ހުޅުމާލެ ފަޅު ބޭރުގައި އަޅާފައި އޮތް ސަފާރީއެއްގައި އަލިފާން ރޯވެ އަނދައިފިއެވެ. ފުލުހުން މައުލޫމާތުދިންގޮތުގައި މި ހާދިސާގެ ރިޕޯޓު ފުލުހުންނަށް ލިބުނީ މިއަދު ހަވީރު 04:55 ހާއިރުގައެވެ.
އަލިފާނުގެ ހާދިސާގައި ދުމުގެ އަސަރު ކުރުމާއި ގުޅިގެން ސަފާރީގެ ދެ ފަޅުވެރިއަކަށް ހުޅުމާލެ ހޮސްޕިޓަލުގައި ދަނީ ފަރުވާދެމުން ކަމުގައި ފުލުހުން ވަނީ މައުލޫމާތުދީފައެވެ.
އެމްއެންޑީއެފްއިން މައުލޫމާތުދިންގޮތުގައި ހުޅުމާލެއާއި ކުރުނބާ މޯލްޑިވްސް ރިސޯޓާއި ދޭތެރޭ އޮތް މި ސަފާރީއަކީ " އެމްޕެރަރ އެކްސްޕްލޯރަރ" ނަމަކަށް ކިޔާ ސަފާރީއެކެވެ. އަލިފާން ނިއްވުމުގެ މަސައްކަތް އެމްއެންޑީއެފްއިން ކުރި ކަމުގައިވިޔަސް ސަފާރީވަނީ އަނދާފައެވެ.
Advertisement
