ޗޮކްލެޓް ބަޓަރ ކްރީމް ތައްޔާރުކުރުމަށް:
350ގ އަންސޯލްޓެޑް ބަޓަރ
350ގ އައިސިންގ ޝުގަރ
70ގ ކޮކޯޕައުޑަރ
1 މޭޒުމަތީ ސަމުސާ ވެނީލާ އެސެންސް
¼ މޭޒުމަތީ ސަމުސާ ލޮނު
އިތުރަށް ބޭނުންވާތަކެތި
1 ޖޯޑު ކިރު
2 ޕެކެޓް މާރީ ބިސްކޯދު
8-4 އިންޗި އެލްމިނިއަމް ތަށި
ޑެކަރޭޓް ކުރުމަށް ބޭނުންވާތަކެތި:
ކޮށާފަހުރި ރޯސްޓެޑް ކެޝޫނަޓް
ޗޮކްލެޓް ސޯސް
ތައްޔާރުކުރާނެ ގޮތް:
ބަޓަރ، އައިސިންގ ޝުގަރ އަދި ލޮނު އެޅުމަށްފަހު މަޑުގިނީގައި މިބާވަތްތައް އެއްކުރެވެންދެން ކައްކާށެވެ. އެއަށްފަހު ކޮކޯޕައުޑަރ އަޅާފަ އެއްކޮށްފަ ކުޑައިރުކޮޅަކަށް ކައްކާށެވެ. އަދި ވެނީލާ އެސެންސް އަޅާފަ އެއްކޮށްލާށެވެ.
ވަކިތައްޓަކަށް ކިރު އެޅުމަށްފަހު މާރީ ބިސްކޯދު 3 ސިކުންތަށް ކިރުތަށްޓަށް އަޅާފަ ނަގާށެވެ. މާބޮޑަށް ބިސްކޯދު މަޑުވެއްޖެނަމަ ނުބައިވެދާނެއެވެ. އެއަށްފަހު ތައްޓަށް ބަޓަރ ކްރީމް އަޅާފަ އޭގެ މަތީގައި ބިސްކޯދު އެތުރުމަށްފަހު އަނެއްކާވެސް ބަޓަރ ކްރީމް މައްޗަށް އަޅާށެވެ. މިގޮތަށް ލޭޔަރސް ތަކުރާރު ކުރާށެވެ. އެއަށްފަހު މައްޗަށް ޗޮކްލެޓް ސޯސް އަޅާލުމަށްފަހު ކެޝޫނަޓް އަޅާށެވެ. ފްރިޖުގައި 3 ގަޑިއިރު ބެހެއްޓުމަށްފަހު ކެއުމުން ވަރަށް މީރު ވާނެއެވެ.
