ވެލާނާ އިންޓަނޭޝަނަލް އެއާޕޯޓް (ވީއައިއޭ)ގެ އައު ފަސިންޖަރ ޓާމިނަލްގެ މަސައްކަތް ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ބައްލަވާލައްވައިފިއެވެ. ރައީސުލްޖުމްހޫރިއްޔާގެ މި ޒިޔާރަތުގައި ކެބިނެޓް މިނިސްޓަރުންނާއި ސަރުކާރުގެ އިސް އޮފިޝަލުންގެ އިތުރުން އެމްއޭސީއެލްގެ މެނޭޖިންގ ޑައިރެކްޓަރ އިބްރާހީމް ޝަރީފް މުހައްމަދު އާއި އެކުންފުނީގެ އިސްވެރިން ވަނީ ބައިވެރިވެވަޑައިގެންފައެވެ. އައު ޓާމިނަލްގެ ޚިދުމަތް ފެށުމަށް ހަމަޖެހިފައިވަނީ މިއަހަރުގެ އޮކްޓޯބަރު މަހުގައެވެ. ރައީސް ވަނީ މަސައްކަތް ގޮސްފައިވާ ހިސާބާއި މަސައްކަތް ރޭވިފައިވާ ގޮތާއި ގުޅޭގޮތުން މައުލޫމާތު އޮޅުން ފިލުއްވާފައެވެ. 72000 އަކަފޫޓު ބޮޑުމިނުގެ މި ޓާމިނަލްގައި 47 ޗެކްއިން ކައުންޓަރު، 6 ސެލްފް ސަރވިސް ކިއޮސްކް، ޒަމާނީ ބެގޭޖް ހޭންޑްލިންގ ސިސްޓަމެއް އަދި އެޑްވާންސްޑް ސެކިއުރިޓީ ސްކްރީނިންގ ނިޒާމެއް ޤާއިމްކުރުމަށް ވަނީ ހަމަޖެހިފައެވެ.