އުރީދޫ ނޭޝަން އާއި މިނިސްޓްރީ އޮފް ޔޫތު އެމްޕަވަރމަންޓް، އިންފޮމޭޝަން އެންޑް އާޓް ގުޅިގެން ބޭއްވި ރަމަޟާން އީސްޕޯޓްސް ފެސްޓިވަލް 2ކޭ25 ކުލަގަދަކޮށް ވަނީ ނިންމާލާފައެވެ. މި ފެސްޓިވަލް ކުރިއަށްދިޔައީ މާޗް މަހުގެ 12 އިން 14 އަށް ޔޫތު ތާޑް ސްޕޭސް (ލިލީ މަގު) ގައި ކޮންމެ ރެއަކުވެސް ރޭގަނޑު 9:00 އިން މެންދަމު 12ގެ ނިޔަލަށެވެ. މިފެސްޓިވަލުގެ ނިމުނުގެ ރަސްމިއްޔާތަށް މިނިސްޓަރ އޮފް ޔޫތު އެމްޕަވަރމަންޓް، އިންފޮމޭޝަން އެންޑް އާޓް އިބްރާހިމް ވަހީދު އަދި އުރީދޫ މޯލްޑިވްސް ގެ ޗީފް ކޮމާޝަލް އޮފިސަރ ހުސައިން ނިޔާޒު ގެ އިތުރުން މިނިސްޓްރީ އަދި އުރީދޫގެ އިސް ވެރިން ވަނީ ބައިވެރިވެފައެވެ. މި މުބާރާތުގެ ވާދަވެރި އީއޭއެފްސީ، ޕަބްޖީ މޮބައިލް އަދި ޓެކެން ޓޯނަމަންޓްތައް ކުރިއަށްދިޔައީ 30،000 ރުފިޔާގެ އިނާމް ޕޫލްގެ ބައެއް ހޯދުމަށް ހުނަރުވެރި ގޭމަރުން ވާދަކުރުމާއެކު އެވެ. މި ހަރަކާތަކީ ކުރިއަރަމުން އަންނަ ލޯކަލް ގޭމިން ކޮމިއުނިޓީގެ ހުނަރު ދައްކާލައި، އެކުވެރިކަމާއި ވާދަވެރިކަމާއެކު ގޭމް ކުޅޭ ފަރާތްތަކާ ގުޅުން ބަދަހިކޮށް ހުރިހާ އުމުރު ފުރާއަކަށް ހުޅުވާލައިގެން ކުރިއަށްދިޔަ ފެސްޓިވަލެކެވެ.
