ދައުލަތަށް ގިނަ ދުވަހު ޚިދުމަތް ކުރައްވައިގެން ޝަރަފާއި މެޑަލް ހާސިލުކުރެއްވި ސްޓެލްކޯގެ 16 މުވައްޒަފުންގެ ޝަރަފުގައި އާދީއްތަ ދުވަހު ޚާއްސަ ހަފްލާއެއް ބޭއްވީ ސްޓެލްކޯގެ ހެޑްއޮފީހުގައެވެ. މި ހަފްލާގައި ސްޓެލްކޯގެ މެނޭޖިންގ ޑައިރެކްޓަރ ހުސައިން ފަހުމީ ވިދާޅުވީ ސްޓެލްކޯ އަށް ޚިދުމަތް ކުރުމަކީ ދިވެހި ދައުލަތަށް ޚިދުމަތް ކުރުން ކަމަށާއި، ރައްޔިތުންނަށް ދޭ ޚިދުމަތް ހީނަރުވެއްޖެނަމަ ދިވެހި ދައުލަތް ހީނަރުވެ، އިޤްތިސާދީ މިނިވަންކަން ހީނަރުވާނެކަމީ ޔަޤީންކަމެއް ކަމަށެވެ. އެހެންކަމުން ދިވެހި ދައުލަތަށް ޚިދުމަތް ކުރުމުގައި ތިބެންވާނީ ފިސާރި ކެރިގެންކަމަށާއި އެކަމުގައި ހީނަރުކަމެއް އައިސްގެން ނުވާނެކަމަށެވެ.