން ބޮޑަށް ސަަމާާލުުވުުމަަށްް ދުނިޔޭގެ ސިއްހަތު ޖަމްއިއްޔާއިން ބާރު އަޅައެވެ.
ޑަބްލިއުއެޗްއޯއިން ލަފާދޭޭ ގޮޮތުުގަައިި 'ވެރެނިކްލިން، ނިކޮޓިން ރިޕްލޭސްމެންޓް' ތެރަޕީ (އެންއާރުޓީ)، 'ބިއުޕްރޮޕިއަން' އަދި 'ސައިޓިސިން' އަކީ ދުންފަތް ބޭނުން ކުރުން ހުއްޓާލުމަށް ދެވޭ ފައިދާ ހުރި ތެރަޕީތަކެކެެވެެ.
2023 ވަނަ އަހަރު ޑަބްލިއުއެޗްއޯ އިން އިސްނަގައިގެން ވަނީ ދުންފަތުގެ އިސްތިއުމާލުކުރުމުން ދިމާވާ އުނދަގޫތަކާއި ދެކޮޅަށް ދޭ ބޭސްތައް ގައުމުތަކަށް ލިބޭ މިންވަރު މަތި ކުރުމަށް ޕްރީކޮލިފިކޭޝަން ޕްރޮސީޖާރ އެެއްް ހަދާފައެވެ. 2024 ވަނަ އަހަރުގެ އޭޕްރީލްމަހު ކެންވުގެ ނިކޮޓިން ގަމް އާއި ޕެޗް ވެގެންދިޔައީ ޑަބްލިއުއެޗްއޯގެ ފުރަތަމަ ޕްރީކޮލިފައިޑް އެންއާރްޓީ ބާވަތަށެވެ.
ޑަަބްލިއުއެޗްއޯޯއިން އެންމެ ބޮޑަށް ބާާރު އަޅާ ފަރުވާއަކީ 'ބިހޭވިއަރަލް އިންޓަވެންޝަން' އެވެ. އޭގެތެރޭގައި 30 ސިކުންތާއި 3 މިނިޓާއި ދެމެދުގެ ހެލްތް ވޯކަރ ކައުންސިލިން ވަކި ތަރުތީބަކުން ދިނުމާއި، ހަމަ އެއާއިއެކު ބޮޑަށް ބިހޭވިއަރަލް ސަޕޯޓް، ވަކިވަކިންނާއި ގުރޫޕުތަކުގެ މެދުގައި، ފޯނުގެ ޒަރިއްޔާއިންވެސް ބޭނުންވާ މީހުންނަށް ދިނުމަށް އެ އިދާރާއިން ބާރުއަޅައެވެ. ޓެކްސްްޓް މެސެޖާއި ސްމާޓްފޯނު އެޕް އަދި އިންޓަނެޓް ޕްރޮގްރާމްތަކަކީ މިކަމަށް ބޭނުން ކުރެވިދާނެ ޑިޖިޓަލް ޓޫޫލްްތަަކެެއްް ކަމަށް ޑަބްލިއުއެޗްއޯއިން ބުނެއެވެ.
ދުންފަތުގެ އިސްތިއުމާލު ކުރުން ހުއްޓާލުމަށް ބޭނުންވާާ، އެހެންނަމަވެސް އެހީތެރިކަން ނުލިބޭ އެތައް މިލިއަން ބައެއްގެ ސިއްހަތު ރަނގަޅު ކުރުމަށް ސިއްހީ ހިދުމަތްދޭ ފަރާތްތަކާއި ސިޔާސަތުތައް ކަނޑައަޅާ ފަރާތްތަކާއި ސްޓޭކް ހޯލްޑަރުން މި ގައިޑްލައިން ތައާރަފްކޮށް ތަންފީޒު ކުރުމަށް ދުނިޔޭގެ ސިއްހަތު ޖަމްއިއްޔާއިން ވަރަށް ބޮޑަށް ބާރު އަޅައެވެ.
ދުންފަތުގެ އިސްތިއުމާލު ކުރުމުގެ ސަބަބުން އަހަރެއްގެ މައްޗަށް 8 މިލިއަނަށްވުރެ ގިނަމީހުން މަރުވާކަމަށް ޑަބްލިއުއެޗްއޯއިން އަންދާޒާ ކުރެއެވެ. އޭގެ ތެރެއިން 7 މިލިއަނަށްވުރެގިނަ މީހުންނަކީ ޑައިރެކްޓް ސްމޯކިންގެ ސަބަބުން މަރުވާ މީހުންނެވެ.
