ގދ.ވާދޫގައި މަސްކެއްކުމަށް ގެއާއި ވަކިން ހަދާފައިހުރި ބަދިގެއެއްގައި އަލިފާން ރޯވެ ބޭނުންނުކުރެވޭ ވަރަށް މިއަދު އަނދައިފިއެވެ.

ފުލުހުން މަޢުލޫމާތުދިންގޮތުގައި ރޯވިކަމުގެ މަޢުލޫމާތު މިއަދު މެންދުރު 12:15 ހާއިރު ލިބުމާއިގުޅިގެން ފުލުހުންނާއި ރައްޔިތުން ގުޅިގެން ކުރި މަސައްކަތުން ވަނީ އަލިފާންގަޑު އިތުރަށް ފެތުރުނަނުދީ ނިއްވާލާފައެވެ.

އަލިފާނުގެ ހާދިސާގައި އެބަދިގެ ކައިރީގައި ހުރި ގެއަށް އަލިފާނުގެ އަސަރު ކުޑަކޮށް ކުރިކަމަށާއި، އެއްވެސް މީހަކަށް އަނިޔާ ނުވާކަމަށް ފުލުހުންވަނީ މަޢުލޫމާތުދީފައެވެ.

Advertisement

މިހާދިސާއާއި ގުޅިގެން އިތުރަށް ބަލަންޖެހޭ ކަންކަން މިހާރު ފުލުހުން ދަނީ ބަލަމުންނެވެ.

ފޮޓޯ: އާނިމް