އއ. ހިމަންދޫ އިންޖީނުގޭގެ މުވައްޒަފުންގެ އިސްނެގުމާއެކު ހިމަންދޫ ކައުންސިލް، ސަރުކާރުގެ އެހެނިހެން މުއައްސަސާތަކާއި އަދި ކްލަބް ޖަމްއިއްޔާތައް ގުޅިގެން ފަލަސްޠީނުގެ ރައްޔިތުންނަށް އެހީތެރިވުމަށްޓަކައި ވަނީ ހަރަކާތެއް ނިމިދިޔަ ހަފްތާގައި ކުރިއަށްގެންގޮސްފައެވެ. "ހެލްޕް ޣައްޒާ- ދިވެހީން ހަނދާނެއް ނުނެތޭ" ނަމުގައި ހިމަންދޫގައި ކުރިއަށްގެންދިޔަ ހަރަކާތުން ޖުމްލަ 260،800 ރުފިޔާ ވަނީ އެއްކުރެވިފައެވެ. މީގެތެރެއިން 126،560 ރުފިޔާ އަކީ އިންޖީނުގޭގެ މުވައްޒަފުން ހަދިޔާކުރި ފައިސާއެވެ. މިފަދަ އިޖުތިމާޢީ ޚިދުމަތުގެ މަސައްކަތްތަކުގައި ސްޓެލްކޯގެ މުވައްޒަފުން އަމަލީގޮތުން ދައްކަމުން އަންނަ ނަމޫނާއަށްޓަކައި ފަޚުރުވެރިވާކަމަށް ސްޓެލްކޯއިން ވަނީ ހާމަކޮށްފައެވެ.